Te fundit
Reforma në Drejtësi/Halimi: PD po përgatit platformën e saj për ndryshimet kushtetuese
24 Korrik 2015, 17:30Politika
TEMA
Partia Demokratike po harton paketën e saj me propozime për ndryshimet e Kushtetutës, pjesë e reformës në drejtësi.
Deputeti demokrat, anëtar i Komisionit të Posaçëm Parlamentar për Reformën në Drejtësi Eduart Halimi pohon se opozita synon realizimin e një reforme që e bën Këshillin e Lartë të Drejtësisë institucion të pavarur politikisht.
Sipas Halimit kjo do të mund të realizohet me ndërhyrje konkrete në Kushtetutë ku përjashtohet jo vetëm Presidenti, por edhe ministri i Drejtësisë nga promovimi apo shkarkimi i gjyqtarëve.
“Drafti ka të bëjë me ndryshimet kushtetuese të KLD, alternativë kushtetuese që ministri dhe Presidenti të mos jene pjesë e KLD gjatë promovimit apo shkarkimit të gjyqtarëve”, u shpreh Halimi.
Deputeti demokrat tha se pjesë e kësaj reforme do të jenë ndërhyrjetedhe në ligjin për Gjykatën e Lartë, duke bërë që përmes mekanizmave kushtetues ky institucion të japë llogari për punën e gjyqtarëve.
“Platforma jonë për Gjykatën e Lartë e bën këtë institucion llogaridhënës, përmes instrumenteve kushtetues”, tha Halimi.
Drafti prej 7 pikash i propozuar një vit më parë nga kryetari i opozitës pritet të jetë në tryezën e diskutimeve edhe pas miratimit nga parlamenti të grupit të ekspertëve.
“Një draft ligjor dhe kushtetues përmes të cilit do të skanohen gjyqtarët”, u shpreh deputeti demokrat.
Ndërkaq për reformën në drejtësi janë dy drafte që do të shqyrtohen nga komisioni i posaçëm, një nga maxhoranca dhe një nga opozita.
Në bazë të marrëveshjes drafti final do të kalojë me miratimin e Komisionit të Venecias.
Lini një Përgjigje
Më të lexuarat
24 oret e fundit
Javen e fundit
Blog Tema
