Te fundit
Pensionet e minatorëve/Veliaj: Rritje e trajtimit financiar për rreth 3700 minatorë
6 Nëntor 2014, 11:43Sociale
TEMA
Ministri i Mirëqenies Sociale dhe Rinisë, Erjon Veliaj theksoi se nga pr/ligji “Për pensionet e punonjësve që kanë punuar në miniera në nëntokë” përfitojnë 3840 minatorë në të gjithë vendin.
Ministri Veliaj ftoi deputetët të votojnë pr/ligin, të cilin e konsideroi si thelbin e angazhimit politik të mazhorancës qeverisëse.
“3840 minatorë përfitojnë sot nga ky pr/ligj. Drafti synon disa gjëra korrekte dhe të prekshme, ul moshën e daljes së pension në 55 vjeç.
Me këtë ligj ata që sot përfitojnë vetëm 9 mijë lekë nga trajtimi i veçantë kalojnë menjëherë në pension, dhe janë 75% e listës emërorë që prezantuam sot.
Ky kontribut shtesë shënon hapin e parë drejt skemave profesionale në Shqipëri”, tha Veliaj në seancën parlamentare.
“Ne jemi një koalicion që mbështesim ata që punojnë, të drejtat e punëtorëve, të drejtat e tyre elektorale, ndaj sot do të miratojmë vendimin e atyre që kanë bërë shpesh herë peticion për të drejtat e tyre.
Hera e fundit që është adresuar e drejta e minatorëve, ka qenë po nga socialistët në vitin 2001. Është një privilegj që ky problem adresohet sërish nga socialistët.
Ne si koalicion jemi të vetëdijshëm për punën e vështirë të minatorëve, për sëmundjet e rënda. Jetëgjatësia e tyre është nën mesataren e të gjithë kategorive të tyre. nisur nga kjo sindikata e minatorëve kanë kërkuar uljen e moshës së minatorëve.
Ne e dimë që shumica e sindikatave kanë ndarje politike. Por ky është i vetmi rast, ku sindikatat nuk bien dakord për asgjë, me në krye Gëzim Kalanë, dhe të gjitha sindikatat individuale, kanë qenë dakord me këtë projektligj.
Sigurisht mazhoranca e kaluar nuk e kishte mbledhur këshillin e punës, në 8 vjet, por ne e mblodhëm 8 herë brenda vitit.
Dua ta falenderoj Gëzim Kalanë, jemi kundërshtar në shumë prej bindjesh, por në këtë rast kemi qenë në një mendje”, tha Veliaj .
Drafti parashikon se do të ketë një rritje të trajtimit financiar të ish-minatorëve me 75%. Kjo do të thotë se, nga 9000 lekë që marrin rreth 3700 minatorë, të cilët e kanë përfituar këtë pagesë përmes ligjeve të veçanta në vitet 1995-2001, me hyrjen në fuqi të ligjit do të marrin 14,474 lekë në muaj.
Një tjetër ndryshim që parashikon projektligji lidhet me rritjen e pagës bruto për efekt të sigurimeve shoqërore për këtë kategori në masën 5%.
Ndërkohë që, kjo kosto do të përballohet nga punëdhënësit dhe punëmarrësit. /gj.k/
8 komente në “Pensionet e minatorëve/Veliaj: Rritje e trajtimit financiar për rreth 3700 minatorë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Pune e shkelqyer ! Veliaj ministri qe perfaqson rinin ne politike !
Ministri me punetor bravo Veliaj fantastik ne gjithcka.
Bravo per angazhin dhe gjithcka qe po beni per minatoret sepse per shume vjet u genjyen dhe u mashtruan.
Pune fantastike ? bravo
Ju lumte per perkrahjen e kesaj shtrese te pakten ju nuk po i braktisni por po i mbeshtesni me politikat tuaja sociale.
Bravo minatoret e meritojne kete vemendje qe po i kushtoni.
Bravo per intresin qe po tregoni per kete shtrese pasi per shume vjet u genjyen dhe u mashtruan, shume vleresime per fjalen e mbajtur per uljen e moshes se pensioneve per minatoret.
Pershendetje do me flani, ka dal ndonje list me emrat e njersve qe kan fituar ? ku munde ta shikoje
Faleminderit Pershendetje Luan Boraj