Te fundit
Mamografi falas për gratë e angazhuara në Forcat e Armatosura
22 Tetor 2014, 13:09Sociale
TEMA
Ministria e Mbrojtjes dhe ajo e Shëndetësisë do të ofrojnë mamografi falas për gratë e angazhuara në Forcat e Armatosura.
Kjo u bë e ditur gjatë një aktiviteti sensibilizues për luftën kundër kancerit të gjirit të zhvilluar në Ministrinë e Mbrojtjes.
Në këtë veprimtari morën pjesë gra dhe vajza ushtarake dhe civile që punojnë në strukturat e Ministrisë së Mbrojtjes, Shtabit të Përgjithshëm të FA, si dhe në struktura të tjera të garnizonit “Skënderbej”.
Ministrja e Mbrojtjes Kodheli theksoi se muaji tetor njihet tashmë edhe si muaji i luftës kundër kancerit të gjirit.
“Ashtu si në çdo fushë, kujdesi i qeverisë shqiptare është rritur akoma më shumë. Në bashkëpunim me Ministrinë e Shëndetësisë, ne do të rrisim më tej kujdesin dhe jemi duke ndërmarrë hapa konkretë, me qëllim realizimin falas të vizitave ekzaminuese për gratë dhe vajzat që punojnë në Forcat e Armatosura”, u shpreh ministrja e Mbrojtjes.
Kodheli ka drejtuar dhe një lutje të gjitha grave që t’i shpallim luftë këtij armiku vrastar, duke u bërë më të përgjegjshme dhe më të kujdesshme për veten.
“Mesazhi im, buron nga forca dhe guximi i shumë grave, të cilat e kanë sfiduar këtë sëmundje, duke i mposhtur të gjitha vështirësitë me të cilat ato janë përballur. Lufta kundër kancerit të gjirit është beteja jonë e përbashkët, është beteja për jetën”, tha Kodheli.
Ministri i Shëndetësisë Ilir Beqaj, foli për masat që Qeveria ka ndërmarrë për t’iu gjendur pranë grave në këtë beteje. Ai ftoi gratë dhe vajzat pjesëmarrëse të bëjnë ekzaminimin falas në aparatin e momogarfisë. /gj.k/
4 komente në “Mamografi falas për gratë e angazhuara në Forcat e Armatosura”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
ja dhe nje premtim i mbajtur- tha beqiri
rrofshin grate e vendit tone – thirri Mrika
Jam dakord per ushtaraket etj etj, po femrat qe paguajne vete taksat, kontributet shendetesore, qe mbajne femijet dhe ketij vendi i japin te ardhura nuk kane asnje perfitim apo vetem keta te ushtrise qe hane e pijne falas, vishen gratis, rrogen e kane te garantuar dhe nuk rrezikojne asgje (sa mbaj mend nuk ka patur ndonje lufte ne keto 70 vjet)
Ky shtet po behet shteti i burokrateve dhe pak shtet i ekonomise se lire dhe meritokracise…
O Elio
A arrin ta kuptosh ti se pervec faktit se keto femra ushtarake pervec se kane bere mamografine, kane dashur ti percjellin nje mesazh te gjitha grave per te sfiduar semundjen e kancerit te gjirit.
Po ato nuk kane nevoje, mer shokuuu!
Grate oficere e kane gjoksin si te burrave!
Bejne shtanga. Mundje sambo. Veshin antiplumb. Nuk martohen dhe per rrjedhoje nuk pjellin.
Cju duhet atyre mamografia….Ato dun vetem sex dhe stervitje.
Kesaj i thone …”me ka çu lala, me la gojen”… ?