Te fundit
Topi mbyll fushatën elektorale të FRD-së: Veliaj, lider i profilit europian
18 Qershor 2015, 13:07Politika
TEMA
Pas 21 qershorit, motoja jonë për Tiranën do të jetë një qytet ku u shërbejmë të gjithëve me integritet, dinjitet dhe respekt. Kështu u shpreh kandidati i Aleancës për Shqipërinë e Europiane për Bashkinë e Tiranë, Erion Veliaj, në takimin përmbyllës të fushatës elektorale të Frymës së Re Demokratike. Në fjalën e tij, Veliaj u shpreh i kënaqur nga bashkëpunimi dhe mbështetja me FRD-në, duke nënvizuar se në 4 vitet e ardhshme Tirana meriton më mirë dhe më shumë.
“Ndaj miqtë e mi, unë ju shtrij dorën sot dhe ju hap zemrën për një bashkëpunim që është për interes të qytetit. Unë nuk besoj se ka militantë të majtë apo militantë të djathtë, të cilët thonë punë e madhe që janë bërë plehrat, por vetëm të rrojë partia. Nuk besoj se ka militantë të majtë ose militantë të djathtë, të cilët thonë punë e madhe që fëmija im shkon në shkollë me dy turne, por vetëm të rrojë partia. Nuk besoj se ka fanatikë të majtë ose fanatikë të djathtë të cilët thonë, punë e madhe që nuk ka ndriçim, punë e madhe që pusetat janë hapur, punë e madhe që shitet ushqim për njeriun aty ku kalon miu nëpër tregje, por vetëm të rrojë partia. Nuk ka!”, u shpreh Veliaj.
Në fjalën e tij, kryetari i Frymës së Re Demokratike, Bamir Topi, e vlerësoi kandidatin Veliaj si një lider të ri politik, i cili ka përpara një detyrë të vështirë, por të mundshme. “Dua të vlerësoj pozicionin dhe rolin e FRD-së, që do të jetë për herë të parë pjesë e Këshillit Bashkiak të Tiranës. Por, dua të vlerësoj një lider të ri politik, një njeri të artikuluar shumë mirë, një njeri të pjekur shumë mirë, një njeri me eksperiencë politike, por edhe administrative, i cili patjetër jep shumë në këtë lloj bashkëpunimi. E kam fjalën për z. Veliaj, duke i thënë që ti je lideri i profilit europian dhe së bashku me shokë dhe kolegë, një pjesë e të cilëve do ta kesh nga FRD-ja, patjetër që sfidat për një Tiranë moderne do të jenë të realizuara”, tha Topi.
Ai tha se transformimi i Tiranës është plotësisht i mundur. “Duke ju njohur aftësinë shumë mirë, do të dëshiroja t’ju bëja një apel: Do të keni një detyrë shumë të vështirë, por totalisht të mundshme, për ta transformuar këtë kryeqytet, për ta sjellë në një model të një qyteti të jetueshëm, jo vetëm për ne, por edhe për brezat. Kështu që, projektoni të ardhmen e qytetit tonë, së bashku me këshilltarët tanë bashkiakë, për të shkuar në drejtimin, që ju me të drejtë e keni quajtur, drejtimi i duhur. Sepse drejtimi i duhur është jo vetëm rregullimi i standardeve, por vetëm me këtë drejtim mund të shkojmë dhe ta prekim Europën me dorë”, u shpreh kreu i FRD-së.
Fjala e kandidatit Veliaj në mbylljen e fushatës elektorale të FRD-së
Përshëndetjë të gjithëve!
Gëzohem jashtë mase që jam këtu, jo vetëm për faktin se Fryma e Re Demokratike dhe presidenti Bamir Topi janë një nga aleatët tanë kryesorë për fitoren tonë dhe administrimin e bashkisë së Tiranës. Por edhe për faktin që FRD-ja është një bashkim qytetarësh, jo një bashkim banorësh, dhe bashkimi i qytetarëve nënkupton pasion, interes për qytetin, keqardhje kur qytetit nuk i shkojnë punët mirë dhe shpresë për një qytet që meriton më shumë në drejtimin e duhur.
Miqtë e mi, ky është një qytet ku prej 4 vitesh njerëzit trajtohen si ‘ca të nënës e ca të njerkës’, dhe nëse një kryetar i ardhshëm i bashkisë do duhet të kishte një manual si duhet të jetë një kryetar i ardhshëm i bashkisë, që i bashkon dhe nuk i përçan njerëzit, mjafton të shikojë 5 vitet e punës së Presidentit Bamir Topi, se si i bashkoi dhe nuk i përçau shqiptarët. Ky është manuali më i mirë edhe për ata njerëz që pyesnin veten se si ka mundësi që ky president, ky politikan, vlerësohet pozitivisht nga 80 për qind e njerëzve, kur votues të djathtë janë vetëm 40 për qind, sepse njerëzit nuk njohin parti kur shohin cilësi në politikë, kur shohin ndershmëri, kur shohin shërbim dhe integritet në politikë. Ndaj dhe besoj se motoja jonë për qytetin e ardhshëm të jetë një qytet ku ne shërbejmë me integritet, i shërbejmë të gjithëve me dinjitet dhe i respektojmë të gjithë, pavarësisht nëse janë të majtë ose të djathtë sepse janë qytetarë të kryeqytetit të Shqipërisë dhe gjithë shqiptarëve.
