Te fundit
Tallja me komisionet hetimore/ Mungojnë demokratët, s’miratohet plani i punës
3 Nëntor 2015, 18:14Politika
TEMA
Edhe pse janë ata që e kanë propozuar ngritjen e një komisioni të tillë, demokratët duket se nuk e kanë marrë me seriozitet edhe këtë radhë.
Pak ditë më parë Kuvendi do të ringrinte Komisionin hetimor për tatimet që drejtohet nga Genc Pollo, pasi herën e parë I skadoi afati pa marrë asnjë vendim të rëndësishëm.
Edhe në mbledhjen e sotme, mungesa e deputetëve anëtarë demokratë, ka bërë që Komisioni Hetimor Parlamentar për emërimet në administratë të mos miratojë planin e hetimit.
Në komision në radhët e opozitës ka qenë vetëm deputeti Luçiano Boci, i cili debatoi me anëtarët e opozitës, mbi vullnetin për të hetuar mbi emerimet dhe shkarkimet ne administratën shtetërore .
Nënkryetari i Komisionit, deputeti socialist Musa Ulqini, hodhi poshtë pretendimet e demokratëve duke theksuar se është marrë informacion për 27 njësi administrative.
Gjithashtu Ulqini, kundërshtoi dhe kërkesën e demokratëve për verifikimin e emërimeve në administratën e pushtetit vendor, duke theksuar se kjo është e drejtë e Kuvendit për të ndryshuar objektin e hetimit.
Janë disa komisione parlamentare të cilat kanë dështuar edhe pse ngritja e tyre është bërë me shumë bujë. Madje, përpara votimit në parlament, është zhvilluar edhe një debat disa mujor politik.
Lini një Përgjigje
Më të lexuarat
24 oret e fundit
Javen e fundit
Blog Tema
