Gëzuar vitin e ri Rilindja ime e vogël

Nga Bledi Mane-Public Enemy

fb.com/bledi.mane

instagram.com/bledimane

Kur u ngjiz vogëlushja pati debate të forta. Debate, sharje, ofshama, skepticizëm, eufori, pasiguri, qejfmbetje. Dyshonim të gjithë se ngjizja nuk u bë në formën klasike organike mes një femre e një mashkulli por u bë mes spermatozoidëve të dy burrave. E debatet vazhduan pa fund porsi konservatorët që kundërshtojnë fekondimin invitro të çifteve të të njëjtit seks derisa me shpejtësi skëterrë u mbars barku i opozitës së atëhershme dhe mesnatën e 21 qershorit 2013 lindi vogëlushja.

E pagëzuan Rilindje qysh pa dalë në dritë dhe ndryshe nga çka pritej ishte një fëmijë buçko dhe bukuroshe. Rilindja sa zgjati kokën nga vagina e së ëmës ndjeu vapën e stinës dhe erën e djersitur të 1 milionë njerzve që e prisnin në maternitet me padurim. 3 muajt e beharit Rilindja formëzohej me shpejtësi duke u zgjatur si njëri baba e duke u buçkosur si babai tjetër. Në shtator filloi të ecte më këmbë duke u mbajtur e duke u rrëzuar derisa në fillim të 2014-ës nuk kishte më nevojë për karrocë. Ushqehej mirë çdo ditë, pinte qumësht, rufiste muhalebi, luante, e përkëdhelnin dhe e puthnin miliona duar e buzë, qurravitej, qante, rrëzohej, ngrihej, bërtiste, qeshte. Pas 8-9 muajsh sëmuret dhe e shtrojnë me urgjencë në spitalin publik të fëmijëve por pas 2-3 ditësh shëndeti iu keqësua dhe e çuan në një prej spitaleve të shtrenjta private të Tiranës. Aty e mbanin falas prej sikletit të prindërve por për çudi edhe të dy baballarët nuk po vinin ta vizitonin shpesh. Kur shfaqej njëri mungonte tjetri, e kur kërkonte tjetrin zhdukej i pari. Sanitaret, infermierët, doktorët dhe vizitorët diç po nuhasnin dhe ngashërimet e vogëlushes nuk po ia fashisnin dot. Dhoma e spitalit të vogëlushes mbushur me ushqime dhe lodra nuk po e bënte të lumtur ndaj njëri prej prindërve vendosi ti çonte një baby-sitter të re, të gjatë me emrin Briselda por kjo e fundit nuk duronte dot të qarat apo pampersat plot shurrë dhe dhjerrje të vogëlushes Rilindje. Briselda tymoste duhan gjithë ditën, llafoste pa pushim në celular, vishej e zhvishej me rroba të shtrenjta në sy të vogëlushes, kujdesej teprueshëm për veten, e braktiste bebin e vogël çdo natë duke u harbuar club-eve të Tiranës ndaj njëri prej baballarëve ai më i shkurtri dhe më i riu në moshë u irritua dhe i kërkoi prindërit më të gjatë ta largonte. Arroganca dhe kokëfortësia e të gjatit nuk e lëvizi Briseldën nga vendi e pavarësisht se vogëlushja po dobësohej e nuk po hante, asgjë nuk ndryshoi. Kaluan javë, muaj, stinë e vite dhe vogëlushja Rilindje herë shërohej disi e herë shkërmoqej në krevat e raskapitur.

