Konferenca me Vuçiç/ Rama: Jemi shumë të vegjël për të mos u bërë bashkë. Pas 24 orëve në Tiranë, Vuçiç do u sugjerojë serbëve të vizitojnë Shqipërinë

Kryeminsitri shqiptar në fillim të konferencës së tij me kryeminsitrin serb tha se  “këto 24 orë në Tiranë do të jenë një shtysë që Vuçic të kthehet sërish në Tiranë.

Uroj që këto 24 orë ta inkurajojnë kryeministrin serb që t’u sugjerojë serbëve që të vizitojnë Shqipërinë sidomos, në verë”

Më tej Rama vuri theksin tek bashkëpunimi serb dhe shqiptar.

“Urojmë që mbresat pozitive 24 orëshe në Shqipëri të nxisin dhe në kthim ti rekomandojë bashkatdhetarëve të tij të vizitojnë Shqipërinë sidomos gjatë verës. Unë i garantoj përmes medias serbe se qytetarët serb do të gjejnë shërbimet, ushqimet dhe mikpritjen  befasuese.

Kryeministri Vucic  është i pari kryeministër serb që pritet me të gjitha nderimet qeveritare. Në 6 muaj nga vizita ime në Beograd, Kryeministri Vucic zhvillloi vizitën e tij në Tiranë dhe për ne ky fakt është shenjë e dëshirës dhe vullnetit të përbashkët.

Megjthëse jemi ende larg të qënit dakord me gjithcka, jemi me bindjen e përbashkët dhe besoj se shqiptarët dhe serbët kanë mundësinë historike që ta kthejnë paqen në këtë rajon me një të ardhme që ia vlken të jetohet.

Unë besoj se ne shqiptarët dhe serbët kemi sot mundësinë të bëjmë më të mirën që të bien barrierat e trashëguara prej vitesh,  që nga barrierat hiostorike, tregtare, ekonomike dhe shoqërore e kulturore, të gjitha barrierat që na kanë penguar deri sot për të projektiuat të ardhem në rrugën e Bashkimit Evropian, konkretisht përmes hartimit bashkarisht të projekteve në infrastrukturë, energji turizëm arsim e kulturë.

Jemi shumë të vegjël për të mos u bërë bashkë në përpjekjen për të rritur ekonominë tonë dhe për të shumëfishuar energjinë pozitive që i duhet kaq shumë popujve tanë në kohë mundësish aq të mëdha dhe sfidash aq të mëdha.

Kam bindjen se suksesi ynë i përbashkët është e vetmja rrugë për të rritur mirëqënien për kombet tona në këtë rajon aq të lidhur me njeri-tjetrin.

Është e paimagjinueshme të besojmë se njëri mund të shkojë shumë përpara, ndërsa tjetri mbetet mbrapa. Ne të gjithë jetojmë me një pjesë të tjetrit edhe kur me tjetrin jemi të ndarë.

Kjo na duhet të na motivojë të gjithëve që të shohim të pandare me tjetrin. Të bëjmë me tjetrin dhe për tjetrin as më shumë as më pak sa tjetri të bëjë për ne.

Kurajo që patën Gjermania dhe Franca për të ecur bashkë pas luftës së dytë botërore duke kaluar lumenj të mëdhenj gjaku, duhet të na motivojë të kapërcejmë këtë fazë për ndërtimin e themeleve e të bashkëpunimit mes vendeve.

 Fakti se edhe një top futbolli rrezikoi të na rrokulliste në pikën e zeros gjashtë muaj më parë ishte një dëshmi se sa e brishtë është marrëdhënia e bashkjetesës dhe bashkëveprimit mes nesh.

 Shqipëria dhe Serbia ka hyrë në rrugën e bashkëpunimit konkret për bashkëpunimin energjitik apo bashkëpunimin rinor nën shembullin frymëzues të Francës dhe Gjermanisë së pas luftës.

Shqiptarët e luginës së Preshevës presin më shumë nga qeveria e kryeministrit Vucic. Ashtu si ne në Shqipëri presim që shqiptarëve të jugut të Serbisë t’iu rezervohet e drejta aq sa serbëve të veriut të Kosovës.

