INTERVISTA/ Rama në Fox News, komenton bombardimet në Siri: Rusia dhe Irani të rëndësishëm kundër ISIS

Kryeministri Edi Rama ka qenë i ftuar në kanalin amerikan Fox  News ku është pyetur për krizën siriane ku ka  shprehur  mbeshtetjen e tij rreth qëndrimin Amerikan rreth kësaj krize. Rama tha se qëndrimi i SHBA dhe i Presidentit Obama i shërben një të mire mbarëbotërore.

Ndërsa i pyetur rreth regjimit të Asadit, Rama tha se atij nuk mund t’i  besoj më aksush. Rama e konsideroi si një problem të  Presidentit Putin mbështetjen për Asadin, por theksoi se kriza siriane mund të kapërcehet me një përpjekje të përbashkët botëror, ku Rusia së bashku me Iranin janë mjaft të rëndësishme.

Intervista

-Kryeministri i Shqipërisë na ka nderuar me praninë e tij. Mirëserdhët zoti Kryeministër.

Faleminderit.

Çfarë situate!

Po, nuk është e lehtë dhe do duhet kohë, por besoj fort se Presidenti Obama kishte të drejtë kur tha se përveçse zgjidhjeve ushtarake kemi nevojë edhe për përpjekje të përbashkëta, duke përfshirë gjithashtu Rusinë dhe Iranin.

Rusia është duke goditur ato që ajo thotë se janë pozicionet e ISIS. E besoni këtë?

Kjo është diçka që duhet qartësuar, por besoj se këto lloj përplasjesh në situata të tilla nuk është se përbejnë surprizë, përsa kohë nuk ka një veprim të koordinuar.

Ju e dini se Presidenti u takua me Vladimir Putinin vetëm disa ditë përpara. Mendoni se Vladimir Putin kishte ndërmend të bënte diçka të tillë atëherë?

Nuk mund të them se çfarë i tha Putini Presidentit, por besoj fort që Presidenti ka të drejtë kur thotë se duhet një veprim i koordinuar, sepse duket që pasojat janë shumë të rënda. Flukset e refugjatëve kanë shumë për të thënë rreth faktit se një radikalizim i mëtejshëm mund të godasë kudo dhe këdo.

Albright tha se në një farë mënyre, ne u kapëm në befasi dhe se duhet të kishim vepruar dhe të kishim marrë pozicionet tona, duhet të ishim bashkuar më herët. Dhe tani kemi këtë situatë.

Ndoshta ka të drejtë, por ajo që u bë, u bë. Tani duhet të veprohet menjëherë dhe të koordinohen përpjekjet.

Nuk ju duket e çuditshme që është e mundur, nëse nuk ka ndodhur ende, që avionët ushtarakë amerikanë dhe ata rusë që operojnë sipër të njëjtës zonë godasin grupe të ndryshme. SHBA-të thonë se grupet që rusët po godasin nuk janë të ISIS-it, se nuk janë duke goditur ISIS-in, ata janë grupe rebelësh që ne i mirëkuptojmë dhe që duam të përmbysin TARP-in (Regjimi i Bashar Al-Assadit).

Kjo nuk mund të jetë diçka e mirë, por në të njëjtën kohë nuk është mirë as që të thellohemi në spekulime dhe parashikime që mund të mos jenë të drejta.

I besoni Assad-it?

Askush që ka një farë arsyeje nuk i beson Assad-it.

Por Putin e beson. Thotë që ai është një udhëheqës i ligjshëm.

Ky është problemi me Vladimir Putinin dhe Rusinë e Putinit. Por unë përsëri besoj fort se dhe kjo mund të kalohet duke bashkuar forcat. Presidenti Obama kishte të drejtë kur tha se Rusia dhe Irani mund të luajnë një rol shumë të rëndësishëm në lidhje me këtë.

Shumë kritikë të Shteteve të Bashkuara, përfshirë shumë dhe prej republikanëve që kandidojnë për të marrë postin e tij, kanë thënë se ai e ka menaxhuar tmerrësisht keq këtë situatë.

Po, sepse duan të marrin postin e tij, por unë mendoj se ai është duke bërë gjënë e duhur për të mbrojtur brezat e ardhshëm.

Por ato gjëra që thuhen nuk ju shqetësojnë?

Jo, unë kam shumë besim se bisedimet dhe marrëveshja me Iranin kanë qenë gjeja e duhur për SHBA-të dhe për boten.

Në Siri, para disa vitesh, ai vizatoi një vizë në rërë. Mendoni se është penduar për atë koment sot?

Duhet të pyesni atë.

-Po unë po ju pyes juve?

Nuk mund të komentoj rreth kësaj, por besoj fort se, përveç përpjekjeve ushtarake dhe gjithë betejave në fushë, të gjithë ne kemi një betejë paralele shumë të rëndësishme për të fituar, që është të fitojmë mendjet dhe zemrat e brezave të rinj në të gjithë botën. Dhe në lidhje me këtë, unë besoj se Barack Obama është një pikë shumë e rëndësishme referimi.

-Shumë faleminderit, zoti Kryeministër

Pas nisjes së bombardimeve ruse mediat shkruajnë se avionët  nuk po godasin bazat e Isis, por rebelët që luftojnë kundër Bashar Al Assadit.  Madje nga sulmet thuhet se avionët rus kanë qëlluar mbi njësitë që ishin të trajnuara nga CIA.

Shkëlzen Berisha: S’kam qenë as në Pragë dhe as në ndonjë motel në Librazhd

19:13 Politika

Afera me CEZ, Kuvendi rrëzon kërkesën e PD-së për hetim me procedurë të përshpejtuar

18:24 Politika

Shtatori i arrestimeve të “bujshme” të Adriatik Llallës

18:07 Politika

Reagon Myqyrem Tafaj: S’pranoj vendime për “prerje kokash” për hir të luftës qeveri-opozitë

17:26 Politika

“Shkëlzen Berisha ka qenë në hotel Mandarin në Pragë, me Kastriot Ismailaj dhe me Rebekën”

16:30 Politika

Afera CEZ/ Ja shumat që kompanitë e tjera rropën në vetëm pak muaj (FAKSIMILE)

15:19 Politika

Skena e Luftës së Tretë Botërore? Siria i fut të gjithë në luftë me njëri-tjetrin

15:11 Politika

Biznesmeni austriak, 575 mijë euro ryshfet një zyrtari shqiptar. Kush është ai?

13:35 Politika

Gramoz Ruçi: Duhet të skuqemi nga turpi që kërkojmë hetim nga të huajt, kur gjyqtarët e prokurorët i kemi zgjedhur vetë

13:31 Politika

Berisha: Pas aferës së CEZ qendron Stefan Fyle dhe Rama

12:47 Politika