BE-vendeve të Rajonit: Forconi sundimin e ligjit, kyc për proceset integruese

Bashkimi Europian kërkon nga vendet e rajonit të Ballkanit Perëndimor, Shqipëri, Kosovë, Maqedoni dhe Serbi forcim të sundimit të ligjit. Në konkluzionet e takimit mbi Shqipërinë, Kosovën, Maqedoninë, dhe Serbinë u theksua se, sundimi i ligjit ka “rëndësi qëndrore” në procesin e pranimit në BE.

Kjo u theksua gjatë një takimi ndërqeveritar në Bruksel, ku u vendos që të hapen katër kapituj të rinj në negociatat e pranimit me Malin e Zi, raporton EUobserver.

Gjatë takimit  u vijuan kritikat për mungesën e sundimit të ligjit në Turqi dhe në rajonin e Ballkanit e më gjerë.

Në takim iu bë thirrje Shqipërisë të bëjë më shumë për të luftuar krimin e organizuar.

Për Maqedoninë u vu theksi tek shqetësimet serioze në lidhje me rritjen e politizimit të institucioneve shtetërore dhe rritje të mangësive në lidhje me pavarësinë e gjyqësorit dhe lirisë së medias.

Ndërsa në lidhje me hapjen e kapitullit të parë të negociatave për anëtarësim në BE, Serbisë iu kërkua kësaj të fundit që të përparojë në “normalizimin” e marrëdhënieve me Kosovën dhe që Beogradi të miratojë regjimin e sanksioneve me Rusinë.

Bisedimet  për normalizimin e marrdhënieve pritet të rifillojnë në Bruksel në janar pas një pauze për shkak të zgjedhjeve në Kosovë.

BE-ja gjithashtu ka udhëzuar qeverinë e re të Kosovës të miratojë  ligje të reja “, si çështje me prioritet”, për t’i mundësuar EULEX-it, ngritjen e një gjykate të krimeve të luftës së Kosovës në Hagë. Gjykata pritet të hapet dhe të nisë punën e saj në fillim të vitit 2015. /gj.k/

Rama: Mirëkuptim i plotë me Li Keqiang. Takimi me Vucic për rritjen e kujdesit ndaj shqiptarëve të Luginës

12:12 Politika

Meta: Do të shqyrtojmë me kujdes cdo vendim të Kushtetueses

11:15 Politika

Një foto që flet vetë dhe një tjetër “incident” i Ramës në Beograd

10:54 Politika

Roma, qyteti i përjetshëm në duart e mafias

10:46 Politika

Vrasja ne Kamëz, hakmarrje për të “fortin e Laprakës”

09:58 Politika 1 koment

Zgjedhjet vendore/ KQZ apel institucioneve: Caktoni nënpunësit ndërlidhës

09:32 Politika

Lushnje, vëllai qëllon me pistoletë motrën dhe bashkëshortin e saj pse e këshilluan të mos rrahë të fejuarën

08:24 Politika

Rama kërkon shkarkimin e zëvendësministres së Mjedisit: S'ka paguar dritat! 

22:57 Politika

SKANDALI në Gjykatën e Shkodrës, ja gjyqtarët e përfshirë

21:11 Politika

FOTOT/ “Rruga e presidentit”. Kjo është fytyra e reale e punëve të Bashës

19:42 Politika