Në 20 vjet, vetëm 2 gjyqtarë të dënuar për korrupsion

Pavarësisht se korrupsioni vijon të mbetet një shqetësim i takimeve mes aktorëve të drejtësisë, në këtë betejë ka mungesë të hetimeve proaktive, ka probleme të hetimit financiar, ka mungesë të koordinimit të vlerësimit të gjykatës për trajtimin e provës, por edhe të përdorimit të teknikave nga Prokuroria dhe policia për të kryer përgjime që do të mund të konsideroheshin nga gjyqësori.

Këto gjetje dhe të tjera, sikurse dështimi i Këshillit të Lartë të Drejtësisë për të qenë një mekanizëm funksional në ndëshkimin e gjyqtarëve, u prezantuan në tryezën e parë ku aktorët e drejtësisë u ulën për strategjinë antikorrupsion në vend.

“Vetëm në vitin 2014, më në fund dy gjyqtarë të Shkallës së Parë janë dënuar me vendime gjyqësore për korrupsion. Asnjë prej tyre nuk ka marrë ende një formë të prerë. Asnjë prokuror nuk është dënuar deri më sot në Shqipëri. Ka një çështje në Shqipëri, por shifrat janë kokëfortë, kemi shumë indicie që na japin sigurinë që fenomeni është ulur këmbëkryq në radhët e sistemit tonë të drejtësisë, dhe nga ana tjetër kemi këto shifra të mekura. Dy gjyqtarë të dënuar në 20 vite tranzicion dhe asnjë prokuror për çështjet e korrupsionit”- deklaroi konstitucionalisti, Gent Ibrahimi.

Në raport konstatohet se edhe sistemi i deklarimit të pasurive nuk ja ka dalë mbanë që të jetë efektiv në mënyrë që gjyqtarët dhe prokurorët e korruptuar të përfundojnë para drejtësisë. Kjo vjen për shkak të boshllëkut ligjor përsa kohë nuk është e përcaktuar ende se përveç kallëzimit, çfarë mund të konsiderohet provë?

“Sa i takon organizimit vihet re që në nivelin e policisë nuk ka një organizim të dedikuar posaçërisht për korrupsionin në qarqe. Pra strukturat e specializuara për hetimin e korrupsionit gjenden vetëm në Tiranë. U bë një përpjekje për t’iu përgjigjur kësaj çështjeje me Byronë e Hetimit, që paraqiti probleme kushtetuese”- shtoi Ibrahimi.

Por ndërsa të dhënat në luftën kundër korrupsionit janë pesimiste në vendin tonë, Prokurorja e Përgjithshme e Drejtorise Kombetare të Rumanisë për korrupsionin, Laura Codruta Kovesi foli mjaft qartë se çfarë distance e ndan vendin tonë me përpjekjet serioze për të luftuar korrupsionin.

“Momentalisht më shumë se 52 funksionarë shteti janë dërguar në gjykatë, një ish-kryeministër, një ish-zv.kryeministër në funksion, 9 ministra, 30 deputetë dhe tetë senatorë. Deri tani kanë vuajtur denimin në burg ish-kryeministri, 5 ministra, 13 deputetë dhe katër senatorë. Përsa i përket korrupsionit në gjyqësor kemi më shumë se 110 gjyqtarë të dërguar në gjykatë, 51 prokurorë. Nëse këto shifra nuk ju bindin do ju them ato të vitit të kaluar, ku për një vit kemi 1130 persona të dënuar për korrupsion”- tha Laura Codruta Kovesi, Prokurore e Përgjithshme e Drejtorisë Kombëtare Antikorrupsion.

Gjatë takimit me dyer të mbyllura kreu i Unionit të Gjyqtarëve, duke sjellë në vëmendje vrasjen e gjyqtarit Skerdilajd Konomi dhe faktin që kjo ngjarje nuk është zbardhur ende  vuri në dukje se në Shqipëri jeta e gjyqtarëve është e rrezikuar.

Ndërkohë, përfaqësuesja e KLD replikoi duke shtuar se shifrat për punën e KLD nuk janë lexuar siç duhet. Megjithatë, të gjithë të pranishmit ishin në një zë për diçka; që në vendin tonë ka korrupsion dhe që ai është shqetësues./TCH

Veliaj vë përballë Dr. Orion Glozhenin me Dr. Halimin/ LISTA e PS-së për Këshillin Bashkiak

19:22 Politika

Zgjedhjet e 21 qershorit/ Raunig: Partitë të fokusohen tek programi, jo tek sulmet ndaj kandidatëve

19:15 Politika

Erion Veliaj: Kur PS dhe LSI bashkohen, janë të pamposhtura. Meta: Erioni, fitues i padiskutueshëm

18:33 Politika

E majta, 50% gra e vajza në listat e Këshillave Bashkiakë

18:15 Politika

FOTOT/ E lë e dashura, 20-vjeçari nga Gjirokastra hidhet nga kati i shtatë. Vetëvrasjen e njoftoi me një mesazh në Facebook

17:44 Politika

Policët e Milanos dhe policët e Kukësit

17:33 Politika

Kënga e Ilir Metës që hapi sot fushatën

16:45 Politika

Halim Kosova takon banorët në Petrelë dhe Farkë: Transparencë për fondet dhe zgjidhjen e problemeve

16:31 Politika

Regjistrohen 23 të pavarur për zgjedhjet e 21 Qershorit

16:25 Politika

Ben Blushi rikthehet në mbledhjet e Grupit Parlamentar të PS

15:45 Politika