Tregu farmaceutik/ Beqaj: Do të rrisim cilësine dhe sigurinë, do të ulen çmimet. Reagon shoqata farmaceutike

Ministri i Shëndetësisë Ilir Beqaj ishte i pranishëm në forumin e hapur të biznesit të organizuar nga Dhoma Amerikane e Tregtisë për tregun farmaceutik.

Duke u ndalur tek situata në të cilën e ka gjetur këtë treg, ministri Beqaj tha se institucioni që ai drejton do të garantojë lirinë e tregut dhe konkurrencën e ndershme, duke eliminuar monopolet.

Beqaj ngriti shqetësimin se çmimet e barnave në vendin tonë shpeshherë janë më të larta se në vendet e BE, duke u shprehur se do të ulet çmimi i shitjes së tyre.
 
“Çmimet e barnave janë shpesh më të larta se në vendet e BE. Në zonat rurale shërbimi farmaceutik mungon. Ne do të ulim çmimin e shitjes së barnave në Shqipëri. Nuk do të ketë asnjë produkt farmaceutik të regjistruar që do të shitet në vendin tonë me një çmim më të lartë se në vendin e tij të origjinës.

Ne do të rrisim cilësinë dhe sigurinë e barnave, duke shtuar kujdesin për indikacionet, në përputhje me standardet evropiane dhe njëkohësisht, do të rrisim kontrollin e cilësisë gjatë të gjithë zinxhirit të shpërndarjes së barnave”, tha Beqaj.
 
Për të rritur cilësinë e shërbimit farmaceutik, ministri Beqaj tha se do të krijohet një sistem gjurmimi për kontrollin e barnave në mbarë vendit.
 
Ndërkaq, Ministria e Shëndetësisë thotë se Qendra e Kontrollit të Barnave do të shndërrohet në Agjencinë Kombëtare të Barnave dhe Materialeve Mjekësore
 
Duke u ndalur tek pullat postare, ministri Beqaj tha se në 9 muaj të 2014-ës janë emetuar 34 779 549 pulla, 10 % më shumë se në të njëjtën periudhë të 2013, ku u emetuan 31 564 157. 

Ndërkohë Shoqata farmaceutike ka reaguar pas deklaratave të ministrit të Shëndetësisë Ilir Beqaj. Sipas kësaj shoqate ministria po bllokon ilaçet e kompanive më me emër që janë të regjistruara dhe të njohura në botë. Shoqata shprehet se në treg po futet një bar prodhim turk i paregjistruar.

Ministri i Shëndetësisë Ilir Beqaj në forumin për tregun farmaceutik theksoi se monopolet kanë ndikuar negativisht në këtë treg. 

Bregu reagon pas kritikave: Gratë nuk duhet të bëhen si burra, për t'u konsideruar të zonjat

12:46 Sociale

Dhame: Vizita e Papa Françeskut i dha hov turizmit shqiptar

13:36 Sociale

Veliaj dhe Rama në Berat: Mbajtëm premtimin 12 zyra pune, në 12 qarqet e vendit brenda vitit

13:08 Sociale

Cilësia e ajrit/ Bashkia e Tiranës: Rama të mos pengojë projektet, Prokuroria të hetojë karburantet

12:32 Sociale

INTERVISTA/ Shkëlqim Cani: Reforma në energji nuk synon rritjen e çmimit

19:40 Sociale

“Antiverior dhe antimysliman”/ Maks Velo kërkon falje dhe tërhiqet

14:27 Sociale

Basha-Ahmeti: Thellim bashkëpunimit Tiranë-Prishtinë, grup pune edhe për zhvillimin e bizneseve

14:02 Sociale

FOTO LAJM/ Rama: Këto lloj rrugësh gllabëronin buxhetin e quheshin sukses

13:51 Sociale

Vjedhja e kabllit elektrik/Bozdo: Policia të gjejë hajdutët

13:46 Sociale

Ajri në Tiranë më i ndotur se normat e BE, niveli i ndotjes më i ulët vetëm ditën e vizitës së Papës

13:05 Sociale