Te fundit
Kerry-Bushati: Shqipëria është një mike dhe partnere e fortë e NATO-s
20 Prill 2015, 18:01Politika
TEMA
Kryediplomati shqiptar, Ditmir Bushati u prit në selinë e diplomacisë amerikane nga Sekretari i Shtetit, John Kerry si kulmim i vizitës që ka nisur në SHBA që prej të premtes.
Bushati dhe Kerry nënshkruan marrëveshjen e partneritetit strategjik SHBA- Shqipëri, në Uashington.
“Shqipëria është një mike dhe partnere e fortë e NATO-s. Ajo bashkëpunon ngushtë me SHBA dhe me partnerët e tyre në një numër frontesh të ndryshme.
Sot do të kemi kënaqësinë të nënshkruajmë marrëveshjen SHBA-Shqipëri për partneritetin strategjik, që është një përpjekje për të bashkëpunuar më plotësisht për interesin tonë të përbashkët lidhur me luftën kundër terrorizmit, për sigurinë në rajon, kundër ISIS dhe nisma të tjera.
Vitin e kaluar në Uells, pata rastin të takohem me Kryeministrin Edi Rama, ku ne diskutuam për shumë nga këto probleme dhe sot ne do ta vazhdojmë këtë diskutim. Shqipëria ka ndihmuar shumë në transferimin e njerëzve të grupit të rezistencës iraniane MEK dhe në çështje të tjera.
Ne e mbështesim anëtarësimin e Shqipërisë në BE sa më shpejt që të jetë e mundur dhe ata janë në rrugën për të bërë gjërat e nevojshme për këtë anëtarësim.
Ne jemi gjithashtu të kënaqur që Shqipëria ka rënë dakord të bëhet mikpritëse e takimit ministerial për luftën kundër ekstremizmit të dhunshëm. Kjo ka rëndësi për të gjithë, duke patur parasysh njoftimet lidhur me aktet në të cilat është angazhuar ISIS. Ne po punojmë gjithashtu në përpjekjet e përgjithshme rajonale lidhur me luftën kundër ISIS dhe bashkëpunimi i Shqipërisë si anëtare e koalicionit ka qenë absolutisht i rëndësishëm”, tha sekretari amerikan.
Shefi i diplomacisë shqiptare, Ditmir Bushati e ka nisur vizitën në SHBA me përurimin e rikonstruksionit të selisë së Ambasadës sonë atje, prej vitesh në degradim. Ditmir Bushati preu shiritin e përurimit të ambienteve të reja të Ambasadës, një vit pas zotimit për rikonstruksionin e saj. Ambientet e reja të Ambasadës, u përuruan me praninë e përfaqësuesve të lartë të Departamentit Amerikan të Shtetit, të institucioneve kryesore, diplomatëve kryesorë e përfaqësues të diasporës. Për Ditmir Bushatin, përmirësimi i kushteve të përfaqësimit në Uashington është një shenjë e qartë përgjegjësie si dhe një dëshmi konkrete e angazhimit ndaj aleatit strategjik. /gj.k/
3 komente në “Kerry-Bushati: Shqipëria është një mike dhe partnere e fortë e NATO-s”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Tallni by…en. Partnere i forte ne skemi nje aroplan e nje tank. Apo ushtria jone lere me mire.
E ne jemi ku theret qameti.
Po do per thashetheme jemi te paret sna e mer njeri.
Nje mike ok,,por e fort,he kete se ha njeri.Ose po te doni ta beni te fort bashkoeni me Kosoven dhe te gjitha pjeset etnike shqiptare ,armatoseni me arsenalin e fundit si Izraelin dhe pastaj le te flasi kurvica Europe.
Mike e forte dmth qe mbeshtet ameriken, dhe politiken e saj ne Ballkan dhe anasjelltas. Sa per arme e avione nuk ka nevoje amerika qe nje aleat me 2.9 mln banore te kete ushtri te forte. Islanda s’ka ushtri fare por eshte anetare e Natos, dhe i degjohet zeri se ka nje pozicion strategjik perballe Rusise.