Braçe apel ministrave: Falenderoni, dëgjoni dhe ndihmoni qytetarët që po paguajnë energjinë

Kryetari i Komisionit Parlamentar të Ekonomisë, deputeti socialist Erjon Braçe i ka drejtuar një apel anëtarëve të Këshillit të Ministrave që të falenderojnë qytetarët që po shlyejnë detyrimet ndaj OSHEE për faturat e prapambetura të energjisë elektrike, t’i dëgjojnë ato dhe t’i zgjidhin problemet.

Përmes një komenti në Facebook, Braçe gjithashtu shkruan se kreun e PD-së Lulzim Basha nuk po e dëgjon njeri, pasi ata që duan të jetojnë ndershëm po shlyejnë detyrimet.

“Ministra! Shkoni e takoni njerëzit që po paguajnë energjinë në pikat e OSHEE, dëgjojini, zgjidhuni problemet, falenderojinii!!

Aaaaa po; Lulzim Bashën nuk e dëgjon më kush, ata që duan të jetojnë ndershëm po shlyejnë detyrimet!!

Për më shumë se një orë sot, qëndrova në Qendren e Kujdesit për Klientin të OSHEE në Lushnje!!

Njerëz të zakonshëm, të varfër e të këputur që rrinin prej më shumë se një ore në rradhë për të paguar detyrimet e vjetra të energjisë elektrike të konsumuar.

Me halle plot;

Dy gra,familjet e të cilave ishin në skemën e ndihmës ekonomike më thanë se po prisnin të merrnin paratë e ndihmës për tetorin e nëntorin që të shlyenin deri në fund detyrimet;

Kryetari i bashkisë së Lushnjes Tushe, meë tregoi se të hënën Këshilli merrte vendimet e duhura për ndihmën ekonomike;

Një djalë i ri kryefamiljar, kishte shlyer gati njëzet fatura sipas muajve respektive faturat e energjisë, por punonjësi i postës i kishte derdhur ato jashtë afateve mujore; pikërisht për këtë shkak ishte llogaritur kamatvonese;

Drejtori i Shitjeve në Agjencinë e Lushnjes nisi të bëj verifikimin faturë më faturë duke kontrolluar datat e vulave të vendosura në faturat origjinale dhe kamatvonesa u rrëzua;

Një bujk i mirë, nuk kishte marrë në muaj të posacëm faturat sepse punonjësi i postës që mbulonte fshatin ku ai banonte kërkonte 500 lekë për të cuar faturën në shtëpinë e tij por edhe të lagjes ku ai banonte; debia e mbledhur për këtë shkak arrinte në 410 mijë lekë të vjetra;

Drejtori i Postës Lushnje mori emër e mbiemër të punonjësit të tij për të verifikuar rastin e për ta larguar përfundimisht nga puna; njëherësh drejtori mori pergjegjësinë e hartimit të një urdhri për punonjësit e tij peër të derdhur paratë e mbledhura në kohë e për të dorëzuar faturat shtëpi me shtëpi;

Një pensioniste me pension 80 mijë lekë, kërkonte një marrëveshje për të shlyer debine e vjetër me një pagesë 25 mijë lekë të vjetra në muaj plus faturën korente të muajit;
Përgjegjësi i zyrës e ndihmoi të nënshkruantë një kontrate të re me këto kushte, pagoi për herë të parë debinë e faturën e vogël të muajit dhe u largua;

Nje djale i ri nga Divjaka, kishte akumuluar një debi mbi 2 milionë lekë të vjetra, bashkë me kamatat arrinte deri në 3 milionë lekë, kishte 13 ditë pa anergji, tre dite më pare kishte shlyer të gjithë debinë përvec një gjobe të cilen e kishte ankimuar në Gjykate; kerkonte ti lidheshin dritat;
Pergjegjësi Juridik i Beratit-drejtori nga varet Lushnja!!!!!!!!!, dërgoi juristin e tij për të zgjidhur problemin e urdhëruar lidhjen e energjisë pas verifikimit të kryerjes së pagesës së debisë;

Një burre në moshë, kishte vetëm një fature pa paguar, në Prill të vitit 2010, në të shkruhej “energji e pamatur”; mbante bashkë me të një vendim të ERE të nëntorit të atij viti që të tilla fatura i kishte shpallur të paligjshme dhe kishte gjobitur kompanine CEZ;

Komunikova vetë me administratorin Cela për të kërkuar ligjshmeri deri në fund dhe marrjen parasysh të të gjitha vendimeve të ERE që kanë të bëjnë me faturimet;

Nje moshatar me mua, thërriste e ulërinte se kishte një sahat me vula të jashtme të rregullta por që pasi ishte verifikuar kishte rezultuar pa vula të brendshme; për këtë kishte një debi të akumuluar në disa qindra mijë leke;

Këtij i ktheva përgjigje vetë; i thashë që më fyente duke më kujtuar budalla; i shtova se mungesa e vulave tregonte qartësisht vjedhje dhe i tregova dhjetëra pensionistë në rradhe që po paguanin dhe kamatat e dy ditëve vonesë, ndaj duke e turpëruar i tregova rradhën për të paguar energjinë që kishte vjedhur ne vite.

Kjo ishte ajo që pashë dhe bëra sot në qendrën e klientit në Lushnje!!

I përulur pafund para atyre njerëzve të varfer që paguanin energjinë.

Por njëherësh, kërkova hapjen e një qendre të dyte në Divjakë për këtë proces dhe do ndodh brenda këtij muaji;

Por njeheresh, mendova dy palë;

Lulzim Bashën- atë se dëgjon kush kur thërret “mos paguani se ju s’keni para”; kërkush vec militanteve të partise se tij, jo ata që duan të rrojne ndershmërisht;

Ministrat e Qeverise sime-shkoni në këto pika e dëgjoni njerëzit që paguajne, ndihmoini, zgjidhuni pune, pse jo-FALENDEROJINI!!”, shkruan Braçe në rrjetin social Facebook. /gj.k/

DOSSIER/ Misteri i pazbardhur i darkës së 11 Dhjetorit 1990

10:12 Politika

Anti-dhjetoristi Artur Zheji dhe një replikë e ashpër nga ish-bashkëjetuesja e tij

09:30 Politika

Berisha: Patozi dhe Topalli shmangën veten, nuk i mënjanoi njeri. Basha duhet të përmirësohet me zërin

20:37 Politika

SKANDALI/ Xhelal Mziu, mijëra euro për të blerë medalje

19:44 Politika

Kina bën gati miliarda dollarë për Europën Lindore dhe Serbinë (dhe ndoshta për Shqipërinë)

19:14 Politika

FOTO LAJM/ Vetëm ai e shikon Gridën në sy

18:24 Politika

Reforma territoriale/ Zbardhet vendimi i Kushtetueses për rrëzimin e ankimimit, argumentet njëlloj si PD

18:21 Politika

Rama: Nuk kisha asnjë marrëveshje me Vuçiç për të mos folur për Kosovën në Beograd

18:09 Politika

Rilindja e qyteteve/ Peleshi: Për 2015 Qeveria ka alokuar 125 milionë dollarë

18:06 Politika

Kodheli në Angli: Tek Shqipëria do të gjeni një aleat të mirë

17:34 Politika