Mustafa: Njerëzit e Shpend Ahmetit le të thyejnë vezë, por t'ua japin njerëzve t'i hanë

Aktivistët e lëvizjes Vetëvendosje në Kosovë kanë goditur me vezë makinën e kryeministrit Isa Mustafa, pasditen e së premtes. Mësohet se ngjarja ka ndodhur teksa kryeministri Mustafa ka qenë duke shkuar në Radio Televizionin e Kosovës.

“Do të vazhdojmë aksionet e protestat për ta bërë jo funksionale këtë qeveri dhe deri në dorëheqjen e Isa Mustafës”, janë shprehur përfaqësuesit e kësaj lëvizjeje.

Policia e Kosovës bëri të ditur se makina e kryeministrit të Kosovës, Isa Mustafa, është qëlluar me vezë nga dy persona, të premten në mbrëmje, para ndërtesës së komunës së Prishtinës.

“Policia e Kosovës duke u bazuar në informacionet e sakta ka pranuar informacionin se dy të rinj kanë lëshuar një qese tek rrethoja e Komunës së Prishtinës (saktësisht tek gardhi i gjallë).

Dy zyrtarët policorë në detyrë kanë shkuar në atë vendngjarje për të verifikuar se për çfarë qese bëhet fjalë në mënyrë që të eliminohet dyshimi për ndonjë mjet të dyshuar, dhe aty në ato momente nga dera hyrëse e Komunës ka dalë një person i dyshuar (S. Z.) duke thirrur me zë të lartë, duke fyer, e pastaj edhe duke sulmuar fizikisht zyrtarët policorë të angazhuar në detyrë zyrtare”, thuhet në komunikatën e Policisë.

“Pasi që i dyshuari në fjalë (S. Z.), ishte mjaft i dhunshëm, dhe si rezultat i sjelljeve agresive ka lënduar dy zyrtarët policorë, në asistencë për ta vu në kontroll janë angazhuar edhe dy zyrtarë të policisë në rroba civile.

Pas reagimit efikas të policisë i dyshuari është arrestuar dhe me urdhër të prokurorit kompetent është dërguar në qendrën e mbajtjes për vazhdim të procedurave të mëtejme ligjore”, thuhet në komunikatë.
Policia nuk e bëri publik identitetin e sulmuesve. Mediat shprehen se personi i arrestuar nga policia është Salih Zyba, aktivist i Lëvisjes Vetëvendosje.

Sulmi me veze ndaj eskortës së kryeministrit është shprehje e protestës së kësaj partie ndaj marrëveshjes për Asociacionin e komunave me shumicë serbe, të arritur të martën, në Bruksel.

Ndersa kryeministri i Kosovës Isa Mustafa pas gjuajtjes me vezë nga aktivistët e Levizjes Vetvendosje ka thënë se meqë nuk po punojnë asgjë për qytetin, njerëzit e Shpend Ahmetit le të thejnë veze.
“Mirëmëngjesi miq të nderuar. Mbrëmë deri sa shkoja në intervistë në RTK dëgjova një krismë në makinë, por mendova qe ishte jashtëqitje (glacitje ) e zogjve. Më paskan gjuajtur me vezë njerëzit që marrin rrogë te Shpend Ahmeti dhe Dardan Sejdiu. Pasi nuk po punojnë asgjë tjetër për qytetarët, le të thyejnë vo. Shpresoj se nuk i qojnë poshtë, kur t’i thyejnë ua japin punëdhënësve të tyre me i ngrënë.

“Vehabistët” e kthyer nga Vjena, një shqetësim i madh për Serbinë

12:35 Rajoni

Kush kalon në Rrugën e Kombit do të paguajë 5 euro

10:37 Rajoni

"Vuçiç ndihet inferior ndaj Ramës"

09:32 Rajoni

Ministri gjerman apel shqiptarëve: Ejani për punë, jo për azil

06:17 Rajoni

Vetvendosja qellon me veze Kryeministrin Mustafa

20:38 Rajoni

Mediat gjermane: Me mure nuk zgjidhen problemet e Ballkanit

18:49 Rajoni

Mediat greke: Në 20 shtator zgjedhje të parakohshme

15:43 Rajoni

Vdiq Akademik Mark Krasniqi, njeriu që e kishte bërë gati varrin e tij

13:54 Rajoni

I burgosuri shqiptar që jeton si Pablo Eskobar

12:39 Rajoni

Takimi i Ballkanit nёn hijen e tragjedisё sё refugjatёve

10:35 Rajoni