“Parcelat na i mbulon daja” - Detaje të reja nga trafiku i drogës Vlorë-Brindizi

“Parcelat na i mbulon daja”, kjo është një ndër frazat që përdorej mes trafikantëve të drogës, e cila implikon përmes përgjimeve telefonike zyrtarin e Policisë së Vlorës, Vladimir Zanaj, me detyrë shef i personelit në këtë polici.

Sipas një burimi jo zyrtar nga grupi i hetimit, oficeri i policisë, nga pëgjimet ambientale dhe telefonike rezulton se kishte dalë garant, jo vetëm për mos goditjen e një parcele droge që kultivohej nga  familja Lamaj, por kishte siguruar edhe qetësi në procesin e ngarkimit të avionit ukrainas “Areoprakt”, raporton TCH.

Ngarkesa e 120 kilogrameve marijuane në avionin, që më pas u pilotua nga 26-vjeçari Vilson Lamaj, ka zgjatur vetëm 10 minuta , nga ora 7:02 deri në orën 7:12, të dhëna që tregohen nga aparatura e vendosur nga prokurorët italianë në avion.

Kaq ka zgjatur edhe qëndrimi i avionit në tokën shqiptare. Por, gjithë flututimi i avionit në hapësirën shqiptare nuk pasqyrohet dhe as është raportuar nga autoritetet shqiptare, thonë burimet, pasi siç rezulton deri më tani, radari sekondar nuk ka punuar atë ditë, radar i cili përdoret e gjurmon fluturimet e ulta. Nga ana tjetër për grupin e hetimit, terreni ku është ulur avioni, në fshatin Xhelilaj, konsiderohet i vështirë, çka hedh dyshime se piloti e njihte fare mirë zonën ku do ulej dhe mund të mos ketë qenë udhëtimi i tij i parë.

Sipas të dhënave të sistemit TIMS, piloti Lamaj ka ardhur në Shqipëri një muaj më parë, ku edhe ka qëndruar në fshatrat e Labërisë, për shkak se një nga parcelat e hashashit që kontrollohej nga familja e tij në fshatin Babicë, ishte asgjësuar nga policia e në këto kushte atij i është dashur të grumbullojë ngarkesën prej 120 kg nga persona të tjerë.

Ndërkohë që është kthyer në Itali dy ditë përpara se të ndërmerrte edhe fluturimin me avionin e tij. Piloti Lamaj, sipas burimeve, ka ndjekur një kurs të posaçëm në Itali dhe një vit më parë ai ka siguruar edhe një licencë pilotimi për fluturime turistike, ku edhe del që ka kryer disa fluturime për këtë qëllim brenda Italisë.

Nga të dhënat e Prokrorisë italiane dorëzuar krimeve të rënda, familja Lamaj, përveç mbjelljes së parcelave me hashash në fshatrat e Vlorës, po planfikionin të bënin të njëjtën gjë edhe në Rumani. Ndërsa ishin pronarë të një sipërfaqejeje toke në një komunë në Rimini, ku dyshohet se kanë kultivuar edhe aty bimë narkotike.

FOTOT/ Veliaj “i pamëshirshëm”, 3 qytetarë gjobiten për urinim në publik

15:42 Politika

INTERVISTA/ Edi Rama: Europa e ka humbur rrugën e saj. Duhet të tregohet strategjike me Ballkanin

13:39 Politika

Berishën e tërbon fjalimi i Ramës: Është haluçinant, kërcënon Europën se do hedhë në erë Ballkanin

12:37 Politika

Agron Gjekmarkaj i përgjigjet Ardian Vehbiut: Je makinë fekalesh, mos na bë që të merremi me ty

09:57 Politika

Aleksandër Meksi: Qeveria po krijon përçarje. Po na filloi ky sherr, nuk do e ndalim dot

09:33 Politika

BATUTAT e Ramës në Samitin e Vjenës/ Që nga thumbimet për BE-në, deri tek Aleksandër Vuçiç

09:18 Politika

Rrokadë në Policinë e Shtetit, ja ndryshimet

09:05 Politika

Rama në Vjenë: Nuk jemi rajoni i Jezu Krishtit. Jemi rajoni i Shën Tomasit. Nëse nuk prekim, nuk besojmë!

00:14 Politika

Itali/ Historia e rrallë e "Rambos" shqiptar, që u përball me 4 hajdutë serbë

21:47 Politika

MEGA reagon për Kishëen: Problemet duhet të zgjidhen nëpërmjet dialogut, mirëkuptimit dhe respektit për besimin fetar

17:51 Politika