Te fundit
Biznesmeni më i pasur i Rumanisë dënohet me burg për korrupsion
3 Prill 2015, 19:00Rajoni
TEMA
Gjykata e Lartë e Rumanisë dënoi të enjten biznesmenin super të pasur Ioan Niculae me dy vjet e gjashtë muaj burg pasi kishte financuar ilegalisht një nga kandidatët kryesorë në zgjedhjet presidenciale të vitit 2009.
Gjykata tha se Niculae pagoi 150 mijë euro te një anëtar i partisë Social Demokrate, në atë kohë në opozitë, para zgjedhjeve presidenciale, në këmbim të ndikimit në qeveri. Gjykata urdhëroi Niculae të paguajë një shumë të tillë në formë gjobe.
Zyrtari i partisë që mori ryshfetin, Gheorghe Bunea Stanciu, u dënua me tre vjet burg.
Niculae, 60 vjeç, mbështeti kandidatin e kësaj partie Mircea Geoana në garën presidenciale, por kandidati i tij humbi në balotazh.
Niculae vlerësohet se ka një pasuri prej 1.1 miliardë eurosh sipas listës së Forbes. Investimet e tij janë më së shumti në energji, bujqësi, tregti, prona të paluajtëshme dhe futboll.
Ndërkohë, një gjykatë në Bukuresht urdhëroi arrestimin e ish ministrit të financave Darius Valcov, si dhe të një kryebashkiaku të qytetit të Kostancës, Radu Mazare, në dy çështje të tjera korrupsioni.
Valcov akuzohet se mori 2 milionë euro për t’i dhënë një kontratë punimesh publike një biznesmeni ndërsa qe kryebashkiak i Slatinës në vitin 2009. Ai dha dorëheqjen më 15 mars dhe ka qenë në arrest shtëpiak që nga ajo kohë.
Kryebashkiaku Mazare, i cili është sakaq famëkeq për sjelljen e tij eksentrike, akuzohet se ka marrë 9 milionë euro ryshfet në këmbim të lejeve si dhe për të lënë një biznesmen të fitonte kontrata për riparimin e qytetit. Që të dy janë anëtarë të Partisë Social Demokrate.
4 komente në “Biznesmeni më i pasur i Rumanisë dënohet me burg për korrupsion”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Nje soj qenkan si Luli & Edi!
ketu tek ne 150mije euro fahri balliu ste afron ti marresh ere makines jo te te rregulloj ndonje gje .thuaj cte duash sa per korrupsion nuk na e fut kush .
Edhe tek ne do denoheshin per korrupsion e vjedhje,por edhe kan vrare keshtu qe gjykatat i nxjerrin te pafajshem.
Do t’i vije edhe ketu rradha Bashkim Ulajt me kompani!!!!Te mos merziten,e drejta vonon por nuk harron,edhe ata qe jane demtuar prej tij apo prej tyre nuk harrojne,t’a dine se i kane pas qafe.Nese nuk i lan Bashkimi hesapet e veta,j’a le femijeve te tij te paguajne pislleqet qe ka bere….dhe kjo sigurisht qe nuk eshte ide e mire!