Te fundit
Cherie Blair vjen nesër në Tiranë
10 Mars 2015, 15:18Politika
TEMA
Cherie Blair, bashkëshortja e ish-kryeministrit Britanik dhe këshilltarit të qeverisë Rama, do të jetë nesër në Tiranë.
Vizita e saj në kryqytetin shqiptar vjen vetëm pak ditë pas lajmit për fitimin e një kontrate për të përfaqësuar qeverinë shqiptare në një çështje arbitrazhi.
Bëhet fjalë për padinë e ngritur nga kompania amerikane Rapiskan për kontratën e ndërprerë nga qeveria shqiptare për skanimin në dogana.
Cherie Blair është ftuar nga ministria e Mirëqënies Sociale dhe Rinisë për të referuar në aktivitetin me temën “Rritja e rolit drejtues të grave në jetën politike, publike, në media e biznes – Fuqizim i gjithë shoqërisë”, raporton Ora News.
Në këtë bashkëbisedim janë të ftuara te marrin pjesë gra të cilat kanë një kontribut të rëndësishëm në jetën politike e publike në fushën e biznesit dhe të medias, duke evidentuar se rritja e rolit drejtues të grave është një shtysë për fuqizimin e gjithë shoqërisë.
Por vizita e Cherie Blair vjen edhe në një kohë kur mediat në Britani po flasin për një divorc të mundshëm me ish-kryeminsitrin Blaer, i cili aktualisht është keshilltar i kryeministrit Rama.
Lini një Përgjigje
Më të lexuarat
24 oret e fundit
Javen e fundit
Blog Tema
