Te fundit
Nishani takon vëllezërit Keta
22 Tetor 2014, 16:21Sport
TEMA
Presidenti, Bujar Nishani, priti në një takim vëllezërit Keta, Ismail Ketën, tre herë kampionin botëror në sportin e kikboksit dhe vëllanë e tij, Gjetan Ketën, i cili u rishpall kampion i Evropës dhe Azisë në sportin e boksit, në Federatën WBC.
Presidenti Nishani përcolli urimet më të mira për kampionin në Federatën WBC, Gjetan Keta, duke i shprehur vlerësimet maksimale për suksesin personal, por mbi të gjitha, për emocionet që përcolli tek populli shqiptar para pak ditësh në ndeshjen që zhvilloi në vendlindje, Bulqizë, duke u rishpallur kampion, këtë herë si sportist shqiptar, në mbrojtje të ngjyrave kuqezi.
“Jam shumë i kënaqur për arritjet tuaja dhe dëshiroj t’ju shpreh mirënjohjen për organizimin e ndeshjes sportive në qytetin e Bulqizës, në atë qytet që ka shumë vlera njerëzore dhe burime natyrore.
Me organizimin e shkëlqyer të atij aktiviteti sportiv në Bulqizë keni arritur të rrisni vlerat e sportit tonë si dhe të kontribuoni në përmirësimin e imazhit të Shqipërisë në botë, ndaj në emrin tim personal dhe të gjithë popullit shqiptar ju falënderoj me mirënjohje.
Institucioni i Presidentit të Republikës do të jetë gjithmonë një derë e hapur për çdo sportist dhe do të mbështesë çdo personalitet dhe individ me kontribute pozitive që përcjellin mesazhe të tilla pozitive për fushën së cilës i përkasin dhe që forcojnë identitetin tonë kombëtar”, u shpreh Nishani.
Vëllezërit Keta falënderuan Kreun e Shtetit për pritjen e rezervuar si dhe shprehën angazhimin e tyre maksimal për të vijuar me iniciativa konkrete në dobi të sportit dhe në forcim të identitetit kombëtar.
Ata informuan Nishanin se të ardhurat e mbledhura nga shitja e biletave të ndeshjes së boksit të para pak ditëve do të shkojnë në dobi të komunitetit, për ngritjes së infrastrukturës sportive në qytetin e Bulqizës. /gj.k/
2 komente në “Nishani takon vëllezërit Keta”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Grushta Shqipeje qe rrezojne edhe baben e shkijeve , rusin !
Kto grushta do ti ” rezervohen ” thithesit !
presidenti i Republikes perballe ketij djaloshi eshte nje zero me bisht.Ky djalosh i jep vendit te tij pa kerkuar gje ne kembim,kurse mustaqja merr nje rroge te majme nga ky vend dhe ne kembim them se prish vetem pune