Meta mban leksion në 'Sapienza' dhe takon Massimo D’Alema-n

Në kuadër të vizitës zyrtare në Itali, Kryetari i Kuvendit të Shqipërisë Ilir Meta u prit në Universitetin “Sapienza” të Romës nga Rektori i këtij universiteti prof. Eudenio Gaudio dhe më pas mbajti një leksion dhe zhvilloi një bashkëbisedim me studentët e Universitetit “Sapienza”.

Në fjalën e mbajtur para studentëve, Meta tha se Italia është një partner strategjik historik dhe i natyrshëm për shqiptarët.

“Italia ka qenë gjithnjë pranë Shqipërisë në kohë të vështira. Mesdheu na bashkon nën moton ‘Dy popuj, Një Det, Një Miqësi’”, – tha kryetari i Kuvendit, teksa i shprehu mirënjohjen e tij “Sapienzës” që ka hapur dyert për studentët shqiptarë.

Gjithashtu, në fjalën e tij Meta theksoi se ndihet krenar për integrimin e Komunitetit shqiptar dhe arritjet e studentëve në Itali.

“Mirëpresim kontributin e studentëve shqiptarë për të arritur objektivat evropianiste në Shqipëri”, shtoi kryetari i Kuvendit.

Ndër të tjera, Meta tha se korrupsioni dhe krimi i organizuar pengojnë investimet dhe zhvillimin ekonomik, në një kohë që Shqipëria po ndërmerr reforma që kërkojnë përgjegjshmëri dhe konsensus ndër-partiak.

“Qytetarët shqiptarë kanë pritshmëri të larta. Bashkimi Europian është një destinacion shumë kompleks. Është model unifikimi, përgjegjësish të përbashkëta, standarde jetese dhe respekti për të drejtat e njeriut, përfshirjeje dhe mbi të gjitha një vizion “Europa e plotë dhe e lirë””, u shpreh Meta.

Në vijim të vizitës së tij zyrtare në Itali, Kryetari i Kuvendit Ilir Meta zhvilloi takime të veçanta edhe me ish Kryeministrin italian z. Massimo D’Alema, President i Fondacionit të Studimeve Progresive Evropiane (FEPS) dhe me ish Ministrin e Jashtëm z. Franco Frattini, President i Shoqatës Italiane për Organizatat Ndërkombëtare (SIOI).

Gjatë këtyre takimeve, z. Meta shprehu mirënjohjen për kontributin e z. Frattini dhe z. D’Alema në vite në shërbim të forcimit të marrëdhënieve mes Italisë dhe Shqipërisë, dhe për përpjekjet e tyre në interes të qartësimit të perspektivës evropiane të Shqipërisë dhe vendeve të tjera të rajonit.

Z.Meta u shpreh se Shqipëria dhe Italia janë dy partnerë strategjikë të natyrshëm dhe se populli shqiptar e vlerëson maksimalisht përkrahjen e gjithanshme italiane si për aspiratat integruese të Shqipërisë ashtu edhe për mirë-integrimin e një komuniteti domethënës shqiptar në Itali.

Gjatë këtyre takimeve u nda bindja se sfidat e fundit të sigurisë që po përjeton Evropa dhe kriza e refugjatëve shton nevojën e mbrojtjes së projektit evropian i cili duhet përforcuar përmes vlerave të solidaritetit dhe bashkëpunimit në interes të stabilitetit dhe zhvillimit ekonomik e social të të gjithë vendeve të kontinentit. Në këtë kuadër, u konfirmua edhe një herë se Bashkimi Evropian nuk duhet ta ngadalësojë zgjerimin e tij dhe se perspektiva e të gjithë vendeve të Ballkanit është brenda familjes demokratike evropiane, të integruar me të drejta të plota.

Vokshi akuzon Beqajn: Me paratë e tenderave po bën shtëpi në Peruxhia të Italisë

11:24 Politika

Aurel Plasari: Fundi i Ramës do jetë me pasoja të rënda për këtë vend

09:51 Politika

“Nuk bëhet Shqipëria me laro, bythecë e shkërdhatokratë”

09:25 Politika

"Zbutet" Turqia: Do punojmë për uljen e tensioneve me Rusinë

09:07 Politika

Lubonja: Përfundojmë duke u qeverisur gjithmonë nga të çmendurit, Rama është si Hitleri

21:54 Politika

Mark Frroku, sponsorizues i Partisë Demokratike

20:37 Politika

VIDEO/ Tensionet Turqi-Rusi, 10 faktet që njohim deri tani dhe duhet t’i dini

20:06 Politika

Lufta e Tretë

19:39 Politika

DEBATET/ Berisha-Ballës: Vrasës, përdhunues kriminel...Balla: Jo çdo i ri në moshën e Zenit ka veset e Zenit

18:42 Politika

Dekriminalizim? Jo ju lutem!

18:00 Politika