Juliusz Janusz, delegat apostolik për Republikën e Kosovës i Vatikanit, i gëzoi besimtarët katolikë të Prizrenit me pjesëmarrjen e tij në meshën e madhe të së dielës.

Përveç mesazheve të paqes që përcolli në këtë ritual fetar, ai nuk la pa përmendur edhe sfidat nëpër të cilat po kalon vendi ynë. Migrimi i të rinjve ishte fjala kryesore e tij në këtë meshë në Katedralen “Zonja Ndihmëtare” në Prizren, raporton Zeri.

Në fjalën e tij drejtuar të rinjve, ai apeloi që të rinjtë kosovarë të qëndrojnë në Kosovë.

“E ruaj gjithnjë një kujtim nga fëmijëria ime që i përket historisë suaj. Filmin e parë në jetën time që e kam parë ka qenë filmi mbi Gjergj Kastriotin-Skënderbeun, heroin tuaj të madh kombëtar. Shoh sikur të ishin sot trimëritë e këtij njeriu, vendosmërinë për të mbrojtur tokën e tij, ndjeshmërinë për drejtësi dhe fisnikërinë ndaj të tjerëve. Ai nuk zhgënjehej përballë vështirësive. E jeton ëndrrën e lirisë. E di gjithashtu situatën e sotme, që nuk ju lehtëson në realizimin e ëndrrave të tuaja. Shumë të rinj i braktisin këto toka në kërkim të një bote më të mirë. Natyrisht çdonjëri prej jush ka të drejtë të vendosë mbi jetën e vet e të kërkojë jetë më të mirë, por nga ana tjetër kush do të duhej që ta ndërtonte realitetin tuaj të ri në Kosovë, kush është shpresa e kësaj shoqërie??? Sigurisht jeni ju e ju duhet të gjeni motive për të kontribuar në ndërtimin e një shoqërie të drejtë e paqedashëse. Shpresa jonë dhe gëzimi ynë s’është vetëm të kërkuarit e një sistemi material”, tha Juliusz Janusz, delegat apostolik për Republikën e Kosovës i Vatikanit, raporton televizioni publik.

Në anën tjetër, delegati apostolik i Vatikanit për Republikën e Kosovës, Juliusz Janusz, ka shprehur përkrahjen e gjithanshme të Vatikanit për qytetarët dhe institucionet e Kosovës.

“Sa i përket liberalizimit të vizave, gjërat po shkojnë në drejtimin e duhur, ndërsa Vatikani njohjen e Kosovës po e bën hap pas hapi”, tha ai.

Ai ka vlerësuar progresin e arritur në Kosovë dhe ka shprehur përkrahjen e Vatikanit për zhvillimin e mëtutjeshëm të proceseve demokratike në Kosovë.

“Kishat në Kosovë nuk duhet të ndihen të vetme”, tha ndër të tjera Janusz.

Ai përcolli edhe lutjen e Atit të shenjtë të Papa Françeskut, në emrin e të cilit ndau bekimin apostolik. “Zoti e bekoftë Kosovën”, tha në fund Juliusz Janusz.

5 komente në “Vatikani gradualisht po e njeh Kosovën”

Toni KS says:

27 Shtator, 2015 21:22 te 9:22 pm

Shume mire qe njifke Skenderbeun. Kryqezata antiosmane qe i premtuat Skenderbeut nuk u materializua asnjehere. Pas golgotes qe pesoi populli shqiptar, e pakta qe mund te kishit bere ishte te njihnit pavaresine e Kosoves sapo u shpall. Pse i lejoni terren qenefave turkoarab dhe skizmatikeve grekoserb?

Përgjigjjuni
1. ilir says:
  
  27 Shtator, 2015 22:48 te 10:48 pm
  
  Duhet te beni me shume qe populli te rikthehet he Krishterim
  
  Përgjigjjuni
petrit says:

27 Shtator, 2015 23:47 te 11:47 pm

Skenderbeu shpetoj popuj evropian qe sot nuk kan Ndergjegje por Tallen me fytyren e tij.

Përgjigjjuni
TOMAt says:

28 Shtator, 2015 02:08 te 2:08 am

SIKUR na te ime besnikte te amanetit te gjyshave ton per ruetjen e orgjis te kombit dhe te fes te gjyshave ton ilir, dhe ta mbroshim strategjin e heroit ton te GJERGJ KASTRIOT{SKENDERBEGUT}shqiptart kin me kjen afer 7 miljon neni shtet te bashkuar natyral, NA VLLAZEM JEMI MA TE KEQI SE DREQI,DREQI ASHTE DREQE POR VEPRON PER VEHTE,KORSE NA VEPROJM PERTA NGRIT TE HUEIN NE TRUEDHIN TON AUTOKTON

Përgjigjjuni
nji kafe me pak te lutem says:

28 Shtator, 2015 08:10 te 8:10 am

MOS i beni qefin para kohe vatikanit, nuk e ka njohur akoma, njesoj si greqia rumania dhe serbia turp per vatikanin se SHQIPTARET dikur kan qen mbrojtes te tij, mos i lepini bythen kot nje istitucioni te supervonuar ne kte proçes.

Përgjigjjuni