Unë kam pasur privilegjin të punoj me kolegë dhe t’i shërbej në një ministri njësoj njerëzve, si atyre që janë të majtë, si atyre që janë të djathtë. Më vjen mirë, përpara kësaj mbështetje gjigante sot nga Fryma e Re Demokratike, ne morëm një mbështetje të jashtëzakonshme nga të gjithë shoqatat e të përndjekurve politikë. Më ngeli në mendje fjala e Daut Gumenit, i cili tha: më mirë bashkëpunojmë me disa njerëz, që nuk e kanë kompleks të thonë ‘po, jemi të majtë sepse besojmë te solidariteti, te taksa progresive’, por 100 herë bëjmë një bashkëpunim të sinqertë midis të djathtësh dhe të majtësh për interes të qytetit, se si disa ish komunistë që bëhen antikomunistë dhe pastaj qeverisin më keq se komunistët.
Ndaj miqtë e mi, unë ju shtrij dorën sot dhe ju hap zemrën për një bashkëpunim që është për interes të qytetit. Unë nuk besoj se ka militantë të majtë apo militantë të djathtë, të cilët thonë punë e madhe që janë bërë plehrat, por vetëm të rrojë partia, nuk ka. Nuk besoj se ka militantë të majtë ose militantë të djathtë, të cilët thonë punë e madhe që fëmija im shkon në shkollë me dy turne, por vetëm të rrojë partia. Nuk besoj se ka fanatikë të majtë ose fanatikë të djathtë të cilët thonë, punë e madhe që nuk ka ndriçim, punë e madhe që pusetat janë hapur, punë e madhe që shitet ushqim për njeriun aty ku kalon miu nëpër tregje, por vetëm të rrojë partia. Nuk ka!
Ashtu siç e dëshmuam në një ministri ku u shërbyem njësoj njerëzve, të majtë dhe të djathtë, madje të djathtëve, si të përndjekurit, u dhamë këstin e 5 në një vit e gjysmë, ndërkohë që në qeverinë e quajtur të djathtë për tetë vite mezi morën një këst. Unë besoj se në fund të ditës njerëzit nuk do të na pyesin, a ke lexuar Karl Maksin e majtë apo Xhon Adamsin e djathtë, por do të na pyesin sa i shërbyet qytetit gjatë kohës që kishit gjërat në dorë.
Ftesa ime sot nuk është një ftesë që ne të krahasojmë shënimet politike të themeluesve të së majtës dhe të themeluesve të së djathtës, por ashtu siç treguam në bashkëpunimet tona të vogla, të kemi një bashkëpunim gjigant për Tiranën tonë, që mezi pret që t’i shërbehet me dinjitet pa i ndarë njerëzit në të nënës dhe të njerkës, por duke respektuar standardin që Bamir Topi, Presidenti ynë, vendosi duke i bashkuar dhe jo duke i përçarë shqiptarët, dhe duke i shërbyer të gjithë qytetarëve pa dallim feje, krahine dhe ideje. Sepse besojmë se qyteti meriton më mirë, qyteti meriton më shumë.
Ndaj mezi pres që të bashkëpunoj në Tiranë me këshilltarët e Frymës së Re Demokratike dhe mezi pres që të drejtoj Bashkinë e Tiranës me administratorë nga FRD.
Për të treguar që jemi realisht të balancuar midis të majtëve dhe të djathtës, meqë kolegia nga Saranda tha votoni 23, unë them votoni 32, që të kemi cilësi në Këshillin Bashkiak sepse unë besoj që këto nuk janë zgjedhje vetëm për sasi, ashtu siç tregojnë sondazhet që sasinë e kemi. Këto janë zgjedhje edhe për cilësi. Ndaj dhe besoj që edhe në shtëpinë tonë të përbashkët disa gjëra janë ndarë, disa njerëz do të gatuajnë gjellën dhe disa të tjerë do të hedhin kripën. Gjellë pa kripë nuk ka. Fryma e Re Demokratike sjell cilësinë e shijes së mirë qytetare në Bashkinë e re të Tiranës.
