Rama akuza opozitës: Jeni për turp, thatë se ministri i Brendshëm është fajtor dhe meriton bomba

Kryeministri Edi Rama akuzoi nga foltorja e Kuvendit opozitën si të pozicionuar në anën e krimit.

“Opozita në vend qe të sulmojë krimin dhe aktet terroriste, sulmon ministrin e Brendshëm dhe Policinë e Shtetit”, tha Rama.

Në vijim të fjalës së tij, kryeministri Edi Rama u shpreh se “cilitdo qofshin urdhëruesit e drejtpërdrejtë dhe ekzekutuesit e kërcënimit të familjes së ministrit të Brendshëm të Republikës sonë të përbashkët, për fatin më të keq, punonjësit e policisë, ashtu si dhe të gjithë qytetaret pa dallim,  janë kërcënuar psikologjikisht nga një karshillëk kriminal. Frymëzim dhe mbështetje e krimit ditët e sotme është bërë edhe politika e ditës, edhe ky Kuvend, ku krimi përdoret rëndom si lëndë e parë e fjalimeve alucinante që kriminalizojnë qeverinë dhe policinë”.

“Askush që nuk është pjesë e kësaj politike krimininalizuese, qoftë shqiptar apo qoftë i huaj, që ka lidhje me Shqipërinë, nuk mund ta gëlltisë si lajthitje të radhës reagimin e Partisë Demokratike ndaj sulmeve me bomba në adresë së familjes së ministrit të Brendshëm dhe të atin përsonalisht, por nga ana tjetër, reagimet e forta të opinionit publik përmes rrjeteve sociale dhe opinionit ndërkombëtar përmes deklaratash, qëndrimesh pa asnjë ekuivok, lidhur me deklaratat e turpshme të Partisë Demokratike, qe na turperojnë të gjithëve ne përfaqësuesit e zgjedhur të popullit shqiptarë, turpërojnë partitë politike shqiptare dhe institucionet ligjzbatuese në Shqipëri.

Ku si askund, si në asnjë vend tjetër demokratik në botë, opozita pozicionohet në anën e krimit, ku nuk dënojnë veprat terroriste, por tregojnë me gisht ministrin e Brenshëm dhe familjen e tij, si fajtorë që meritojnë bomba.

Deklarata e Partisë Demokratike eshte fillimi i një fushate të egër shpifjesh e denigrimesh të pandërprera ndaj ministrit të Brenshëm dhe Policisë së Shtetit.

E keni nisur këtë fushatë që kur filloi kthimi i policisë në krye të detyrës, kur filloi prerja e lidhjeve të krimit që ju kishi ndërtuar me krimin”, u shpreh Rama.

Kryeministri Rama pohoi se “reagimet e opozitës janë aq të ulta sa dhe gjaksit me Kanunin e Lek Dukagjinit i jepet besë 24 orë, ndërsa opozita u bë palë me terrorizmin dhe shënjestruan ministrin e Brendshëm”.

“Jam bashkuar me shumicën e shqiptarve që tregojnë me gisht drejtësinë dhe jo si ju që jeni pjesë e krimit dhe askush nuk do jua falë qoftë ato që bëtë me 21 janar, apo në bashkëpunim me krimin si në Lazarat dhe të gjitha rrugët e trafiqeve të drogës, apo korrupsionit të gjithanshëm që e zgjeruat me zellin më të madh antishtet, apo qoftë për akuzat monstruoze që nxirrni nga goja tani në opozitë, duke e kthyer mjedisin politik dhe ate ne kete këtë Kuvend në hapesirat ku emrat e krimineleve i përmendni me shumë dhe ku kundështareve u adresoheni me gjuhën e egër që asnjë prokuror nuk do të guxonte t;i drejtohej edhe kriminelit më të rrezikshëm.

Ju nuk keni një program real reformash, as dhe lidership për të djathtën, pasi program juaj është baltosja e kundërshtarit dhe jeni në atë gjendje sa nuk ndihmoni dot as vetën, por ne nuk kemi ndërmend ta pranojmë. Ne kërkojmë penalizimin tuaj për shpifje dhe do të përballeni me ligj. Ne na kanë votuar shqiptarët për ta bërë Shqipërinë dhe do ta bëjmë pavaresisht nga shpifjet e opozitës”, u shpreh Rama.

Në vijim Kryeministri shtoi se “asnjë nuk mund ta gëlltisë reagimin e turpshëm të PD-së. Na turpëron të gjithëve ne. Turpërojnë partitë politike dhe institucionet ligjzbatuese, ku opozita nuk e ka për gjë të pozicionohet me krimin, por tregojnë me gisht Ministrin e Brendshëm si fajtor që meriton bomba”. 

“E keni nisur këtë fushatë qysh kur policia nisi punën dhe nisi prerjet e lidhjeve të krimit dhe jush. Akti i pashembullt i dhunës suaj edhe  kur objektiv i krimit  ishte Ministri i Brendshëm.

Emrat e kriminelëve i përmendi më shumë se emrat e njerëzve. Tek e fundit ju s’keni faj, Shqipërinë që deshët e bëtë realitet dhe na i latë ne ta kthejmë në rrugën e zotit dhe ligjit. Qoftë për ato që keni bërë në 21 Janar me dorënm tuaj apo ato që keni bërë në bashkëpunim me krimin në Lazarat, apo qoftë për akuzat monstruoze që nxirrini nga goja

Kërkoni të përfitoni sot me epshin anti-shtet duke tundur gishtin para syve për çdo plagë që e hapët ju,  ju e bëtë krimin partner, që njollosët me drogën duke lënë të mbillej në çdo kodër. Të njëjtën gjë bëtë edhe kur u shkul Republika juaj e drogës në Lazarat”, u shpreh kryeministri Edi Rama./j.h

Veliaj: 100 kg ushqime për çdo familje të përmbytur, opozita bën politikë hienash

12:24 Politika

Çështja Feka, debate në Kuvend/Kodheli: Majori kishte precedent penalë, por u gradua nga qeveria Berisha

11:53 Politika

Kushtetuesja rrëzon KLD për Cefën dhe Lelçajn

11:35 Politika

Merr fund ankthi, Putin pranon marrëveshjen për armëpushim dhe shmang luftën

10:49 Politika

Kreu i PD-së shpërndan traktin që bën thirrje për revolta në Vlorë

10:21 Politika

Tropojë, babai incest me dy vajzat e tij 25 dhe 13 vjeç

09:30 Politika

Visar Zhiti: Unë s’kam më dëshira, ky debat i Nishanit po më acaron

09:04 Politika

Ismail Kadare: Hapja e dosjeve nuk është gjëmë, do ndodhë vetëm strukja e së keqes

21:19 Politika

Tiranë, granatë makinës së një avokati. Ishte plagosur edhe në 2009-n

20:30 Politika

SKANDAL/ Nishani ndikon tek Gjykata e Elbasanit, të prishin Kishën për t’i kthyer tokën gruas së tij

22:29 Politika