Avokati i Popullit: Të shpallet niveli i minimumit jetik për shqiptarët

Institucioni i Avokatit të Popullit kërkon nga Ministria e Mirëqënies Sociale dhe Rinisë informacione lidhur me hapat e ndërmarrë për shpalljen e nivelit minimal të standardit të jetesës në Shqipëri. Ky standard konsiderohet si mjaft i rëndësishëm, nga ana e Avokatit të Popullit, pasi mbi bazë të tij përllogariten pagat, pensionet, pagesa e ndihmës ekonomike, si dhe përfitimet e tjera sociale për të gjithë kategoritë dhe shtresat në nevojë. Në Shqipëri nuk ka ende një minimum jetik, të shpallur zyrtarisht. Një gjë e tillë ngre pikëpyetje mbi mundësitë e mbijetesës për shumë familje  dhe persona, fati i të cilëve varet nga pagesat e ndihmës ekonomike, të paaftësisë etj.

Në shkresën me dt. 25.09.2015 drejtuar ministrit Blendi Klosi thuhet se:

“Pranë institucionit të Avokatit të Popullit, sindikata dhe organizma të tjera joqeveritare kanë bërë në vite kërkesa të vazhdueshme për të shpallur zyrtarisht minimumin jetik. Duke qenë se minimumi jetik, nuk është vetëm një tregues që lidhet me nevojat që ka njeriu për të siguruar mbijetesën në kushtet aktuale, por bazuar në të, përcaktohen edhe nivelet e përfitimeve në skemat e mbrojtjes shoqërore, i jemi drejtuar me rekomandimin Kryeministrit të Shqipërisë, Edi Rama, ku kemi propozuar ngritjen e një grupi pune për studimin dhe përcaktimin e nivelit minimal të standartit të jetesës në Shqipëri.

Në përgjigje të qëndrimit të mbajtur ndaj këtij rekomandimi, jemi vënë në  dijeni, se nga Kryeministria ju është dërguar shkresa nr. 2386 datë 16.06.2014, ku është kërkuar… ‘’Organizimi i punës për ngritjen e një grupi pune, me drejtues dhe ekspertë, të cilët pasi të kenë studiuar gjendjen në vend, të japin rekomandime konkrete për mënyrën dhe procedurat që duhet të ndiqen për të përcaktuar nivelin minimal të standartit të jetesës në Shqipëri. Rekomandimet e grupit të punës do t’i përcillen Ministrit të Mirëqënies Sociale dhe Rinisë, i cili në ushtrim të funksioneve të tij, të ndërmarrë hapat konkretë për inicimin e akteve përkatëse për përcaktimin e minimumit jetik në Shqipëri”.

Pas marrjes së kësaj përgjigjeje, iu drejtuam Ministrisë së Mirëqënies Sociale dhe Rinisë nëse është ngritur grupi i punës për studimin dhe përcaktimin e nivelit minimal të standartit të jetesës në Shqipëri. Me shkresën nr. 474/2 datë 09.03.2015, jemi informuar si më poshtë:

“MMRS dhe strukturat e saj, duke qenë në kontakt të vazhdueshëm me partnerët socialë, është informuar në vazhdimësi me kërkesën e tyre për të studiuar dhe përcaktuar nivelin e minimumit jetik në Shqipëri, si një tregues përcaktues të nivelit ekonomik e shoqëror të popullsisë shqiptare. Aktualisht, janë marrë në shqyrtim dhe po vlerësohen kërkesat dhe propozimet e sindikatave dhe grupeve të ndryshme të interesit, duke i ballafaquar me përvojat dhe studimet bashkëkohore që ndiqen në përgjithësi për këto procese studimore. MMSR shpreh interesin dhe gatishmërinë për fillimin e procesit të studimit dhe shpalljes së nivelit minimal të standartit të jetesës në Shqipëri.”

Sa më lart, kërkojmë të na dërgoni një informacion lidhur me vijimësinë e ndjekjes së këtij proçesi dhe hapat e ndërrmarrë nga ana juaj.

Këtë kërkesë e bazojmë në nenin 63/4, të Kushtetutës së Republikës së Shqipërisë, që përcakton se: “Organet dhe funksionarët  publikë janë  të detyruar t’i paraqesin Avokatit të Popullit të gjitha dokumentat dhe informacionet e kërkuara prej tij”, si dhe në nenin 19/b të Ligjit Nr.8454 datë 04.02.1999 “Për Avokatin e Popullit”, i ndryshuar, që përcakton se: “Avokati i Popullit kë të drejtë të kërkojë shpjegime nga çdo organ i administratës qëndrore dhe vendore, si dhe të marrë çdo dosje apo material që ka lidhje me hetimin”.

Bashkia e Tiranës nis punën për pastrimin e varrezave

13:06 Sociale

“Arratisje nga liria”, historia e rrallë e politikanit Ndre Legisi që u bë fermer

10:30 Sociale

Bashkia e Tiranës shpërndan pako ushqimore për familjet në nevojë në ditën e Kurban Bajramit

17:43 Sociale

Tragjedia në Mekë, asnjë prej 400 shqiptarëve të pranishëm s'është lënduar

15:31 Sociale

Klosi uron në emër të qeverisë Kurban Bajramin: Shqipëria, vendi i harmonisë së përjetshme

14:36 Sociale

Basha politikë me Kurban Bajramin, Rama uron me një kartolinë

11:12 Sociale

Incident me Myftiun e Shkodrës, nuk pranon të presë deputetët socialistë

11:02 Sociale

Pllakata për Sulltan Sulejmanin në Kalanë e Lezhës shkakton tërbim

10:52 Sociale

Myslimanë kremtojnë Kurban Bajramin

09:02 Sociale

Ish-truproja i Berishës, inspektor i mishit të derrit në Agjencinë e Konsumatorit  

18:36 Sociale