FOTOT/ Ambulanca e Beratit përdoret edhe si qendër estetike për... depilime

Në qendrën shëndetësore numër 2, që ndodhet në lagjen numër 12 në qytetin e Beratit, përveç shërbimeve mjekësore ofrohen edhe shërbime estetike, si depilimi. Një parukere, njëkohësisht estetiste që punon në qendër të qytetit të Beratit, në parukerinë “Solda” shërbimet e estetikes i ofron edhe në ambientet e qendrës shëndetësore që ndodhet në qendër të qytetit.

Gazetarja e “Fiksit” shkon te parukeria “Solda”, e cila është e pozicionuar përballë me ambulancën në qendër të Beratit dhe i kërkon të depilohet. Gjatë bisedës, gazetarja konstaton se parukeria nuk ka ambient për shërbime të estetikës, por ajo shprehet se nuk është problem se shkojnë në ambulancë dhe i lë një orar gazetares.

Gazetarja e “Fiks Fare” rikthehet te parukeri “Solda” pas disa orësh. Në parukeri gjen sanitaren e ambulancës që me sa duket bashkëpunon me parukeren për ta futur në një nga dhomat e ambulancës. Parukerja merr mjetet e depilimit dhe bashkë me gazetaren shkon në qendrën shëndetësore. Sanitarja i shoqëron në një nga dhomat e qendrës shëndetësore. Gjatë procesit të depilimit parukerja flet me zë të ulët. Tregon se ndodhen në një qendër shëndetësore ku punojnë katër mjekë dhe se për këtë aktivitet që ajo zhvillon në këto ambiente ka dijeni vetëm infermierja që ka çelësat e dhomës ku ajo bën depilimet, për këtë arsye i kërkon të mos bëjnë zhurmë. Pra i kërkon të flasin me zë të ulët, pasi doktoresha nuk është në dijeni për këtë fakt. Fillon procesi i depilimit, gazetarja paguan 1 000 lekë të reja  dhe del nga ambulanca me pastruesen që në bisedë e sipër shprehet se e ndihmon infermierja e dhomës.

Fiksi –Përshëndetje, si kalove? Mirë?

Parukerja –Mirë, si dukesh?

Fiksi –Parukeri “Solda”?

Parukerja –Unë jam.

Fiksi –Kur mund të lë një orar për depilim?

Parukerja –Çfarë do bësh?

Fiksi –Këmbët.

Parukerja –Kur i do?

Fiksi –Po për sot.

Fiksi –Po ke ambient?

Parukerja –S’ka problem se shkojmë në ambulancë.

Fiksi –Më thuaj dhe sa bën që ta di.

Parukjerja -10 mijë lekë i heq komplet.

Fiksi –Lëvizim ne? Të lëviz me zonjën (pastruesja e ambulancës)?

Parukerja –Po, po erdha.

Pastruesja e ambulancës- Dilni një çik përjashta, do mjekohet kjo çupa.

Fiksi -Po çfarë është kjo, qendër shëndetësore?

Pastruesja e ambulancës -Po.

Fiksi –Po ju lënë?

Pastruesja e ambulancës -Na lënë.

Fiksi –Epo mirë.

Fiksi –A t’i heq këto streçet unë?

Pastruesja e ambulancës – Hiqi pa frikë fare.

Fiksi –Po juve jeni infermiere?

Pastruesja e ambulancës -Jo me, sanitare jam këtu. Shtrihu tani aty ti.

Fiksi –Po këtu çfarë shërbimesh ofrohen te kjo qendra?

Pastruesja e ambulancës -Këtu bëjnë gjilpëra, vizita.

Fiksi –Është ambulancë?

Pastruesja e ambulancës -E ambulancë, viziton doktoresha. Janë 4 doktorë, 2 paradite, 2 pasdite. Katër dhoma, katër banja.

Fiksi –Mos na vjen ndonjë këtu. E dinë që…?

