Nishani: Bashkëpunim kundër anti-semitizmit

Presidenti Bujar Nishani, gjatë qëndrimit në SHBA, vizitoi ‘New State Capitol’, si dhe Asamblenë e Nju-Jorkut ku u paraqit rezoluta për rolin e kombit shqiptar në shpëtimin e hebrenjve gjatë Luftës së Dytë Botërore, nga anëtari i Asamblesë që përfaqëson Distriktin 80, Mark Gjonaj.

Sipas njoftimit zyrtar nga Presidenca, i mikpritur nga Kryetari i Asamblesë së Nju Jorkut, Karl Heastie, Senatori Xhefri Klein, si dhe shumë anëtarë të tjerë të Asamblesë, me pjesëmarrjen e fotografit të njohur amerikan, Norman Gershman, klerikëve shqiptarë dhe hebrenj, si dhe mjaft bashkatdhetarëve, Kreu i Shtetit vuri në dukje mbështetjen e tij dhe krenarinë për këtë rezolutë, e cila trajton 70-vjetorin e mbarimit të Luftës së Dytë Botërore, si dhe vlerëson në veçanti rolin e shqiptarëve për shpëtimin e hebrenjve.

“Sot, kur roli i popullit shqiptar në mbrojtjen e hebrenjve nga regjimi nazist sintetizohet në një rezolutë të mbështetur nga përfaqësuesit e Nju-Jorkut, ndihem vërtet shumë krenar. Hapja e dyerve për hebrenjtë u bë e mundur falë trashëgimisë historike dhe harmonisë fetare, por edhe dy institucioneve të forta morale të shoqërisë shqiptare, siç janë: Kodi i BESË-s, fjalës së dhënë dhe e mbajtur; dhe Mikpritja e kodifikuar në shprehjen: Shtëpia e shqiptarit është e Zotit dhe e Mikut”, u shpreh Presidenti Nishani.

Fatkeqësisht, sot pas 70 vjetësh, vijoi ai, në shumë pjesë të globit, përfshirë dhe vende të kontinentit evropian, vërejmë me keqardhje një ndjenjë antisemite në rritje, që na bënë të mendojmë se objektivi i arritur dekada më parë, po vihet sërish në pikëpyetje. Brezave të rinj ne nuk duhet t’i lëmë pikëpyetje e paragjykime të tilla, por në luftën kundër antisemitizmit dhe në mbrojtjen e lirive themelore të përcaktuara në Deklaratën Universale të të Drejtave të Njeriut të Kombeve të Bashkuara, duhet të veprojmë së bashku dhe me vendosmëri.

Kreu i Shtetit, si folësi kryesor, e mirëpriti këtë nismë duke marrë fjalën në këtë veprimtari të rëndësishme për imazhin e shqiptarëve, jo vetëm në SHBA, por në mbarë botën, dhe ishte i pranishëm në sallën e Asamblesë gjatë kohës kur u paraqit dhe u votua rezoluta, duke u takuar me shumë përfaqësues të zgjedhur të Shtetit të Nju-Jorkut, duke lobuar pranë tyre si dhe duke i falënderuar personalisht.

Në fjalën e tij, Presidenti Nishani u ndal dhe në marrëdhëniet mes Shqipërisë dhe Shteteve të Bashkuara, të cilat i konsideroi të shkëlqyera, miqësore dhe të një rëndësie parësore e strategjike për Shqipërinë.

Kombi shqiptar kudo që jeton, i dedikon mirënjohje SHBA-së për ndihmën që kanë dhënë në garantimin e pavarësisë së Shqipërisë dhe në shpalljen e pavarësisë së Kosovës, por edhe në garantimin e lirive dhe të drejtave të tyre në vendet e tjera të rajonit të Ballkanit Perëndimor, si në Maqedoni, Mal të Zi dhe Serbi, tha Nishani.

Veliaj dëgjesë me tregtarët: Trajtim si të barabartë dhe lehtësim i procedurave burokratike

13:56 Politika

Vlahutin: Azili tërësisht i pamundur. Nëse problemi kalon përmasat mund te rikthehen vizat

13:52 Politika

FOTO/ Hoteli luksoz i ISIS me 262 dhoma. Ka pishina, restorante dhe palestër

12:44 Politika

Basha do shmangë fushatën për Tiranën

12:33 Politika

“Në Shqipëri, ka gjyqtarë që në mëngjes marrin zarfin me para dhe pastaj shkojnë në punë”

12:01 Politika

Veliaj: Gerti dhe Jorida, shokët e mi të gjimnazit. Duhet të çlirohen nga plaku 72-vjeçar

11:45 Politika

FOTOT/ Rrënimi dhe Rilindja, transformimi i hyrjes së plazhit në Durrrës

11:30 Politika

Dritan Prifti: PS do të humbasë 300 mijë vota, në zgjedhjet e 21 qershorit fiton PD

10:59 Politika

Të mos nisë fushata para kohe? Po ne jemi në fushatë elektorale gjithë vitin

10:47 Politika

Meta: Veliaj ka hedhur themele të rëndësishme

09:31 Politika