“Më pëqejnë gazetaret që gjunëzohen shpejt”- Shkarkohet ministri serb i Mbrojtjes

Ministri serb i Mbrojtjes Bratislav Gasic u shkarkua nga detyra nga kryeministri Vuçic, pas deklaratës së tij se i pëlqejnë gazetaret të cilat “gjunëzohen shpejt”.

Kryeministri serb Aleksandar Vuçiç ka thënë të hënën se Gasic nuk mund të mbetet në qeveri, pas komentit të tij ‘’të pamatur’’ për gazetaret.

“Ne kemi nevojë t’i mbrojmë gratë në Serbi. Ishte një mesazh i keq për të gjitha gratë. Një ministër nuk mund të thotë atë”, u tha Vucic gazetarëve, duke shtuar se Gasic është shoku i tij i ngushtë dhe një nga ministrat e tij më të devotshëm.

Gasiç bëri koment për Zlatija Labovic, një gazetare nga TV B92, gjatë vizitës së tij në fabrikën Prva Petoletka Namenska në Terstenik të dielën.

Kur Labovic u ul poshtë, për të marrë operatorin e kamerës, Gasic tha: “Unë i dua gazetaret femra që bien poshtë në gjunjë e tyre të lehtë”.

Pasi u paralajmëruar nga Vuçic , Gasic kërkoi falje për veprën që kishte shkaktuar.

“Unë dua të kërkoj falje publikisht ndaj gazetares Zlatija Labovic dhe publikut serb për shkak të sjelljes sime të turpshme dhe skandaloze. Nuk ka asnjë justifikim për veprimet e mia,” tha Gasic.

Para shkarkimit, të hënën Shoqata e Pavarur e Gazetarëve të Serbisë (NUNS) bëri thirrje për shkarkim të menjëhershëm të ministrit Gasic dhe u bëri thirrje të gjitha mediave dhe gazetarëve të “ngrijnë çdo komunikim me ministrin e Mbrojtjes dhe të bojkotojnë të gjitha ngjarjet në të cilën ai merr pjesë”.

“Ne besojmë se pas vulgaritetit të tillë që përfaqëson majën e mosrespektimit ndaj profesionit të gazetarisë, por edhe për shkak të disa gabimeve të kaluara… Gasic duhet të shkarkohet nga detyra e tij ministrore”, tha NUNS në një deklaratë.

Jovana Gligorijevic, një gazetare nga revista Vreme dhe krijuese hashtag në Twitter #novinarkeneklece (‘gazetarët nuk gjunjëzohen’), tha për BIRN se seksizmi i Gasic ishte një dukuri e zakonshme që tregon se si autoritetet i shohin gazetaret.

“Para së gjithash, ky është një sulm seksist ndaj një gruaje, por është gjithashtu një sulm ndaj gazetarëve në përgjithësi. Nëse ne e marrim aktin Gasiq simbolikisht, ne mund të shohim se ‘gjunjëzimi’ tregon qëndrimin e autoriteteve ndaj tërë profesionit të gazetarisë”, tha Gligorijevic.

Gasiqic iu kërkua të largohet në disa raste të mëparshme të këtij viti, në lidhje me gabimet e tjera të pretenduara.

Në shtator, Agjencia serbe Anti-Korrupsionit pretendoi se ai kishte një konflikt interesi, kur ai dha kontrata për kompani të lidhura me familjen e tij, përderisa ai ishte krye bashkiak i qytetit të Krushevcit. Gasic e mohoi këtë.

Gjithashtu në shtator, Avokati i Popullit i Serbisë Sasha Jankovic këshilloi autoritetet që ta shkarkojnë atë në lidhje me incidentet gjatë Gay Pride parade vitit të kaluar në Beograd.

Partitë e opozitës bënë thirrje Gasic të japë dorëheqjen pas një aksidenti të helikopterit të ushtrisë në mars të këtij viti në të cilin humbën jetën shtatë persona, përfshirë një foshnje pesëditëshe. Ai mohoi se ai ishte përgjegjës.

Greqia: Shpëtohen bankat, por humbasin miliona

13:47 Rajoni

Meta takime dhe me Jahjagen dhe Limaj. A po shkohet drejt marreveshjes?

17:52 Rajoni

Haradinaj flet pas takimit me Metën: Kushti yne, anulimi i marrëveshjeve dhe lirimi i të burgosurve politikë

14:21 Rajoni

Paragjykimet e historiografisë serbe: Në damarët e shqiptarëve ka gjak serb

11:40 Rajoni

Guximi i familjeve shqiptare në Maqedoni për shpëtimin e hebrenjve

17:53 Rajoni

Armët e vogla nga Ballkani vërshojnë në Europë

15:00 Rajoni

Operacion i madh policor në Kaçanik, në kërkim të Lavdrim Muhaxherit

17:10 Rajoni

Polici e quajti “qen” Albin Kurtin gjatë arrestimit ?!

16:18 Rajoni

Krimineli i luftës pritet si hero në Serbi

10:00 Rajoni

Greqia rikthen pensionet për minoritarët grekë në Shqipëri, përfitojnë 260 euro në muaj

09:17 Rajoni