"Arrest me burg" për Arbion Alikon, nesër sërisht para Gjykatës për vrasjen e efektivit të RENEA

Gjykata e Krimeve të Rënda ka dhënë masën e sigursë “Arrest me Burg” për Arbion Aliko, të arrestuar dy ditë më parë në Lazarat, në kuadër të operacionit për kapjen e autorëve të dyshuar për vrasjen e efektivit të Forcave RENEA, Ibrahim Basha, dhe ku mbetën të plagosur dy efektivë të tjerë.

Gjatë seancës gjyqësore të zhvilluar tek Gjykata e Krimeve të Rënda në Tiranë, togat e zeza morën në dorë dosjen e vitit 2014, ku Alikos i është caktuar në mungesë masa e sigurisë “Arrest me Burg”.

20-vjeçari rezultonte në kërkim për tentativë të vrasjes së punonjësve të policisë gjatë aksionit të parë që uniformat blu ndërmorën në Lazarat për çrrënjosjen e kanabisit, në qershor të vitit 2014.

Po ashtu Arbion Aliko në dosjen e vitit të shkuar akuzohet edhe për kultivimin e lëndëve narkotike dhe pjesëmarrje në grupet kriminale. Lidhur me këto akuza, togat e zeza dëgjuan edhe pretendimet e 20- vjeçarit, si dhe morën gjeneralitet e tij.

Pas përfundimit të marrjes në pyetje të Arbion Alikos dhe dëgjesës  me avokatin, togat e zeza u tërhoqën për të marrë vendimin, i cili rezultoi “Arrest me Burg” për të.

Nesër Arbion Aliko dhe vëllai i tij, Alban Aliko do të dalin para Gjykatës së Krimeve të Rënda në kuadër të akuzës së ngritur nga hetuesia lidhur me ngjarjen e rëndë të 24-qershorit, ku mbeti i vrarë efektivi i Forcave RENEA.

Dy vëllezërit Aliko akuzohen si dy të dyshuarit kryesorë për vrasjen e efektivit të RENEA-s në Lazarat, si dhe të krijimit të një grupi kriminal për rikthimin e regjimit të drogës në Lazarat. Deri tani Arbion dhe Alban Aliko, kanë mohuar të jenë pjesë e grupit të zjarrit dhe të kenë qëlluar ndaj forcave të policisë.

Prej ditës së arrestimit, dy të rinjtë ndodhet në ambientet e drejtorisë së policisë së Tiranës, ku mësohet se vijojnë të mbajnë agjërim. Dje tre  të arrestuarit e tjerë si pjesë e grupit të zjarrit, Klodian Selimi, Dervish  Gaba dhe Elvis Boci, kanë dalë përpara gjykatës ku janë njohur me masën e arrestit me burg. Ata, ashtu si edhe vëllezërit Aliko, u sollën në gjykatë nën masa të rrepta sigurie, ndërsa në sallë mësohet se kanë mohuar të jenë përfshirë në sulmin ndaj forcave RENEA.

Lushnje, aksidentohet ambulanca e forcave RENEA

11:40 Kronika

Si kërkonte PD e Gjirokastrës nga Berisha, që të hiqte policët që ushtronin kontrolle për hashashin

09:34 Kronika

U arratis me Ilir Kupën nga burgu i Trikallasë, prangoset në Vlorë

20:21 Kronika

Arrestohet ish-kreu i ISSH në Fier, akuzohet për shpërdorim detyre

15:56 Kronika

DOSJA E PLOTE/ Ja argumentet e prokurorisë për dënimin e Arben Frrokut

15:44 Kronika

Edmond Boci tenton vetëvrasjen në burgun e Tepelenës

15:33 Kronika

Sekuestrohen 20 kg heroinë në Morinë. Vinte nga Kosova në Shqipëri

15:16 Kronika

Krimet e Rënda vendosin arrest me burg për 3 nga të arrestuarit e Lazaratit

15:00 Kronika

Edhe pas 4 muajsh nga nisja e gjyqit Tahiri-Paloka/ Avokati i deputetit demokrat: Na duhet ende kohë për provat

13:38 Kronika

Të rinjtë në Mallakastër kishin shkuar të vidhnin hashash, u qëlluan nga roja i parcelës së paligjshme

11:57 Kronika