17 komente në “Topi mbyll fushatën elektorale të FRD-së: Veliaj, lider i profilit europian”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
partia e FRD-se zgjodhi krahun e duhur , mendoi me te miren per vendin e saj dhe Tiranen , ne 21 qershor te gjithe bashke do zgjedhim ASHE per nje mireqenie me te mire dhe per nje te ardhme te sigurt
FRD kur u krijua pretendoi se eshte me e djathte se PD.Te hynte ne zgjedhje vetem dhe pastaj pas zgjedhjeve ,ku do maste forcat te bente koalicione sipas rasteve kur kishte perputhje ose dakort te temave ne diskutime.Kjo te besh marreveshje paraprake ngjan si legenizim i problemit. tung
Tirana ke nevoje imediate te shkoje ne drejtimin e duhur, mjaft me me njerez te papergjegjshem qe e vetmja gje qe i interesonte eshte si te pasurohej, vidhte te bente udhetime turistike ne Holande sikur njerezit e votuan per te shetitur
po populli nuk mundte jete aq jo dasahmires per veten ,e pane qe ne kater vite askush nuk u kujdes per asgje dhe per asnje , nuk ka me te voglin dyshim qe jane me po te njejta parime dhe e vetmja gje qe u intereson eshte karrigia dhe si te rrezojen qeverine po qe do ti vijne anash se populli ehset aq i zgjuar sa te dije te vleresoje
Erion Veliaj do ti ktheje fytyren e merituar ketij qyteti te lene ne harrese , qyteti i cili deri metani ka funksionuar me maska . me po te njejta maska qe basha & co del e perrallis ne kohe fushate
Keshtu ndodh edhe ne vende te tjera te zhvillua ne zgjedhjet lokale, ku mazhoranca perfshin ne koalicion sa me shume parti ne menyre qe te shperndahet sa me shume administrimi i qyteteve e te mos perqendrohet ne disa duar. FRD nje force politike me rendesi ka pare te arsyeshme te beje koalicion me ASHE. Mbeshtetja ndaj kandidatit Veliaj eshte mese e natyrshme, kandidati ka mbeshtetjen e te gjithe qytetit.
Kandidati Erion Veliaj eshte i duhuri per Tiranen. Ka aftesite e duhura drejtuese e menaxhuese te cilat i ka demonstruar edhe ne ministrine qe drejtoi. Kreativ dhe me vizion te qarte e projekt konkret per kryeqytetin, Erioni do beje pune te mire ne Bashki. Besimplote se do punoje me zell e perkushtim per te gjithe ne.
Puno per Tiranen z. Veliaj, puno per Tiranen e lene ne meshire te fatit. Kryebashkiaku aktual ka rene ne letargji, ka kater vite qe drejton Bashkine dhe nuk ka kryer as me te voglin investim. Ne Tirane mungojne edhe gjerat me minimale si kazanet e plehrave e kapaket e pusetave. Erioni do kete vertete shume pune per te rikthyer ne normalitet kryeqytetin.
Njeriu adapt per Tiranen eshte Erion Veliaj. Me ndarjen e re territoriale Tirana eshte zgjeruar shume, ne te njejten kohe jane rritur edhe pergjegjesite. Erioni ka projekt konkret lidhur me zhvillimin e ketyre zonave dhe afrimin e tyre me kryeqytetin. Investimet ne infrastrukture, ujesjelles dhe kanalizime do bejen te mundur afrimin e zonave me qytetin. Vec kesaj kryeqyteti ka shume nevoje per nderhyrje. Mendoj se Erion Veliaj do ja dale.
jan vlere shum e madhe kjo per erion veliaj kur komplimentohet dhe veleresohet kaq shum gna nje nejri si presidenti bamir topi
Ish presidenti TOPI e di mire kush eshte drejtimi duhur ai kete e ka treguar me vote dhe para 4 vitesh ashtu si do e tregoj dhe ne 21 QERSHOR
ik ore legen i shitur. u tregove palaco burre
“Topin” – e luajne te tjeret !
Ne planin moral, pak rendesi ka fituesi.
Bamir Topi eshte i rrenuari moral i ketij seasoni.
Nje president qe lyp…cfare?
Veliaj lider i profilit europian?????????????????????!!!!!!!!!!!!!!!!!!!!!
Une them: Bamiri for president of United States, qofte e raki per te
terrreeeeeeeeeeee orrrrrrrreeeee………………….
Sa e neveritshme eshte me keta mediokrit kur lepijne njeri – tjetrin .
Po si nuk pame te lavderohet ndonje figure per se mbari, po legenat dhe vetem legenat.
Mos o Bamir se po na fyen. Lider i profilit te larte nje individ i klonuar pa asnje moral njerezor si ky “Carac”? Me sa duket konfirmove personalitetin tend qe sic thone nga lagjia jote nuk shkon me shume se “Kupa e gjizes e paces se ploncit”
ERJONI E THA MIRE .QE PUNET TE SHKOJNE MIRE DUHET .DISA TE GATUAJNE,DISA TE EDHIN KRIPEN DHE TE GJITH TE HAJNE .JO SI TE BID BRADHEN QE NJER GATUANTE TE TIERET HANIN ,.. KUSHE NUK LUAN KEMB E DUAR TE MOS I JAPIN PER TE NGRENE .