Te fundit
Joschka Fischer: Në Kosovë bëmë atë që duhej bërë, bombarduam Serbinë
8 Shtator 2015, 18:14Rajoni
TEMA
Në një intervistë për televizionin gjerman ZDF ish-ministri i Jashtëm dhe ikona e të majtës gjermane Joschka Fischer flet për intervenimin në Kosovë.
Ndërhyrja e Gjermanisë në konfliktin e Kosovës mbetet ende temë që diskutohet shumë. Pjesa më e madhe e mediumeve serioze gjermane e mbështesin bombardimin e Serbisë për t’i dhënë fund krimeve në Kosovë kundër popullsisë shqiptare. Më shumë se 15 vjet pas bombardimeve televizioni publik gjerman ZDF për emisionin “Të takosh historinë” ka intervistuar ish-ministrin e Jashtëm Joschka Fischer. Ai ka deklaruar: “Unë kam qenë i bindur se po bëjmë atë që duhet bërë. Por nëse e kemi bërë si duhet atë që duhet bërë – kjo është çështje tjetër”.
Në emisionin “Kosova 99 – Ushtria gjermane në luftë” autori i emisionit Wolf-Christian Ulrich prezanton ngjarjet e atëhershme, të cilat ushtrinë gjermane e shndërruan nga ushtri mbrojtëse në ushtri sulmuese. Emisioni do të shfaqet më 11 shtator, në orën 19:30 në ZDFinfo.
Fischer ka treguar se nëse koalicioni i atëhershëm qeverisës do t’i kishte thënë jo pjesëmarrjes në luftën e Kosovës, atëherë ky do të ishte edhe fundi i koalicionit.
Në emision flet edhe Hans-Christian Ströbele, koleg partiak i Fischerit dhe kundërshtar i intervenimit.
Se si e kanë përjetuar njerëzit luftën në vitin 1999 tregojnë bisedat që Wolf-Christian Ulrich ka zhvilluar në Beograd dhe Prishtinë. Besa Luzha nga Prishtina e kishte përjetuar ndërhyrjen e NATO-s si çlirim, ndërsa Renate Flottau, korrespondente e atëhershme e revistës «Der Spiegel», tregon se si kishte përjetuar net të tëra me frikë dhe në shtëpi që dridheshin. Për luftën e Kosovës flet edhe koloneli Michael Krah, i cili ka qenë njëri prej pilotëve të avionëve «Tornado», të cilët morën pjesë në luftën e parë gjermane pas vitit 1945.
2 komente në “Joschka Fischer: Në Kosovë bëmë atë që duhej bërë, bombarduam Serbinë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Evropa, luftoi që ta bënte Kosovën “shtet të pavarur” duke menduar se do të shpëtonte prej kosovarëve, por tani po e shikon që ka gabuar “në llogaritë” e saj…(sepse u bënë “pa hanxhinë”)
Ore kokra re lergenit po ti a jer shqiptar apo je gomar.
Shko në sërbi ore legeen.er bëru vlla mer serbët.
Atje sdo ta gjresh mamën tate.