Prokuroria nis hetimet për ish-ministrat e Berishës

Prokuroria e Përgjithshme nis hetimet për kallëzimin e Ministrisë së Energjisë dhe Industrisë, ndaj ish-ministrave të qeverisë së kaluar për privatizimin e Operatorit të Sistemit të Shpërndarjes së Energjisë në vitin 2009.

Kallëzimi ka kaluar në zyrën e Drejtorisë së Hetimit financiar dhe Antikorrupsionit pranë institucionit qendror të akuzës, i cili ka urdhëruar verifikimin e pretendimeve të kallëzuesit.

Burimet thonë se janë caktuar dy prokuror për hetimin e çështjes, të cilëve i janë ndarë disa detyra për të hetuar pretendimet e ngritura në kallëzim. Me nisjen e këtij veprimi hetimor, prokuroria thotë se ka administruar në dosje raportin voluminoz të auditit të inspektorëve të Ministrisë së Energjisë dhe Industrisë, të cilët kanë konstatuar shkeljet e renditura në 8 pikat e kallëzimit.

Referuar materialit të dorëzuar në prokurorët thonë se do të verifikohet i gjithë procesi i privatizimit të OSSH, duke filluar që nga përgatitja për privatizim, hartimi i kuadrit ligjor përkatës, ndjekja dhe zbatimi i procedurave të privatizimit.

Do të kërkohet në bazë të auditit të verifikohet procesi i tenderimit, materialet e negocimit të kontratës, konkluzionet e përmbylljes së procesit të privatizimit dhe zbatimi i kontratës së privatizimit.

Gjithashtu hetuesit thanë për Abc News, se do të kontrollohen veprimet dhe mosveprimet e institucioneve përkatëse gjatë zbatimit të kontratës, shkresat e Qeverisë pasi në kallëzim dyshohet se ka ndërhyrë në vendimmarrjen e institucioneve të pavarura si Enti rregullator i Energjisë, si dhe do të verifikohen procedurat që kanë ndjekur institucione e shtetit shqiptar pas heqjes së licencës së shoqërisë çeke CEZ Shpërndarja.

Në përfundim të këtij verifikimi, thanë hetuesit do të vendoset nëse ka element të veprës penale të konsumuar nga të kallëzuarit, që dyshohet se me veprimet dhe mos veprimet e tyre i kanë sjell shtetit shqiptar një dëm prej rreth 414 milion euro.

Për këtë dëm financiar, ministria e energjetikës dhe industrisë ka denoncuar ish-ministrat e këtij dikasteri Genc Ruli  e Florian Mima dhe dy zv/ministrat e tyre Neritan Alibali dhe Enno Bozdo. Në kallëzim pretendohet se ka kryer shkelje ligjore edhe ish-drejtoresha e përgjithshme e shërbimeve tregtare Mimoza Vokshi, shtetasja Suzana Guxholli si ish-këshilltarja e kryeministrit Sali Berisha dhe ish-ministri I financave Ridvan Bode.

Veprimtaria e të gjithë këtyre personave të kallëzuar dhe anëtarëve të Komisionit të Vlerësimit të Ofertave dhe personat e tjerë që janë marr me këto procedura, sipas prokurorisë do të hetohen për akuzën e “Shpërdorimit të detyrës”.

Ministria e Energjetikës dhe Industrisë, në kallëzimin e saj, pretendon se audituesit kanë konstatuar se privatizimi i OSSH-së ka qenë një proces abuziv, parakohshëm, në kundërshtim të hapur me aktet nënligjore, praktikat e privatizimit në sektorin energjetik si dhe janë konstatuar element të veprës penale të shkeljes së barazisë në tendera.

ZULULAND/ Kush do na i garantojë drejtësinë pas reformës, sistemi apo njerëzit? (Pjesa e dytë)

20:30 Politika

PD kërkon ulje taksash për motelet, Veliaj: Flini në shtëpi si gjithë Tirana

15:15 Politika

DEBATI/ Këshilltarët e PD përpiqen të prishin mbledhjen, Veliaj përplaset me Ollin

15:05 Politika

“Po qesh ende me humorin e injorantëve të PD-së. Kështu duhen trajtuar budallenjtë, duhen tallur”

14:59 Politika

Koço Kokëdhima mbron projektin e konsorciumit në jug, pasi mbështetet nga…komentuesit e TemA-s

14:52 Politika

E vendosa, do ta refuzoj ftesën e Ramës vitin tjetër!

13:31 Politika

“Reforma në drejtësi duhet të sjellë një tërmet, efektet e saj do të jenë tronditëse”

13:15 Politika

Pse Basha mund t'ia zgjasë jetën Ramës?

13:02 Politika

INTERVISTA/ Meta: Reforma në drejtësi jetike, partitë të bëjnë transparencë mbi financat

11:55 Politika

Skandali në policinë belge: 10 efektivë bënin orgji gjatë sulmeve terroriste

11:47 Politika