Babai më i gjatë i dëshpëruar për barazi mes gjinive u mundua ti ndryshonte atmosferën dhomës së pacientes vogëlushe duke i çuar me detyrim baby-sitter të tjerë. U bë një miksim kujdestarësh që zëvendësonin njëri-tjetrin e pavarësisht emrave të çuditshëm si Mirela, Shkëlqim, Eglantina, Ilir vogëlushja nuk po ndjente përmirësim. Nga poshtë spitalit një mjek i dalë boje e i dalë në pension me emrin Sali u bërtiste kujdestarëve dhe prindërve për shëndetligën e vogël. Dhe atyre që u bërtiste ua hallakaste trurin duke ia varur kështu vogëlushes e duke u marrë me plakushin. Situata keqësohej dhe vetëm kur vinte ndonjë mjek i huaj që vizitonte Rilindjen dhe u jepte këshilla sikur përmirësohej shëndeti i saj por ndërkohë ikte vizitori i huaj, ikte dhe interesi për vocëraken. Vogëlushja megjithëse rritej e vobektë çdo ditë ende nuk po bëlbëzonte lirshëm derisa një ditë të hidhur vjeshte kur dielli rrinte mbi mal si kokra e kalbur e një molle, vogëlushja Rilindje nxorri zë nga goja e saj e bardhë e po u rrëfente dy prindërve meshkuj:

-Ba, baba. Baaabaaaaaa-dhe me gisht drejtohej nga kujdestari më i plakur me emrin Shkëlqim. Tregonte me shenja e xheste sesi një natë më parë ky Shkëlqimi i kishte përlarë nga poshtë jastëkut disa lekë që ia kishin sjellë për qokë disa vizitorë hallexhinj.

-Ba, baba. Baaabaaaaaaa-dhe me gisht drejtohej nga kujdestari më i gjatë me emrin Ilir. Tregonte me shenja e xheste sesi një natë më parë ky Iliri i kishte vjedhur nga komodina ilaçet që duhet ti merrte 3 herë në ditë…

Në dhomën e pacientes u duk sikur ra kolera dhe u sëmurën të gjithë. Babai më i shkurtër rrudhi fytyrën e u largua i pari, i dyti babai më i gjatë hakërreu sytë dhe doli rrëmbimthi edhe ai. Kujdestarët nuk folën. Shikonin mes heshtjes njëri-tjetrin e po nën heshtje thurrën një nga ato planet djallëzore që prej kohësh e bluanin në kokat e tyre. Sapo kapërdiu nata dhe heshtja mbuloi dhomën, spitalin, rrugën, qytetin më e shkathta kujdestare me emrin Briseldë rrëmbeu foshnjen e mbuluar nga teshat dhe gjumi e u nis jashtë. Rrugëtoi si hajdute nëpër rrugicat e ftohta të dhjetorit dhe pa më të voglën mëshirë e la të braktisur vogëlushen të vdiste mes të ftohtit..

Mëngjesin tjetër vendi u gdhi pakëz i ngrohtë. Pas vdekjeve tragjike të dy foshnjave Policët e Sajmir Tahirit kishin gjetur një foshnje tjetër të braktisur por në grahmat e fundit të jetës tek qante pa zë nga ngashërimat e hidhura të të ftohtit. Pas verifikimeve të rastit fëmija e seksit femër, 30 muajshe me emrin Rilindje u dërgua në një prej jetimoreve të Tiranës te rruga e Elbasanit përballë ambasadës amerikane. Vetë ambasadori amerikan shkoi ta vizitonte të braktisurën duke i çuar një thes plot lodra e rroba ndërsa Policia po punon instesivisht për të gjetur kush janë prindërit e vogëlushes!

Kamionistet do te ngelen te bllokuar "nga Renzi tek parlamenti italian"

16:00 Blog

Mos u frikësoni

12:29 Blog

Të gjithë shqiptarët shpallen “Njeriu i vitit”

15:16 Blog

Fashizmi i bollëkut

12:40 Blog

Viti i thyerjeve të forta

09:46 Blog

A do ndodhë që gjyqtarët dhe prokurorët që do largohen t’i futen politikës?

17:36 Blog

Nuk vdiq nga i ftohti

17:30 Blog

Një vështrim tjetër për “Vrimën”

13:37 Blog

Rudina Xhunga: Eli Babagjyshja dhe Vlora

10:26 Blog

Këshillë për ata që janë shumë lart

19:19 Blog