PD: Ilir Beqja, kampion i korrupsionit; 28 tendera në 22 muaj

Përmes një daljeje përpara mediave, deputetja e Partisë Demokratike, Jorida Tabaku ka denoncuar këtë të mërkurë skandalin e tenderave të korrupsionit në Shëndetësi, siç i cilësoi ajo, të dhëna nga ministri i këtij dikasteri, Ilir Beqja, gjatë këtyre dy viteve qeverisjeje.

Tabaku ka publikuar fakte të një kompanie me emrin “Intech+”, e cila sipas saj ka qenë pronë e vetë ministrit deri më 9 shtator të vitit 2013, e cila ka përfituar plot 28 tendera gjatë këtyre 22 muajve të qeverisjes Rama-Meta, për të cilën nga arka e shtetit kanë dalë 35 miliardë lekë, ndërkohë që shumë biznese të tjera po mbyllen nga taksat e larta dhe arbitrariteti i qeverisë së majtë.

Një kompani modeste, e cilëson Tabaku, e cila deri përpara vitit 2013 deklaronte shitje në vlerën e 63 milionë lekëve dhe fitim neto në vlerën e 8.9 milionë lekëve, dy vite pasi themeluesi i saj Beqja mori postin e ministrit të Shëndetësisë i ka rritur të ardhurat e saj: respektivisht ka kapur shifrat e 160 milionë lekëve shitjesh dhe fitim neto prej 42 milionë lekëve.

E gjitha kjo ka ndodhur gjatë një kohe kur qytetarë të shumtë përplasen dyerve të spitaleve, ku shëndetësia ka shkuar në ditën e saj më të keqe dhe ku paguhet shumë shtrenjtë për gjithçka, është shprehur deputetja demokrate, e cila ka shtuar edhe faktin që sistemi i është dhënë klientelës me koncesione me fitues të paracaktuar.

“Qëkurse ministri i Shëndetësisë, z. Beqja ka hyrë në zyrë, kompania e tij ka rritur fitimin me gati 100 milionë lekë të reja, ose 2.5 herë më shumë, dhe ka sjellë një 5-fishim të fitimit neto të deklaruar”, ka thënë Tabaku, duke publikuar edhe pasqyrat e të ardhurave dhe shpenzimeve të deklaruara nga kjo kompani, që tregojnë këto shifra marramendëse.

Gjithçka ka ndodhur këto dy vite qeverisje, thotë Tabaku, është zhgënjimi i qytetarëve shqiptarë nga premtimi i pambajtur për një shëndetësi falas nga qeveria aktuale, ndërkohë që i lumtur nga kjo situatë – sipas saj, – është vetëm Beqja i Edi Ramës, pasi kompania e tij po merr parà pa fund nga shteti, nga institucionet dhe nga çdo zyrë publike.

“Në 22 muaj, janë plot 28 tendera që kjo kompani ka fituar, e shumë prej tyre janë me prokurim të drejtpërdrejtë, pa zhvilluar as një proces tenderi, pa garë, por me urdhër, me porosi për kompaninë Intech+. A mundet që një kompani modeste të fitojë kaq shumë parà, nëse ish-aksioneri i saj kryesor nuk do ishte bërë ministër i Shëndetësisë? A mundet që një kompani me një numër modest punonjësish, të fitojë minimalisht për vitin 2015 dy tendera, me shuma mbi 100 mln lekë? Përkatësisht 181 mln lekë (siç është rasti i AKSHI) apo edhe 149 mln lekë (siç është rasti i OSHEE), Ministria e Financave, Insituti i Sigurimeve Shoqërore, ZRPP, etj”, është shprehur Tabaku./ TCH

Nishani kundërshton ashpër reformën në drejtësi: Ukraina s’mund të jetë pikë referimi!

13:45 Politika

"LSI s’ka kriminelë në lista, do ndihmojmë të tjerët të dekriminalizohen"

12:22 Politika

Berisha bën analizën e vizitës së Ramës në Nju Jork: Shkoi për një foto me Obamën, diaspora shqiptare e refuzoi

12:19 Politika

INTERVISTA/ Genc Ruli: Ç`po ndodh në PD, problemet me “gjakun e ri” dhe Basha përballë Berishës

12:05 Politika

Dash Shehi shuplakë Berishës: Shkatërroi PD-në. Basha të bëjë politikë, jo protesta me sheshet bosh

11:26 Politika

Baton Haxhiu: Pse nuk flisni dhe për mua e Fevziun që ngritëm flamurin në Beograd? Edhe ne jemi heronj

10:31 Politika

Komunistët ftojnë Ramën dhe Metën për ditëlindjen e Enver Hoxhës

09:15 Politika

FOTOT/ Universiteti i Shkodrës, pedagogu kërkon 500 euro për dy provime

21:41 Politika

VIDEO/ I riu serb, pas kthimit nga Shqipëria: Kur të pret shqiptari, ai është i gatshëm të japë dorën për ty

21:16 Politika

“Nishani e ftoi në ballo Fullanin një ditë pasi doli nga biruca, si mund ta dënonte gjykata atë?”

18:59 Politika