INTERVISTA/ Pandeli Majko: Po, jemi përfshirë në operacionet e CIA-s

Deputeti socialist, Pandeli Majko flet për rrjetin e njohur amerikan, Fox News

Cili ka qenë roli i Shqipërisë në programin amerikan të arrestimeve?

Shqipëria ka qenë një partner shumë i ngushtë. Jo vetëm sepse luftën kundër terrorizmit e kemi konsideruar luftë amerikane, që filloi pas sulmeve të 11 Shtatorit. Por e kemi konsideruar edhe luftën tonë. Por sigurisht në disa rrethana, jo vetëm Shqipëria, por mendoj se të gjithë aleatët e SHBA kanë qenë të papërgatitura për luftën kundër terrorizmit. Rregulla të reja, angazhim i ri, situatë e re. Një lufte pa klishe, të cilat i kemi njohur në konflikte të tjera të mëparshme. Sigurisht në të tilla rrethana, kemi bashkëpunuar me qeverinë e SHBA, me ushtrinë amerikane apo shërbimin inteligjent me shumë besim në operacione të llojeve te ndryshme.

A u përfshi Shqipëria në marrjen në pyetje të terroristëve?

Sigurisht që jemi përfshirë në operacione, që janë specifikuar me kërkesat zyrtare nga institucione të ndryshme dhe pikë së pari nga Ambasada e SHBA në Tiranë. Jo sepse kemi ndonjë lloj frikë nga faktet e ndryshme të publikuara në raportin e fundit në Senat. Më duhet ta them hapur se kjo luftë, kjo luftë e re, lufta kundër terrorizmit, është shumë e rëndësishme. Ne kemi bërë detyrën tonë, duke u bazuar në besim, konfidencë dhe në sigurinë kolektive që funksionon mes vendeve të NATO-s. Më duhet të them një detaj. E kuptoj që në të tilla kushte raporti ka detajuar fakte të ndryshme, dua ta përsëris që ne kemi qenë të papërgatitur për këtë luftë të re. Në të tilla kushte e kuptoj shumë mirë se duhet të marrim leksione nga gabimet tona dhe nuk mund ta imagjinoj një luftë pa gabime. Por që të trajtosh këto gabime për të ndryshuar rregullat hap pas hapi është një tjetër gjë, dhe të publikosh të tilla fakte është tjetër gjë.

A jeni shqetësuar që ky raport është bërë publik?

Ajo që nuk kuptoj është sesi mund të publikohen detaje të tilla në raport ndërsa ne jemi në mes të luftës. Në luftë nevojitet besim dhe në luftë ka edhe sekrete. Dhe në mes të luftës kemi njerëz të ushtrisë, të shërbimit sekret, ndonjëherë në vijë të parë dhe kjo nuk mund të kalohet duke thënë se faktet janë fakte, gabimet janë gabime.

A e ndihmon kjo armikun?

Mendoj se kur perfaqësitë e SHBA do të shkojnë të trokasin në dyert e aleatëve për operacione të ndryshme ndoshta në mënyrë të sjellshme, ata do të pyesin për ligjshmërinë e këtyre veprimeve. Dhe shumë formalitete mund të hyjnë në mes. Mendoj se duhet të kujdesemi shumë për atë që po prodhojmë me një raport kaq të debatueshëm. Nga njëra anë presidenti i SHBA thotë diçka, ndërsa drejtori i CIA thotë tjetër gjë. Kur bëjmë operacione të ndryshme me SHBA, e bëjmë këtë bazuar në besim. Kur ju vendosët ta publikoni këtë, keni harruar të pyesni ata te të cilët kishit besim dhe me të cilët keni bërë punën. Mendoj se kjo është shumë e rëndësishme për t’u shpjeguar, përpara publikut amerikan. Kjo është një lufte ndryshe, nuk është një luftë që kemi parë nëpër filma dhe nuk është një lufte që ne mendojmë se e njohim. Kam qenë në Afganistan, kam qenë në Irak, kam qenë në vende të ndryshme ku ushtarët amerikanë dhe ushtarët shqiptarë kanë qenë përpara armikut. Pasi i kam vizituar ata, e kam pranuar faktin se ndonjëherë kam qenë naiv me idenë se dija gjithçka se çfarë do të thotë luftë kundër terrorizmit.

A ekziston mundësia që nga sot e tutje Shqipëria të thotë jo, nuk do t’ju ndihmojmë sepse ju do të publikoni veprimet tona?

Zotëri, mendoj se çka nisi si luftë amerikane pas sulmeve te 11 shtatorit, nuk është më luftë amerikane. Ne jemi së bashku në luftë dhe ne do e përfundojme këtë luftë së bashku. Por ju lutem, ne duhet të tregohemi shumë të kujdesshëm. Duhet t’i trajtojmë problemet dhe gabimet. Ne kemi nje armik dhe na duhet fitore. I kemi fituar disa beteja, por ende luftën.

Marrë nga Mapo

Ambasadori gjerman: Hapja e dosjeve proces i vështirë, por me përfitime të jashtëzakonshme

11:27 Politika

Hapja e dosjeve/ Veliaj: Proces i vonuar, do ndjekim modelin gjerman

11:21 Politika

Basha i ankohet zyrtarit të DASH: Dyshja Rama-Meta po instalon oligarkinë

11:13 Politika

Rama i përgjigjet Bashës: Rruga e Arbrit tani është gati

11:08 Politika

Berezovsky dhe 5 miqtë e vdekur. Misteri, nga Londra në Moskë

10:35 Politika

Edi Rama shkon në luftë

10:20 Politika

Basha: Projekti për “Rrugën e Arbrit” nisi para tre vitesh, por Rama e bllokoi kur erdhi në pushtet

10:14 Politika

“Ditën që vdiqa, u ndjeva i gjallë”- botohen poezitë e Sokol Olldashit

10:02 Politika

Dy vrasje brenda pak minutash/ Ekzekutohet 50-vjeçari në Kamëz. Gjyshi vret me çifte nipin 20-vjeçar dhe më pas vetëvritet

09:37 Politika

Rrëzimi i kërkesës së PD-së, Gjykata Kushtetuese votoi 7 me 2

09:32 Politika