Nikolla pas takimit me Nishanin: Ligji për Arsimin e Lartë, konform Kushtetutës

Ministrja e Arsimit Lindita Nikolla shprehu bindjen se Presidenti Bujar Nishani do të dekretojë ligjin për Arsimin e Lartë.

Pas takimit të zhvilluar në Presidencë me Kreun e Shtetit në kuadër të konsultimeve që Nishani po zhvillon me grupet e interesit, Nikolla duke iu përgjigjur interesimit të mediave tha se ligji plotëson garancitë kushtetuese për çdo student të Shqipërisë për të ndjekur institucionet e arsimit të lartë sipas meritës.

Pyetjes së gazetarëve që prisnin para presidencës se a do ta dekretojë presidenti ligjin Nikolla u përgjigj: “patjetër, si pjesë e besimit të një institucioni të rendësishëm siç është ai i presidentit të Republikës”.

Ndërkohë, sipas njoftimit zyrtar nga Presidenca, fokusi i takimit të Kreut të Shtetit me ministren Nikolla ishte Ligji i ri i Arsimit të Lartë i miratuar së fundmi nga Kuvendi i Shqipërisë dhe që po shqyrtohet për dekretim nga Presidenti i Republikës në përputhje me kompetencat dhe tagrin e tij kushtetues.

 Kreu i Shtetit shqiptar vlerësoi si shumë pozitiv vullnetin dhe angazhimin e qeverisë në ndërmarrjen e reformës në Arsimin e Lartë duke u shprehur se “reformat duhen bërë sipas kritereve dhe parimeve ligjore të sanksionuara në Kushtetutë si dhe duke ndjekur modelet më të mira ekzistuese.”

Presidenti Nishani dhe ministrja Nikolla së bashku me zëvendësministrin Mazniku diskutuan gjerësisht për Ligjin e ri të Arsimit të Lartë duke e konsideruar atë si shumë të rëndësishëm për edukimin sa më cilësor të brezave të rinj dhe me një ndikim të madh në të ardhmen e vendit.

Presidenti Nishani dhe pjesëmarrësit në takim shkëmbyen gjithashtu mendime dhe pikëpamje lidhur me vlefshmërinë ligjore dhe kushtetuese të këtij ligji, me të mirën publike dhe mbrojtjen e përfaqësimin sa më të mirë e gjithëpërfshirës të interesave të studentëve, profesorëve dhe pedagogëve shqiptarë.

Dita botërore kundër trafikimit/Gjebrea: Të ndërgjegjësohemi dhe raportojmë çdo rast në polici

12:30 Sociale

Pëllumb Xhufi: Fuga, bashkëautor në shpartallimin e Akademisë së Shkencave, Marashi, produkt i Topallit

10:54 Sociale

Të rinjtë shqiptar dhe serb në shkollë verore, Klosi: Të shërbejë si urë komunikimi midis dy vendeve

17:16 Sociale

100 mijë lekë shtesë për mjekët që punojnë jashtë zonave të tyre të banimit

15:35 Sociale

Mësuesit dhe nxënësit që punojnë e mësojnë jashtë vendbanimit/Qeveria vendos subvencion për transportin

18:05 Sociale

Vrasësit e heshtur, Hepatiti B dhe C/ Specialistja Demiraj: Ja sesi mund të parandalohen

14:54 Sociale

Intervista/ Zv.ministrja e Shëndetësisë: Po punojmë që laboratorët të kenë konkurrencë dhe jo të ketë monopole

12:38 Sociale

Abuzim sekual me të mitur, 17 raste të denoncuara në 2015-ën. Avokati: Duhen dënime edhe më të ashpra

10:19 Sociale

Akuzat për favorizim, bëjnë pis tenderin e lavanterisë në QSUT

18:50 Sociale

Tahiri: Komisariati Dixhital, histori suksesi. Shpërblim për denoncimet e sakta (VIDEO)

13:31 Sociale