Harta e re territoriale nuk ndikon në llogaritë elektorale

Nga Eduard Zaloshnje

Në 52 njësi vendore, nga 61 që ka harta e re territoriale, e miratuar në 31 korrik në Kuvendin e Shqipërisë, partitë e përfshira në/ose afër koalicionit qeveritar kanë marrë së bashku më shumë se gjysmën e votave në 23 qershor 2013. (Si parti afër koalicionit qeveritar kam konsideruar PDIU-në dhe FRD-në, ndërsa si parti afër koalicionit opozitar kam konsideruar PBDNJ-në dhe AK-në). Në këto 52 njësi vendore (që do të quhen bashki të zgjeruara) jeton aktualisht 89% e popullsisë. Pra, kandidatët e mazhorancës do ta fillojnë me epërsi paraprake garën për qeverisjen lokale të 89% të banorëve të Shqipërisë.

Por a do ta kishin ata këtë epërsi paraprake në qoftë se në zgjedhjet e 2015-ës do të zhvilloheshin sipas hartës së vjetër territoriale? Llogaritë e votave të 23 qershorit 2013 i japin përgjigje pozitive kësaj pyetje. Kështu, në njësitë e vjetra vendore ku partitë e përfshira në/ose afër koalicionit qeveritar kanë marrë së bashku më shumë se gjysmën e votave, jeton aktualisht 87% e popullsisë – pra, vetëm 2% më pak se sa sipas ndarjes së re, ose statistikisht e njëjta gjë.

Në qoftë se mazhoranca do ta ruaj epërsinë që pati pothuaj në të gjithë territorin e Shqipërisë në zgjedhjet e 23 qershorit, nuk ka rëndësi se me çfarë harte territoriale shkohet në zgjedhje – rreth 88% e popullsisë do të qeveriset nga kryebashkiakë të mazhorancës. Por a do ta ruaj mazhoranca atë epërsi pas 7 muajsh?  Kjo është një tjetër pyetje, dhe përgjigjia e saj nuk varet shumë nga harta territoriale…

Po për garën më të rëndësishme lokale, atë të kryeqytetit, si ka ndikuar elektoralisht ndryshimi i hartës? Brenda kufijve të vjetër të bashkisë së Tiranës, partitë e përfshira në/ose afër koalicionit qeveritar kanë marrë së bashku 62.2% të votave të 23 qershorit 2013. Brenda kufijve të parashikuar në hartën e re elektorale, kjo shifër është në nivelin 62.8% – pra, vetëm 0.6% më shumë se sa sipas ndarjes së vjetër, ose statistikisht e njëjta gjë.

Diçka më ndryshe do të dukej ky numër në qoftë se komuna e Zall-Herrit do t’i bashkohej Kamzës në vend të asaj të Paskuqanit (gjë që ka kuptim nga pikpamja gjeografike, sepse zall-herrasit duhet të kalojnë përmes bashkisë së Kamzës për të ardhur në qendër të Tiranës, ndërsa paskuqanasit jetojnë ngjjitur me vijën aktuale të verdhë të kryeqytetit). Nëse komuna e Paskuqanit do të bëhej pjesë e bashkisë së Tiranës, dhe ajo e  Zall-Herrit pjesë e bashkisë së Kamzës, do të krijohej një bashki tiranase, ku partitë e përfshira në/ose afër koalicionit qeveritar kanë marrë së bashku 61.4% të votave të 23 qershorit 2013. Pra, vetëm 0.8% më pak se sa sipas ndarjes së vjetër, ose statistikisht e njëjta gjë.

Në qoftë se mazhoranca do ta ruaj epërsinë që pati në zgjedhjet e 23 qershorit në kryeqytet dhe fshatrat përreth tij, nuk ka rëndësi se me çfarë harte territoriale shkohet në zgjedhje – kandidati i saj do të jetë mbi 22 pikë përqindje përpara rivalit opozitar. Por a do ta ruaj mazhoranca atë epërsi pas një viti?  Kjo është një tjetër pyetje, dhe përgjigjia e saj nuk varet shumë nga harta territoriale…

Më poshtë vijon një tabelë e votave që kanë marrë së bashku partitë e përfshira në/ose afër koalicionit qeveritar në zgjedhjet e 23 qershorit 2013, ndarë sipas 61 njësive vendore që ka harta e re territoriale, e miratuar në 31 korrik në Kuvendin e Shqipërisë.

SKRAPAR———————-86%

POLICAN———————-83%

PATOS————————-78%

KUCOVE———————–76%

URA VAJGURORE————76%

FIER—————————-75%

DELVINE———————–75%

TEPELENE———————75%

MEMALIAJ——————–73%

VLORE————————-73%

PERMET———————–71%

PEQIN————————- 71%

BERAT————————–71%

MALLAKASTER—————70%

POGRADEC——————-70%

PRRENJAS——————–69%

GRAMSH———————69%

LUSHNJE———————68%

CERRIK———————–68%

SARANDE——————–67%

LIBRAZHD——————-67%

SELENICE——————- 67%

KONISPOL——————66%

DIVJAKE———————66%

ELBASAN——————–66%

KELCYRE——————–66%

GJIROKASTER————-65%

HIMARE——————–64%

PUKE———————–64%

ROSKOVEC————-    64%

BELSH———————-64%

TIRANE——————–63%

ROGOZHINE————-62%

LIBOHOVE—————62%

KAVAJE——————-62%

KOLONJE—————–60%

MALIQ——————–59%

BULQIZE——————59%

DURRES——————57%

KORCE——————–57%

SHIJAK——————–56%

MALESI E MADHE——56%

MIRDITE—————–55%

LEZHE——————–55%

FUSH-ARREZ————55%

KRUJE——————–55%

MAT———————-54%

DEVOLL——————54%

VAU-DEJES————–54%

SHKODER—————-53%

VORE———————52%

DROPULL—————-52%

DIBER——————–50%

KLOS———————49%

KUKES——————-45%

HAS———————-43%

KAMEZ——————43%

KURBIN—————–42%

PUSTEC—————–41%

FINIQ——————- 36%

TROPOJE—————31%

Studimi/ Femrat në administratë janë më pak të korruptuara se meshkujt

09:23 Sociale

Rrëshqitja e dherave bllokon rrugën Tiranë- Elbasan, kalimi nga Durrësi

09:18 Sociale

Beqaj: Kontrolli falas për popullatën do të vijojë, mjekët s'respektojnë oraret

11:05 Sociale

Lame: Brenda mandatit legalizojmë zonat masive informale. Berisha bëri masakër vitin e fundit me legalizimet

09:49 Sociale

FOTOT/ Shqipëria, vendi i parë në Ballkan që hap një qendër për gay-t e pastrehë

09:38 Sociale

Kuvend/Koka: Gjendja e pyjeve alarmante, duhet moratorium 10 vjecar

13:36 Sociale

Shpërndahet për herë të parë kësti i tretë për ish-të përndjekurit. Përfitojnë Maks Velo, Sherif Merdani, Lubonja, Visar Zhiti e Trebeshina

19:30 Sociale

Xheni Karaj: Ne duam të ndërtojmë një marrëdhënie me njëra-tjetrën, ashtu si Mesila me Enkelin

14:25 Sociale

Petro Koçi: Po përhapet tej shkaqeve biologjike sëmundja gay

15:12 Sociale

Sot testimi për 8100 mësues/ Rama: Marrin fund emërimet me rryshfete!

10:04 Sociale