Sherri për 50 mijë lekë, Enton Nikaj vrau për hakmarrje në vitin 2006

Enton Nikaj i nisi problemet e tij me drejtësinë në shkurt të vitit 2006, kur nga sedilja e pasme e një automjeti “Golf 3” qëlloi për vdekje me armë zjarri personin që ndodhej ngjitur me të.

Viktima, Enton Nikaj Viktima ishte Erlin Shepllo, një i njohur i tij, me të cilin ishte konfliktuar për shitblerjen e një pistolete. Pas një kalvari vendimesh gjyqësore nga Shkalla e Parë dhe e Apelit Tiranë, më 3 qershor 2015 Gjykata e Lartë vendosi një dënim me 21 vjet heqje lirie për Nikajn.

Ai u shpall fajtor për “vrasje me paramendim”, për hakmarrje. Për shkak të gjykimit të shkurtuar, dënimi i tij përfundimtar shkoi në 14 vjet burg. Ky dënim për Nikajn ishte konsumuar ndërkohë, për shkak se vuajtja kishte nisur në ditën e ndalimit të tij, më 1 prill 2006.

Vrasja për të cilën u fajësua Nikaj ka ndodhur më 25 shkurt 2006 në zonën e Shish­Tufinës në Tiranë. Sipas gjykatës, viktima Erlin Shepllo kishte njohje të mëparshme me Enton Nikajn dhe dy të bashkëpandehurit e tij, E. Fikaj dhe K. Hoxhalliu. Disa kohë para ngjarjes, Shepllo u kishte blerë atyre një pistoletë me silenciator, kundrejt shumës 150 mijë lekë, por u ka dhënë vetëm 100 mijë lekë.

Gjatë kohës që nuk ishte bërë shlyerja, Nikaj ia ka marrëpistoletën Shepllos për pak kohë, por më pas nuk ka pranuar t’ia kthente më. Disa ditë më vonë, viktima ka shkuar poshtë shtëpisë së Nikajt, pranë automjetit të tij dhe i ka kërkuar të zbriste poshtë për t’u sqaruar.

Nikaj nuk ka zbritur, por pak minuta më vonë ka konstatuar një zjarr te automjeti i tij “BMW”. Sipas gjykatës, duke pretenduar se zjarrvënësi kishte qenë Shepllo, Nikaj ka vendosur të hakmerret. Ata kanë planifikuar të takojnë Erlin Shepllon, duke i premtuar se do t’i kthenin pistoletën. Pasi e kanë hipur në një mjet “Golf”, të katërt kanë udhëtuar në periferi të kryeqytetit, pranë ShishTufinës.

“I pandehuri Enton i ka thënë viktimës Erlin se ai i kishte djegur autoveturën dhe për këtë duhet të paguante lekët. Por viktima Erlin nuk ka pranuar të ishte ai autori i djegies së autoveturës së të pandehurit Enton Nikaj. Në këtë moment, i pandehuri Enton Nikaj ka nxjerrë nga brezi një pistoletë dhe ia drejtuar viktimës Erlin.

Ky i fundit, është ngritur gjysmë nga sedilja, në të cilën ishte ulur duke kundërshtuar me nxjerrjen e krahut para tij veprimet e të pandehurit Enton. Në këtë moment i pandehuri Enton, me pistoletën të cilën e kishte të mbushur, ka qëlluar një herë në drejtim të viktimës Erlin dhe pasi viktima ka rënë në sedilje, i pandehuri ka qëlluar edhe disa herë të tjera ndaj tij, duke i shkaktuar kështu vdekjen e menjëhershme”, rrëfehej dinamika e ngjarjes në vendimin e gjykatës.

Doli nga burgu në gusht 2015, s’kishte mbyllur ende gjyqin Enton Nikaj, 30­vjeçari i vrarë dje në Linzë, kishte vetëm tre muaj që kishte lënë qelitë e burgut. Edhe pse i lirë, ai ende nuk i kishte mbyllur llogaritë me drejtësinë, për shkak se dënimi i tij i fundit nuk kishte marrë formë të prerë.

Nikaj u lirua nga burgu më 14 gusht 2015, bazuar në një vendim të Gjykatës së Tiranës që vendosi shuarjen e masës së sigurisë “arrest në burg” ndaj tij. Ai gjendej në qeli për llogari të një dënimi fajësie me 2 vjet e 3 muaj burg për veprën penale të “shkatërrimit të pronës”, shpallur më 21 korrik 2015. Duke marrë në konsideratë nisjen e paraburgimit të Nikajt, më 13 shkurt 2014, dhe faktin se 1 ditë në paraburgim është e barabartë me 1.5 ditë dënim, gjykata vlerësoi se dënimi i tij ishte kryer.

Referuar vendimit që deklaroi të fajshëm Nikajn dhe G. Totën, ata ishin përfshirë në një episod kriminal të shënuar në korrik të vitit 2013. Sipas gjykatës, ata janë konfliktuar me shtetasin Albert Ç. për shkak të një parakalimi të gabuar në zonën e Saukut.

Disa orë pas incidentit, ata dyshohet se i kanë prerë rrugën të dëmtuarit, duke e kërcënuar me armë në duar. Nikaj i ka thyer xhamin e automjetit Albertit, ndërsa i bashkëpandehuri i tij Tota i ka qëlluar me armë, por pa e lënduar. Në të njëjtin vendim, G. Tota u fajësua për “vrasje me dashje” në tentativë dhe u dënua me 15 vjet burg. Dy të pandehurit i bënë ankim vendimit të Shkallës së Parë dhe dosja gjendet aktualisht në Gjykatën e Apelit Tiranë./Panorama

OSBE: Parlamenti ta refuzojë nismën e qeverisë për shpifjen

13:06 Politika

REAGIMI/ Qeveria tërheq ligjin për shpifjen

11:04 Politika

Ligji për shpifjen, reagon edhe Bujar Nishani: Është shqetësues, cënon lirinë e shprehjes

10:58 Politika

"Ka gazetarë, por ka edhe tregtarë që bëjnë gazetari për t’u pasuruar"

10:47 Politika

Fluksi i refugjatëve, Meta: Shqipëria, gati të luajë rolin e saj

10:41 Politika

PD sërish akuza djalit të Leskajt, këtë radhë për një tjetër tender

10:40 Politika

Testi i ADN-së zgjidh një prej enigmave më të mëdha të shekullit 20

10:01 Politika

LSI paralajmëron Ramën për ligjin kundër shpifjes, reagon kryeministri

09:49 Politika

DEBATI I PLOTË/ Topalli-Bashës: Duhet t’u japësh fund fjalëve

09:20 Politika

INTERVISTA/ Spartak Braho: : Ilir Meta, shahist i mirë. Pas një lëvizjeje, ka parashikuar edhe 40 të tjera!

09:11 Politika