Te fundit
Jean Todt: Schumacher po lufton ende, por...
1 Nëntor 2015, 14:08Sport
TEMA
Presidenti i Federatës Ndërkombëtare të Automobilizmit (FIA), Jean Todt, ka qenë dje i pranishëm në Meksikë, aty ku sot në mbrëmje do të zhvillohet gara e radhës e Botërorit të Formula 1. Francezi ka bërë një nga daljet e pakta publike në pistat e garave të automobilizmit që kur ka marrë detyrën e re. Ai ka folur për pilotin gjerman Michael Schumacher, duke konfirmuar se ka bërë një vizitë në shtëpinë e tij gjatë kësaj jave.
“E takoj shumë shpesh Michael dhe ju them se ai ende po lufton”, tha Todt, që bashkë me Schumin fituan 5 tituj kampionë radhazi në Botërorin e Formula 1 në vitet 2000-2005. “Michael për mua është një shok u ngushtë, familja e tij është shumë e afërt për mua dhe unë jam gjithnjë shumë pranë tyre. Ne duhet të gjithë ta mbështesim dhe të luftojmë me të”, u shpreh me tej Jean Todt.
Schumi, fitues i 91 garave në Formula 1, një rekord, ka pësuar një aksident teksa garonte me ski në Alpet franceze. Ai u dëmtua rëndë në kokë dhe bëri dy operacione. Pasi qëndroi për gati 5 muaj në spital, ai u transferua në shtëpinë e tij në Zvicër ku dhe ndodhet nën kujdesin e një ekipi të madh mjekësh. Mediat raportojnë se ai ka humbur shumë në peshë dhe nuk dihet ende se kur di do të rikthehet në gjendjen e mëparshme./Telesport
1 komente në “Jean Todt: Schumacher po lufton ende, por…”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Por….,cfare???!!!