Autogoli i PD me shifrat e të prekurve nga çmimi i energjisë

Duke marrë shkas nga vendimi i Entit Rregullator të Energjisë për të hequr bllokun 300 kilovatësh për tarifat e energjisë dhe unifikimin e çmimit në 9.5 lekë, Partia Demokratike ka denoncuar qeverinë se po rrit çmimin për të varfërit.

Në deklaratat publike të bëra nga eksponentët më të lartë të demokratëve, e fundit bërë sot në gazetën “RD” nga drejtuesja e departamentit për energjinë në selinë blu Zana Guxholli, thuhet saktësisht se nga heqja e fashës preken 760 mijë familje që janë në varfëri të plotë.

Pikërisht, në këtë konstatim vjen dhe autogoli që duket se bën opozita. Gjatë qeverisjes së saj, Partia Demokratike publikoi përmes INSTAT-it Censusin e Popullsisë dhe Banesave, dokumenti më i përditësuar zyrtar për popullsinë dhe banesat që ekziston sot për sot në Shqipëri.

Në census, në faqen 15 të tij, thuhet saktësisht “në momentin e censusit, numri i familjeve në Shqipëri ishte 722,262 nga të cilat 56,7% në zonën urbane dhe 43,3% në zonën rurale.

Qeveria dhe Enti Rregullator në argumentet e heqjes së fashës 300 kilovatëshe konstatojnë se skema aktuale e konsumit të energjisë është e deformuar plotësisht.

Sipas skemës në fuqi deri në vendimin që mori ERE, Operatori i Shpërndarjes së Energjisë Elektrike (OSHEE) ka në sistem 1,118,000 familje.

Rezulton se diferenca e shifrës që OSHEE ka në sistem me atë të numrit real të familjeve sipas Censusit arrin në 395,738. Brenda shifrës totale të sistemit janë edhe 205,534 abonentë që faturohen “0” çka lë të kuptohet se janë banesa të dyta ose të braktisura.

Kur Partia Demokratike llogarit 75% të familjeve shqiptare të prekura nga heqja e bllokut ka parasysh skemën e deformuar me 1,118,000 abonentë familjarë në sistemin e OSHEE-së. Por, paradoksalisht kjo bie ndesh me vet Censusin e bërë në qeverisjen e demokratëve.

Nëse merret e mirëqenë se 760 mijë familje preken nga heqja e fashës dhe ju rritet çmimi, atëherë del se demokratët pohojnë zyrtarisht se pas largimit nga pushteti Qershorin e vitit 2013 kanë lënë të gjitha familjet shqiptare në varfëri të plotë.

Një arsye që në fakt më shumë se sa të kundërshtonte vendimin e Entit Rregullator, duhet ta bënte opozitën të kërkonte falje për dështimin e saj në 8 vite në objektivin për të nxjerrë familjet shqiptare nga varfëria.

Ky lloj pozicionimi e ka vënë opozitën para tre opsioneve. Ajo duhet të kërkojë ndjesë se pas tetë vitesh qeverisje ka lënë të varfëri të plotë 100% të familjeve shqiptare; ose duhet të deklarojë se Censusi i bërë në qeverisjen e saj ishte një dështim dhe i pasaktë; ose të pranojë se në bllokun e konsumit të energjisë ka një deformim që kërkohet të adresohet.

Meta takon Fleckenstein: Kthimi i opozitës në Kuvend, zhvillim pozitiv

13:20 Politika

Nishani pritje me gazetarët: Politikanët duhet të shqetësohen kur ju heshtni

13:04 Politika

Topi: Opozita po tërhiqet zvarrë nga një lider i dekompozuar

12:48 Politika

Nishani-Fleckenstein: Fatkeqësisht nuk kemi një platformë për reformën në drejtësi

12:03 Politika

Altin Goxhaj ndryshon mendje: S’ka burrë që më fut shkopin në b…., se i tredh te hekurat e Kryeministrisë

11:55 Politika

Ben Blushi: Jam pesimist për Shqipërinë. Kemi investuar për injorancën dhe ndaj jemi një vend i tillë

11:42 Politika

Ndarja territoriale/Kolegji Zgjedhor shqyrton ankimimet e PS-së për referendume lokale

11:22 Politika

Jamarbër Malltezi sulmon Ylli Rakipin: Tradhtoi Berishën, pasi përfitoi një ndërtesë publike

11:12 Politika

Braçe i përgjigjet Nishanit: Pjesëmarrja e Fullanit në Ballo, presion ndaj drejtësisë

10:57 Politika

FOTOT/ Shqiptarët që e përkrahin haptazi sulmin terrorist në Paris

10:29 Politika