Laboratori i IQT/Rama: Fund cdo spekulimi me naftën

Kryeministri Edi Rama deklaroi se investimi në labaratorin e Inspektoriatit Qendror Teknik do të ndihmojë për të luftuar çdo spekulim me cilësinë e naftës.

Kreu i Qeverisë inspektoi laboratorin e rikonstruktuar të Inspektoriatit Qendror Teknik, ku në vitin 2014 është bërë një investim prej 55 milionë lekë për rikonstruksionin e godinës të laboratorit dhe investimin teknologjik.

Rama tha se konsumatori do të shohë dhe do të ndjejë në vijimësi një përmirësim rrënjësor të cilësisë dhe të kontrollit nga shteti të të gjitha pikave të karburanteve.

“Investimi në këtë laborator na siguron që të kemi një strukturë shumë kompetente për të luftuar çdo spekulim me cilësinë e naftës”, u shpreh Kryeministri.

Rama vuri në dukje se janë planifikuar një sërë hapash të tjerë për kontrollin online për të shmangur evazionin dhe manipulimin me cilësinë.

“Në fund të këtij viti do të mund t’i themi shqiptarëve se makina e tyre nuk është më ë kërcënuar nga mungesa e cilësisë së karburantit.

Do të kemi më shumë të ardhura në buxhetin e shtetit nga kjo industri që po vihet në binarë pas një dekade rrënimi”, theksoi Kryeministri.

Ndërsa ministri i Energjisë dhe Industrisë Damian Gjiknuri u shpreh në fjalën e tij se ky laborator është kthyer në një laborator modern që do t’i vlejë edhe rajonit.

“Në shkurt është afati i fundit për t’u akredituar impiantet e përpunimit të hidrokarbureve”, theksoi ai.

Drejtoresha e IQT-së Ejana Xhixho theksoi në fjalën e saj se laboratori i IQT-së ofron tashme 58 metoda analizimi të akredituara me aparatura të çertifikuara ndërkombëtarisht, një laborator me standarde europiane në teknologji. Gjatë vitit të kaluar në këtë laborator janë kryer 6275 analizime.

Sipas saj, laboratori ka hyrë në procesin e akreditimit ndërkombëtar.

“Do të jetë laboratori i parë në Ballkan i akredituar”, deklaroi Xhixho. /gj.k/

Haxhinasto: Monitorim rigoroz në ndërtimin dhe mirëmbajtjen e rrugëve

17:04 Ekonomia

Gjiknuri takohet me Donald Lu/ SHBA mbështet sërish gazsjellësin TAP

15:19 Ekonomia

Rama me investitorët: Do vijojmë të lehtësojmë klimën e biznesit

19:47 Ekonomia

Damian Gjiknuri: Ndaluam spiralen, sektori energjetik në rrugë të mbarë

16:59 Ekonomia

Liria ekonomike në Shqipëri më e ulët se në 2014. Problem korrupsioni dhe pronat

10:20 Ekonomia

Ulet edhe me 4 lekë për litër çmimi i naftës/ Rënia vjetore 19%

19:02 Ekonomia

Çelet kanali jeshil për lehtësimin e kontrollit doganor/ Rama: Doganat jo më pika pengmarrjesh për biznesin

18:08 Ekonomia

Karburantet, IQT kontrolle të befasishme në pikat e shitjes për cilësinë

16:30 Ekonomia

Haxhinasto: Hekurudha Shqipëri-Kosovë, do të nisim studimin e fisibilitetit

13:23 Ekonomia

Taksa ruse mbi grurin, Panariti: Masa lehtësuese fiskale

13:13 Ekonomia