Te fundit
Anëtarët e AMA/ Peza: PD të vijë në Kuvend
7 Tetor 2014, 11:35Politika
TEMA
Nënkryetari i Komisionit parlamentar të Mediave, deputeti socialist Alfred Peza i ka drejtuar një apel kolegëve të tij të opozitës që të marrin pjesë në mbledhjen e Komisionit për të zgjidhur ngërcin në lidhje me plotësimin e vendeve vakante në AMA.
“I bëjmë thirrje opozitës të vijë e të ushtroje të drejtën e saj ligjore. Të vijë opozita e të zgjidhim ngërçin”, tha Peza.
Komisioni për Edukimin dhe Mjetet e Informimit Publik ka vijuar edhe sot me procedurat për plotësimin e vendeve vakante në AMA (Autoriteti Medias Audiovizive) pa praninë e opozitës, ndërsa është skualifikuar nga gara kandidatja Merita Myftari.
Nënkryetari i Komisionit të Medias, Alfred Peza, tha se opozita është vënë në dijeni për përjashtimet, por “s’ka kthyer përgjigje”.
Pritet që Komisioni në mbledhjen e së mërkurës të zgjedhë dy emrat për anëtarë që i takojnë mazhorancës dhe të enjten do t’i paraqiten për votim seancës plenare.
Ditën e djeshme janë përjashtuar nga gara dy emra të tjerë në listën prej 26 kandidatëve, Feti Zeneli dhe Edlira Çaushi.
Partia Demokratike nga ana e saj e ka cilësuar procesin si anti-Kushtetues dhe ka paralajmëruar se do t’i drejtohet Gjykatës Kushtetuese. Deputetë të PD akuzojnë mazhorancën se po tenton të uzurpojë një tjetër institucion të pavarur sikundër është AMA.
Lini një Përgjigje
Më të lexuarat
24 oret e fundit
Javen e fundit
Blog Tema