Pastruesja e ambulancës – Po kush e lë që të vijë ajo.

Pastruesja e ambulancës- Soldi po të kyç këtu brenda, për sa minuta do që të vij?

Parukerja –Mbaje me muhabet atë (doktoreshën). Na celularin tim.

Pastruesja e ambulancës -Jo merrmë në telefon ti mua. Merrmë ti mua në telefon.

Parukerja –Ik.

Parukerja Ktheje kokën këtej (këmbët te koka e krevatit).

Fiksi -Nga të duash ti. Po s’e dinë këto..?

Parukerja –Mohon. Vetëm shefja.

Fiksi –Si?

Parukerja –Vetëm shefja.

Fiksi –Si?

Parukerja – Ajo që ka dhomën këtu, infermierja.

Fiksi –Që punon këtu?

Parukerja –Po.

Fiksi –Sa të bëjnë ty? 10 më the?

Parukerja -10 vetëm këmbët, hë se i japim pastaj.

Fiksi –Mos ki merak.

Parukerja -Shtriji këmbët, shtriji këmbët.

Parukerja –Kthehu nga mbrapa.

Fiksi –I hoqe këto ë?

Parukerja –Po.

Fiksi –Rrofsh, i qave, jo i hoqe. Shumë, shumë mirë.

Parukerja –Shikoi njëherë.

Fiksi –Shumë, shumë mirë, të lumçin duart.

Fiksi –Po tani s’duhet të ketë shumë njerëz këtu.

Parukerja – Ne jemi fshehurazi doktoreshës.

Fiksi– Aaaa

Parukerja –Është institucion shtetëror, jo se është privat. Është ambulancë.

Fiksi –Po kjo gruaja punon këtu?

Parukerja –Po.

Merr në telefon pastruesen që të hapë derën.

Parukerja –Hajde, po. Po, po, po hajde.

Pastruesja e ambulancës -I bëre?

Fiksi –Po.

Fiksi –Vetëm doktoresha se di, apo dhe këto që hyjnë këtu?

Parukerja– Vetëm doktoresha.

Pastruesja – Na Xhuli çelësin. Nesër në mëngjes ma lër te zyra jote

Ajo që u depilove ti është e asaj biondes, asaj infermieres

Fiksi – Ajo e di që ti …

Pastruesja – Po, normale e kam shoqe unë. Është dhoma e saj personale. E pe si të kyça brenda, se i kam çelësat unë, se unë jam pastruesja e i kam të gjitha çelësat e të tëra dhomave.

Këshilli Bashkiak i Tiranës miraton dhënien e ndihmës ekonomike dhe pagesat për personat me aftësi të kufizuar

19:20 Sociale

100-vjeçarja e braktisur, 2 muaj në errësirë dhe pa bukën e gojës!

16:06 Sociale

LSI dorëzon në Kuvend projektligjin për vullnetarizimin: U dedikohet gjithë vullnetarëve

15:32 Sociale

Klosi: Vetëm 20% e të papunëve të regjistruar shkojnë në tregun e punës

15:23 Sociale

Ekspertët: Të deklarohet minimumi jetik! AP: Përcaktohen nivelet e përfitimeve në skemat e mbrojtjes shoqërore

15:16 Sociale

FOTO REPORTAZH/ Stina e vjeshtës i ndërron ngjyrën peizazhit të Tiranës

13:26 Sociale

Ligji i ri emigracionit, më shumë lehtësi për shqiptarët në Greqi

12:58 Sociale

FOTOT/ Masakra urbane, si pushtoi betoni qytetet kryesore këto 15 vite

11:19 Sociale

Eni Çobani flet për sherrin në TV Klan: Ka arritur një pikë, që njerëzit nuk mbajnë më

10:04 Sociale

Agon Channel nuk ka paguar fituesit e lojrave dhe gazetarët, Sonila Meço: Tani do transmetojmë nga Maqedonia

09:23 Sociale