Ministria e Shëndetësisë: Arian Galdini nuk ka sjellë asnjë dokument, asnjë provë, asnjë rezultat apo analize që të provojë akuzat

Ministria e Shendetesise i ka bere thirrje qytetarit Arian Galdini qe te bashkpunoje me autoritetet lidhur me pretendimet e tij ndaj rastit qe ka denoncuar.

Zëvendësministrja e Shëndetësisë, znj. Milva Ekonomi u takua me z. Galdini, në një përpjekje për të kërkuar bashkëpunimin e tij dhe të familjes, me qëllim vënien në dispozicion të Ministrisë së Shëndetësisë të një kopjeje të dokumentacionit të spitalit në Turqi, ku pacienti ishte kuruar, dokumentacion, që provonte se kurimi në Shqipëri kishte qenë problematik, apo qoftë edhe i paqenë sipas tij.

Vetëm duke patur dokumentacionin e spitalit në Turqi, Ministria e Shendetësisë mund të kryente një hetim të plotë dhe shterues mbi trajtimin që pacienti kishte marrë në QSUT, mjekimet e përdorura, cilësinë e barnave, efektet e tyre dhe protokollin e ndjekur nga specialistët shqiptarë, gjë e cila vërtetohet paraprakisht edhe nga rezultatet e analizës nëpërmjet teknikës me markues tumoralë të përdorur për këtë qëllim.

Kopja e dokumentacionit turk ishte mëse e nevojshme për të zbardhur të vërtetën, duke qenë se zoti Galdini në cilësinë e të afërmit të pacientit pretendonte se specialistët turq kishin gjetur anomali në mënyrën e trajtimit të këtij rasti në Shqipëri.

Pavarësisht premtimit të z. Galdini për të bashkëpunuar me autoritetet e Ministrisë së Shëndetësisë, ende sot nuk kemi asnjë dokument, asnjë provë, asnjë rezultat analize që të provojë akuzat e ngritura nga zotëria në fjalë.

Ministria e Shëndetësisë është duke kryer ndërkohë hetimin e saj, por për aq kohë sa dokumentacioni që z. Galdini pretendon se ka nuk do të vihet në dispozicion, rezultatet e hetimit do të jenë të cunguara, pasi do të mungojë krahasimi mes gjetjeve të mjekëve shqiptarë dhe atyre turq.

Duke vazhduar të besojmë se denoncimi i z. Galdini ishte një denoncim i sinqertë i një shqiptari të ndershëm që kërkon që problemet e vuajtura nga familja e tij të shërbejnë si shembull për të mos u përsëritur më, Ministria e Shëndetësisë fton edhe njëherë z. Galdini të tregohet bashkëpunues me Ministrinë për të zbardhur të vërtetën, teksa akuzon publikisht mjekët e QSUT-së.

E nëse arsyeja pse z. Galdini nuk bashkëpunon e nuk ofron një kopje të dokumentacionit që ai pretendon se justifikon akuzat e ngritura është mungesa e dëshirës për të zbardhur të vërtetën, atëherë Ministria e Shëndetësisë në bashkëpunim me institucionet e drejtësisë do të vazhdojnë të hetojnë deri në zbardhjen përfundimtare të së vërtetës për këtë rast të bërë publik.

Autoriteti rrugor publikon situaten en Elbasan: Reshje debore ne Qafe Thane, disa ruge te bllokuar nga shembjet

11:14 Kronika

Gjiknuri: Projektligji për Energjinë shmang abuzimet e sistemit te tanishem

11:09 Kronika

Reshjet e dëborës, ARRSH: Vështirësi në qarkullim, akset më problematike

10:29 Kronika

Përmbytjet/ Autoritetet apel banorëve të mos kthehen në banesa

10:11 Kronika

I nxorrën pasaportë false skafistit të 9 janarit dënuar me 25 vjet, pranga 2 policëve në Vlorë

09:49 Kronika

“17 Nëntori/ Shqiptarët, drejtues të organizatës famëkeqe terroriste në Greqi

09:30 Kronika

Prokuroria: Ja pse janë bllokuar hetimet për përgjimin nga Ministria e Mbrojtjes dhe serverin e tatimeve

14:13 Kronika

Përmbytjet/232 pjesëtarë të FA në ndihmë të popullsisë në zonat e përmbytura

13:05 Kronika

Përmbytjet/ 5 mijë ha nën ujë, 420 familje të evakuara

12:50 Kronika

Vetëvarja e 26-vjeçarit në Delvinë/ Brenda dy viteve e kishin lënë tre të fejuara

09:53 Kronika