Vjedhja e kabllit elektrik/Bozdo: Policia të gjejë hajdutët

Nënkryetari i Bashkisë së Tiranës Enno Bozdo ka denoncuar vjedhjen e vazhdueshme të kabllit që furnizon me energji ndriçimin publik në Tiranë.

Në një deklaratë për mediat, Bozdo tha se ndonëse është denoncuar vazhdimisht në polici, ende nuk ka asnjë masë nga policia për këtë vjedhje që ndodh para syve të tyre.

Bozdo inspektoi punën për zëvendësimin e kabllit përgjatë Lanës, ndërkohë që me një financim prej afërsisht 100 milionë lekësh do bëhet rivendosja e kabllove dhe kapakëve të pusetave.

“Këto investime  nëse policia do kryente punën e saj, do të shkonin për përmirësimin e cilësisë së jetës së banorëve në zona të ndryshme të Tiranës, të lëna në harresë për dhjetra vite të shkuara.

Është kthyer tashmë në një shqetësim të madh, jo vetëm për qytetarët por edhe për Bashkinë e Tiranës, çështja e vjedhjes së kabllove të furnizimit me energji elektrike për ndërtim publik në qytet. Punimet që shihni pas meje janë për të zëvendësuar një kabëll rreth 2 km të gjatë, të vjedhur para ca kohësh që ka lënë pa ndriçim publik pjesën më të madhe të Unazës, nga Drejtoria e Përgjithshme e Policisë deri tek kthesa, tek Pallati me Shigjeta”, theksoi Bozdo.

Në vijim ai i bëri thirrje Policisë së Shtetit, e cila ka marrë në mënyrë frekuente, rast pas rasti të gjitha denoncimet e Bashkisë së Tiranës të impenjohet për ruajtjen e pronës publike, sepse kjo nuk ka të bëjë vetëm me investimet e Bashkisë së Tiranës (është një shumë afërsisht 100 milionë lekë të shpenzuara për të rivendosur të gjithë pjesët e vjedhura, kabllot, kapakët e pusetave) por ka të bëjë edhe me qytetarët.

“Policia deri tani nuk ka bërë absolutisht asgjë. Dyshimi ynë është se këto vjedhje kryhen nga grupe shumë të organizuara, nuk kemi të bëjmë me vjedhje individuale por përsëri aksioni i Policisë ka qenë pothuajse zero.

Ata mjaftohen me marrjen shënim në proces-verbal të denoncimit të Bashkisë së Tiranës, asnjë arrestim i këtyre grupeve të organizuara që vjedhin pronën publike.

Të vetmet arrestime që ka bërë Drejtoria e Policisë janë këta punëtorë që ju shikoni këtu pas meje të cilët ishin duke punuar për zgjerimin e nyjës semaforike dhe rregullimin e trotuareve dhe ashtu siç kemi denoncuar edhe më parë në media janë arrestuar pa asnjë lloj të drejte, janë mbajtur në komisariat absolutisht pa asnjë lloj të drejte”, tha ai.

Ajri në Tiranë më i ndotur se normat e BE, niveli i ndotjes më i ulët vetëm ditën e vizitës së Papës

13:05 Sociale

Veliaj në Peqin: “Vitin tjetër dyfishojmë Fondin e Nxitjes së Punësimit”

11:53 Sociale

Ebola, në Shqipëri nuk ka asnjë rast të dyshuar

16:47 Sociale

Pelikanët shqiptarë luhaten në prag të zhdukjes

15:01 Sociale

Veliaj përuron laboratorin e informatikës në Kamëz

13:30 Sociale

Çmimi i cigareve rritet në mënyrë abuzive ende pa hyrë në fuqi vendimi për rritjen e akcizës

15:51 Sociale

OSBE-biznesit: Miratoni Kodin e Sjelljes që ndalon punën e detyruar të fëmijëve

14:58 Sociale

Ruajtësit e liqenit të Shkodrës, pasurohen duke lejuar peshkimimin e paligjshëm

11:41 Sociale

Qeveria vendos për sigurimin e jetës së ushtarakëve në misione jashtë vendit

20:41 Sociale

Institucionet arsimore parauniversitare/ Qeveria përcakton kriteret për hapjen dhe mbylljen e tyre

20:36 Sociale