IKMT kallëzon edhe kreun e Bashkisë së Peshkopisë

Inspektorati Kombëtar i Mbrojtjes së Territorit kallëzoi penalisht edhe kryetarin e bashkisë Peshkopi, Ilir Krosi.

Akuza për të është “shpërdorim detyre”.

Po me të njëjtën akuzë kallëzohen penalisht nga IKMT edhe kryeinspektori aktual i Inspektoriatit të Mbrojtjes së Territorit të bashkisë Peshkopi, z. Gafur Gazidede si dhe ish kryeinspektorët e këtij inspektoriati, Halil Zhuka dhe Dilaver Drizi.

Janë të paktën 7 raste, kur këta persona nuk kanë vepruar sipas parashikimeve ligjore në fuqi, për ndalimin e punimeve të kundërligjshme të kryera në territorin e bashkisë së Peshkopisë, duke shkaktuar me mospërmbushjen e detyrimeve të tyre ligjore, dëmtimin e territorit.

Nga kryeinspektori dhe paraardhësit e tij të kallëzuar, nuk janë marrë masat përkatëse për parandalimin e këtyre punimeve të kundërligjshme, duke mos vazhduar procedurat ligjore dhe duke mosrespektuar afatet për zbatimin e vendimeve të marra.

Ndërsa nga ana e kryetarit të bashkisë, si Autoriteti i vetëm i Planifikimit në këtë bashki, nuk është marrë asnjë masë konkrete ligjore për të parandaluar ndërtimet e kundërligjshme, për të klryer kontrollin e zhvillimit të territorit dhe për të kryer drejtimin e zhvillimit të territorit.

“IKMT kërkon nga institucionet e drejtësisë edhe marrjen e masës së pezullimit nga detyra për kryetarin e Bashkisë Peshkopi dhe kryeinspektorin e Inspektoriatit të Mbrojtjes së Territorit në bashkinë Peshkopi”, thuhet në deklaratën e institucionit.

Një ditë më parë u kallëzua edhe kryetari i Bashkisë Gjirokastër, Flamur Bime. /a.b

Raporti i AI/ 21 Janari dhe trupi i Remzi Hoxhës, ende të pazbardhura

11:40 Kronika

Përplasen dy autobusë në Tiranë, një nga shoferët në gjendje të dehur

10:13 Kronika

Tritol një fast food, nuk ka të lënduar

09:35 Kronika

Tomi Misha: Hysenit i godita vetëm gomën e makinës, më rrahu barbarisht dhe më thoshte “do të marrim shpirtin”

12:08 Kronika

Dhuna, përjashtohen nga policia zv.drejtori i Korçës dhe dy efektivë

11:32 Kronika

Frika nga ekzekutimet/ Policia ndalon një 16-vjeçar me armë, që ishte nga Lezha dhe lëvizte në pallatin e kryeprokurorit Llalla

10:46 Kronika

Arben Hyseni njihej si “Sherifi” i Korçës/ Tomi Misha: I godita vetëm gomën e makinës, më rrahu barbarisht dhe më thoshte “do të marr shpirtin”

09:39 Kronika

Killeri Kristi Pine vrau një javë pasi doli nga burgu, Gjykata e Elbasanit i fali 6 vjet

09:21 Kronika

Policia parandalon një vrasje, arrestohet 24 vjeçari

00:38 Kronika

Tema TV/ Ksenofon Krisafi: Çështja e lumit Vjosa zvarritet prej 31 vitesh, diplomacia të mbrojë dinjitetin kombëtar

19:23 Kronika