Dialogu duhet të shkojë paralelisht me plotësimin e marrëveshjeve dhe jo të mbeten ato në letër.  Përfshirja e Kosovës në inisiativat rajonale është një domosdoshmëri jo vetëm për produktivitetin e dialogut për për forcimin e besimit reciprok dhe për forcimin e paqes ende të brishtë.

Kumanova vërtetoi edhe një herë brishtësinë e kësaj paqeje në Ballkan. Ky është rasti për të theksuar se Shqipëria e sheh si shumë të rëndisishme integrimin rajonal dhe funsksionimin e demokracisë në Maqedoni.

Ne duam një Maqedoni të qëndrueshme dhe demokratike dhe padiskutim ku marrëveshja e Ohritt të respektohet në frymë dhe të zbatohet në gërmë”, tha Rama.

Pyetje drejtuar Kryeministrit Rama

Zoti Rama ju kërkoni respektimin dhe të drejtat për shqiptarët në Preshevë. Por ndërkohë si është trajtimi i serbëve në Shqipëri?
Rama: Shqiptarët në Serbi meritojnë atë trajtim dinjitoz që kanë serbët e Kosovës. Me forcën e shembullit, dhe jo me shembullin e forcës vizionin tonë për rajonin. Sa i përket serbëve në Shqipëri nuk kam dëgjuar asnjëherë asnjë lloj ankese të kësaj natyre dhe e them me krenari, Shqipëria por edhe Kosova kanë garantuar një trajtim spektakolar të minoriteteve.

Zoti Rama a e kundërshtoni projektin e Shqipërisë së Madhe?
Rama: Ne kemi ofruar që ditën e parë mbështetje të dialogut. Për ne dialogu ka shënuar fundin e historisë së konfliktit. Edhe në Beograd unë e kam nënvizuar rëndësinë e dialogut. Por nuk kam ndryshuar dhe as do të ndryshojë bindjen për Kosovën. Dhe njohja e Kosovës do të ishte një çlirim i madh për ju. Por nuk dua të hyj më thellë pasi ju sot jeni miq në shtëpinë tonë. Shqipëria e Madhe është një ide që e kanë promovuar dhe e ushqejnë ata që nuk I duan të mirën shqiptarëve. Jo ne dhe jo kombi ynë që nuk synon zgjerim në kurriz të askujt por vetëm vetëvendosje dhe paqe. Kështu që nuk ka projekt të Shqipërisë së Madhe, por vetëm paqja është projekti ynë. Ne duam një rajon pa kufij, për shqiptarët dhe jo vetëm. Kaq ia detyrojmë popujve tanë dhe njëri-tjetrit. Por nuk kanë lidhje me vendosmërinë tonë për të ardhme të përbashkët. Dëshira jonë është të kemi sa më shumë miq dhe turistë nga Serbia. Dhe ne jemi të vendosur t’i mbështesim bashkarish.

Vuçiç shkruan në Twitter për takimin me Ramën: Presim takime produktive

12:52 Rajoni

A do të provokohet Vuçiç nga delegacioni kosovar në Tiranë?

12:06 Rajoni

Vjen edhe Gruevski në Tiranë, Tsipras bojkoton samitin

10:02 Rajoni

Serbët, indiferentë për vizitën e Vuçiç në Tiranë

09:25 Rajoni

Vuçiç, me tone të zbutura në Tiranë

09:16 Rajoni

Shqiptarët janë indiferentë dhe skeptikë ndaj vizitës së kryeministrit serb në Tiranë

21:48 Rajoni

FOTO/ Ishujt turistik grek pushtohen nga emigrantët sirianë

20:25 Rajoni

Beogradi kujton ‘Epokën e Artë’ të Titos

18:36 Rajoni

Turqia “pushton” Kosovën me investime

18:24 Rajoni

Choutis: Axhendat e ndryshme mund të dëmtojnë bashkëpunimin mes Shqipërisë dhe Greqisë

14:52 Rajoni