Doda i shkruan AMA-s: Mediat të ndalojnë pamjet e terrorit

Deputetja Mesila Doda i ka dërguar një letër kryetarit të AMA-s dhe komisionit të medias ku i kërkon që të ndalohen mediat në transmetimin e pamjeve shqetësuese nga terrori që po ushtron ISIS.

Ja çfarë shkruan ajo:

Kërkesë

Kryetarit të Autoritetit të Medias Audiovizuale

Për dijeni: Komisionit të Medias në Kuvendin e Shqipërisë

I nderuar zoti Kryetar,

Prej disa ditësh duket se bota po kalon një kohë tjetër në histori. Megjithse ende kërkojmë të ngadalësojmë frikën për të ardhmen dhe ta mbajmë atë jashtë përditshmërisë sonë, tashmë kemi kuptuar se kemi një luftë të përbashkët për të jetuar ndaj një armiku, i cili nuk është përballë, por që në mënyrë tinzare mundohet të godasë normalitetin e popujve të lirë, mënyrën e tyre të jetesës dhe besimit, bashkëjetesën, lirinë, vëllazërinë, gjithë vlerat, mbi të cilat kemi ngritur jetën tonë e të familjeve tona.

E ndërgjegjësuar se ka një fushatë të pafre për të goditur këtë përditshmëri që mund të jetë edhe e vështirë, edhe e palumtur shumë herë, por i vetmi realitet që kemi e të cilin duhet ta ruajmë e mbrojmë me çdo kusht, po ju shkruaj këtë letër, në të cilën kërkoj zyrtarisht nga Ju dhe Autoriteti që drejtoni të shqyrtoni në mënyrë urgjente shqetësimin tim, për të mos lejuar në mediat e vendit transmetimin e pamjeve filmike të krimeve e torturave të organizatës terroriste ISIS. Emitenti televiziv Rainews ka nisur i pari me këtë vendimarrje, shembulli pozitiv i të cilit nuk mund të lihet dhe trajtohet si rast i izoluar.

Njerëz që ekzekutohen, prerje kokash, djegie të gjalla, fëmijë që kthehen në vrasës, genocide mbi foshnje, burra e gra, janë vetëm pak prej atyre skenave, me të cilat ushqehet propaganda e terrorit. Lajme që prodhojnë frikë, pasiguri, ankth e terror tek fëmijët, të rinjtë dhe familjet tona.

Pikërisht për këto arsye, por edhe për shkak se shumë herë kjo propagandë e çartur sjell pështjellim e vendimarrje të gabuara tek të rinjtë tanë, kërkoj nga ana juaj që të fusni si kërkesë të institucionit moslejimin e këtyre pamjeve dhe videove terrorizuese në mediat audiovizive.

I nderuar zoti kryetar, Në bazë të LIGJIT Nr. 97/2013 “PËR MEDIAT AUDIOVIZIVE NË REPUBLIKËN E SHQIPËRISË”, neni 4 pika b,c; neni 33 ç,d; institucioni që ju drejtoni ka të drejtën e detyrimin të ndërhyjë në transmetime të dëmshme mediatike në mbrojtje të parimeve themelore dhe të drejtave njerëzore, mbi të cilat ne dhe fëmijët tanë kemi bazuar mënyrën tonë të jetesës.

Duke ju falenderuar paraprakisht, shpresoj në një përgjigje të shpejtë dhe efikase nga ana e institucionit tuaj që më së paku do sillte një normë të re në jetën tonë të trazuar e do përbënte një shembull të mirë reagimi për të mundur mortajën e kohës sonë “Propagandën e Terrorit”.

Mesila Doda

Deputete

VIDEO/ Skena prekëse në Paris: Ja si reagojnë qytetarët ndaj myslimanit

13:43 Politika

VIDEO/ Shi predhash: Rusia dhe Franca bombardojnë egërsisht Shtetin Islamik

13:32 Politika

Perëndimi i çarmatosur: Ja shtetet ushtarakisht më të forta

12:42 Politika

DEBATET/ Aldo Bumçi sulmon ambasadorin gjerman: Po kthen në kufi shqiptarët

11:45 Politika

Sadije Berisha kujton Sokol Olldashin dhe tregon një ëndërr pas vdekjes së tij

11:12 Politika

Flet "kërcënuesi" i Saimir Tahirit: Më përdori koordinatori i PD

10:34 Politika

“Një pastruese futi në sherr shefat komunistë. Ramiz Alinë donin ta eleminonin”

09:18 Politika

VIDEO/ Luftë në Paris, vriten 2 të dyshuar për atentatet e së premtes. Mes tyre edhe një femër

09:02 Politika

Koço Kokëdhima merr kontrollin mbi urbanistiken e bregdetit jugor

20:38 Politika

VIDEO/ Si do reagonin qytetarët në Tiranë nëse do ishin dëshmitarë të një atentati?

19:26 Politika