Te fundit
Meta takon Fleckenstein dhe Vlahutin: Procesi i dekriminalizimit duhet të përfundojë sa më shpejt!
22 Tetor 2015, 16:38Politika
TEMA
Kryetari i Kuvendit Ilir Meta priti sot Raportuesin për Shqipërinë pranë Parlamentit Evropian Knut Fleckenstein i cili shoqërohej prej Ambasadores së Bashkimit Evropian në Shqipëri, Romana Vlahutin.
Kryetari i Kuvendit Ilir Meta shprehu mirënjohjen e tij për mbështetjen e Parlamentit Evropian dhe në veçanti të Fleckenstein për avancimin e axhendës së reformave kyçe të Shqipërisë.
Në këtë kuadër Meta theksoi se duhet përfunduar sa më shpejt procesi i dekriminalizimit për t’i hapur rrugë fokusimit të plotë në reformën e sistemit të drejtësisë, procesi i cili kërkon gjithëpërfshirje dhe qëndrueshmëri. Në të dy proceset, u shpreh Meta, ne vlerësojmë kontributin dhe opinionet e Komisionit të Venecias.
Raportuesi për Shqipërinë pranë Parlamentit Evropian z. Knut Fleckenstein u shpreh se Parlamenti Evropian e vlerëson progresin e Shqipërisë dhe mbetet në pritje të Progres Raportit të Komisionit Evropian i cili pritet të ofrojë vlerësime pozitive dhe rekomandime të mëtejshme për avancimin e Shqipërisë në procesin e integrimit evropian, ku thelbësore do të jetë reforma në drejtësi, pa të cilën nuk mund të ketë progres të vendit.
Në përfundim, Meta nënvizoi se Kuvendi i Shqipërisë do vazhdojë të bashkëpunojë ngushtë me Parlamentin Evropian në mbështetje të dialogut konstruktiv politik në vend dhe në nxitje të reformave kyçe që nevojiten për forcimin e shtetit ligjor dhe për mirëqeverisjen ekonomike.
2 komente në “Meta takon Fleckenstein dhe Vlahutin: Procesi i dekriminalizimit duhet të përfundojë sa më shpejt!”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Kaq budallenj te jene keta europianet ?
Ne çkuptim “duhet te perfundoje”? Pse kur ka nisur?