DEBATET/ Gramoz Ruçi- Ristanit: Qeni i rrahur që kulish nuk bëhet qen stani. Të kanë rrahur si kulish

Kuvendi është përfshirë nga debatet për çështjen e mandatit të Mark Frrokut.

Kreu i Grupit parlamentar të PD-së, Edi Paloka, Sekretari i Përgjithshëm i PD-së, Arben Ristani dhe ish-kryetarja e Kuvendit, Jozefina Topalli, kërkuan që Kuvendi të miratonte një projektvendim për heqjen e mandatit të deputetit Frroku dhe më pas palët mund t’i drejtoheshin kushtetueses për interpretim.

Ndërsa kreu i Grupit socialist, Gramoz Ruçi dhe kryetari i Kuvendit Ilir Meta, theksuan se rasti në fjalë nuk kishte precedentë më parë dhe çështja duhet të shkonte në Gjykatën Kushtetuese për interpretim.

Për këtë arsye, Kuvendi ka miratuar me votat e mazhorancës, që çështja e mandatit të Frrokut të shqyrtohet nga Gjykata Kushtetuese

Para votimit, kreu i grupit parlamentar të PS-së, Gramoz Ruçi, është përfshirë në debate të ashpra me Arben Ristanin, që dy ditë më parë votoi pro që mandati i Frrokut të shqyrtohej nga ana e Gjykatës Kushtetuese.

“Më fal zoti Ristani, por andej nga jeni ju dhe unë, ka një shprehje që: “Qeni i rrahur që kulish nuk bëhet qen stani. Të kanë rrahur si kulish”, iu drejtuar Ruçi deputetit demokrat.

Ndërsa Ristani replikoi duke thënë se: “Kam punuar me zotëri njerëz. Nuk kam punuar në botën e qenve. Kam mësuar se jo çdo qeni duhet t’i biesh me gurë”.

Pjesë nga debatet në Kuvend për mandatin e Frrokut:

Topalli: Ne jemi prej vitesh në Parlamentin e Shqipërisë dhe s’kemi dokument më të rëndësishëm se Kushtua. Sot vendimi i Këshillit të Rregullores nuk mund të hidhet në votim për faktin se është i pavotueshëm. Sot hidhet në votim heqja e mandatit. Nuk ka ndodhur që Kuvendi i Shqipërisë t’i ikë vendimit të Këshillit të Rregullores. Për të gjithë ata që përpiqen të fshihen pas interpretimit kushtetues.

Kujtoni në 2009 kur Rama nuk lejonte deputetët të vinin në Kuvend të bënin betimin. Përpara se të skadonte afati i kam dërgu një letër çdo deputeti për nenin kushtetues që nëse do të kapërcehej, mandati do të hiqej dhe nuk kishte asnjë justifikim. Ndaj, kush do që dëshiron të jetë në një linjë me avokatin e Mark Frrokut, të firmosim dhe të mbledhim 27 firma deputetësh dhe t’i çojmë në Gjykatë Kushtetuese, por Kuvendi i Shqipërisë tani mund të marrë vetëm një vendim, heqjen e mandatin. Ne duam të votojmë heqjen e mandatit.

Ndoshta do të duhej një 2 minutësh pushim për përgatitjen e projektvendimit për heqjen e mandatit të Mark Frrokut.

Ruçi: Vaj medet me këtë opozitë. Vaj medet se dëgjova përfaqësuesin e opozitës që është në Komisionin e Mandateve. Dëgjova edhe parafolësen që është kundër. Po kë të besoj, përfaqësuesin legjitim në Komisionin e mandateve, që janë të gjithë legjitim të cilët me emër janë shprehur, zoti Ristani, citoj: Mua më duket shumë e arsyeshme dhe jam dakord që t’i drejtohemi Gjykatës Kushtetuese. Ky është një precedent, t’i drejtohemi Gjykatës Kushtetuese.

Më fal zoti Ristani, por andej nga jeni ju dhe unë, ka një shprehje që: “Qeni i rrahur që kulish nuk bëhet qen stani. Të kanë rrahur si kulish”.

Paloka: Ne jemi për mbarimin e mandatit të Mark Frrokut. Këmbëngulja jonë është që të votohet kërkesa e Grupit parlamentar të Partisë Demokratike, për mbarimin e mandatit. Ajo që keni ju për votim nuk ka të bëjë fare me Gjykatën Kushtetuese. Prandaj, kërkojmë pesë minuta pushim për projektvendimin tjetër.

Ristani: E thash këtë dhe i qëndroj asaj, por debati ishte midis nesh. Qëndrimi i konsoliduar që u shpreh në këtë seancë është kjo që u shpreh. Unë kam punuar me zotëri njerëz. Nuk kam punuar në botën e qenve. Kam mësuar se jo çdo qeni duhet t’i biesh me gurë.

Topalli: Nuk hidhet në votim një raport që nuk thotë asgjë. Ka një kërkesë me shkrim, ajo përkthehet në një projektvendim. Ju mbroni avokatin e zotit Mark Frroku, por ne kemi vendimin tonë.

Meta: E respektoj mendimin dhe qëndrimin tuaj politik, por dua të sqaroj që iniciativa për mbledhjen e Këshillit të Rregullores është marrë nga ana ime si kryera i Kuvendit dhe më pas, ka ardhur edhe kërkesa nga deputeti i PD-së, zoti Ristani. Rasti ka qenë shumë i qartë, që jemi para një rasti të paprecedentë në Kuvendin e Shqipërisë, që një deputet mungon prej gjashtë muajsh… Këtu s’kemi të bëjmë me rastin e deputetit në fjalë, por me zgjidhjen kushtetuese të këtij rasti që mund të vlejë si precedent. Këtu kemi të bëjmë me një vendim procedurial.

Ditmir Bushati: Pirro Vengu? Idiotët e fqinjëve vazhdojnë që të gjallojnë

18:57 Politika

Qeveria, tender për makina luksi. 29 "Jaguar" të rinj për "personalitetet"

17:35 Politika

Meta takon Fleckenstein dhe Vlahutin: Procesi i dekriminalizimit duhet të përfundojë sa më shpejt!

16:38 Politika

Deputetët dhe ministrat e LSI-së mungojnë në Kuvend kur flet Rama, PD flet për prishje të koalicionit

16:45 Politika

“Profesori” i përgjigjet Ramës po me vjershë në Kuvend

16:04 Politika

Berishës nuk i del inati me Uidhersin, demokratët bojkotojnë nderimin e tij

15:26 Politika

BATUTAT/ Rama-Palokës: Ti flet këtu për një tas supë o lumadh, ik vër ndonjë X2

14:56 Politika

Krisje mes Assad dhe Putin: Ai është një vegël në duart e presidentit rus

13:58 Politika

Rama iu reciton vjershë deputetëve demokratë në Kuvend dhe replikon me Topallin: Kujdes se mos e ha mikrofonin

13:46 Politika

Astrit Patozi: Qeveria ka vdekur

13:19 Politika