Kodheli takon efektivët e angazhuar në operacionin e përmbytjeve në jug të vendit: Misioni juaj tepër fisnik

Ministrja e Mbrojtjes,  Mimi Kodheli, e shoqëruar nga shefi i Shtabit të Përgjithshëm të FA-së, gjenera lmajor Jeronim Bazo, ishte në Batalionin e Këmbësorisë në Poshnje në Berat, ku është takuar me trupat e përfshirë në përballimin e situatës së krijuar si rezultat i reshjeve të ditëve të fundit në disa zona në jug të vendit.
Ministrja e Mbrojtjes Kodheli, duke iu drejtuar efektivit të rreshtuar në sheshin kryesor të këtij reparti, ndër të tjera, u shpreh: “Doja t’ju falënderoja për punën që keni bërë dhe për përkushtimin e madh që keni treguar gjatë operacionit për të ndihmuar banorët e zonave të përmbytura, duke vënë edhe jetën tuaj në rrezik. Falënderimi im, i kryeministrit Rama dhe i Qeverisë, nuk mjaftojnë, por ju falënderojnë të gjithë qytetarët që ju i keni ndihmuar në këto ditë tepër të vështira për ta”.

Më tej, ministrja Kodheli theksoi se,” ju treguat që jeni pjesa më e mirë e shoqërisë, ju mbani veshur një rrobë që është me e bukura në botë dhe keni një mision tepër fisnik. Ndjehem krenare personalisht dhe jam mirënjohëse për gjithçka keni bërë dhe do bëni edhe në të ardhmen. ”

Më pas, ministrja e Mbrojtjes Kodheli ka vijuar me një takim me drejtuesit e këtij operacioni të realizuar nga Forcat e Armatosura.

Ministrja e Mbrojtjes Kodheli dhe shefi i Shtabit të Përgjithshëm, gjeneralmajor Bazo, falënderuan të gjithë efektivat e FA-së të përfshirë në këtë proces dhe vlerësuan se zinxhiri i komandimit ka funksionuar më së miri përgjatë gjithë ditëve të operacionit. . Kodheli theksoi se, situata u përballua me sukses, por gjithashtu kërkoi prej tyre që të evidentojnë mangësitë dhe problematikën e hasur me qëllim që të mund të merren të gjitha masat për riparimin e tyre dhe për përballimin me sukses të situatave të tjera të ngjashme që mund të përsëriten në të ardhmen.

Në operacionet e zhvilluara këto ditë, Forcat e Armatosura kanë angazhuar 414 trupa, 63 mjete transporti, 2 qendra mobile, 1 ambulancë, 2 zjarrfikëse, 6 motorbarka, 10 pompa thithëse etj. Në mbështetje të kërkesave të shtabeve të emergjencave civile të ngritura për përballimin e situatës, strukturat e FA-së u angazhuan në këto operacione:

– në operacione kërkim-shpëtimi për evakuimin e 243 banorëve,
– në operacione SAR në Memaliaj-Gjirokastër,
– në zhbllokimin nga inertet dhe mbetjet e krijuara në disa akse rrugore,
– në transportim dhe shpërndarje ndihmash ushqimore për popullsinë dhe bazën ushqimore për bagëtinë,
– në forcim argjinature në Lagunën e Nartës dhe në Urën e Mifolit,
– në uljen e nivelit të ujit, si dhe në rikornicione mbi gjendjen e portave të shkarkimit nga polumbarët e Qendrës Kombëtare të Zhytjes në ujëmbledhësin e Manskurisë në Golem të Kavajës.
Gjithashtu në këtë operacion të emergjencës civile një kontribut të veçantë kanë dhënë edhe trupa dhe mjete nga Forca e Sigurisë së Kosovës.

Anisa Xhani

Rama: Plani për rimëkembjen e zonave të përmbytura në fazën e 3-të

12:43 Politika

PD justifikon shpërthimet: Ndodhën për shkak të lidhjeve të Tahirit me krimin

12:36 Politika

Permbytjet, Basha akuza qeverisë nga Fieri: Asnjë ndihmë nuk është shpërndare

12:22 Politika

Sarkozy shantazhoi Papandreun të pranonte masat shtrënguese, pasi mamaja e tij kishte një llogari 500 milion euro në bankën HSBC

11:37 Politika

Refuzimi i komitetit në OSBE, Bushati: Synonim të merrnim kryesinë

11:21 Politika

Meta-Veseli: Bashkëpunim Kosovë-Shqipëri për integrimin drejt BE-së

10:27 Politika

Rama: Akti terrorist ndaj familjes së Tahirit, kafshim monstrash që do marrin atë që meritojnë. Dora e shtetit do u marrë frymën

10:27 Politika

Familja e Tahirit merret në mbrojtje. A janë shpërthimet një mesazh për ministrin dhe të nxitura politikisht?

10:12 Politika

Oerd Bylykbashi, rivali i Agron Dukës për Durrësin?

09:27 Politika

Avokati i Shpetim Gjikës: Arrestimi i tij ka prapavijë politike, nuk do kandidonte për PS-në më 21 qershor

09:07 Politika