Te fundit
Parkimi nëntokësor në parkun "Rinia" jepet me koncesion për 30 vite, bashkia fiton 15%
31 Dhjetor 2015, 11:37Sociale
TEMA
Parkimi nëntokësor i Parkut Rina, një ndër projektet më stategjike të bashkisë së Tiranës, do të jepet me koncesion për 30 vjet. Vendimi i këshillit bashkiak u miratua vetëm më votat e mazhorancës pas kundërshtimit të ashpër të opozitës me heret qe argumentoi se ky koncesion favorizon klientë të qeverisë. Kryetari i bashkisë së Tiranës Erion Veliaj, në mbledhjen maratonë të Këshillit Bashkiak , tha se nevoja për parkime është emergjente.
Erion Veliaj: Ne të kemi paralelisht me punën shesh edhe punën te Parku Rinia për një parkim nëntokësor, i cili pas investimit kthehet në shesh dhe ka vetëm një hyrje dhe dalje për makinat. Ky rikonfirmim nga këshilli është i nevojshëm sidomos kur kemi arritur të negociojmë edhe një ofertë më të mirë sesa ishte rezultati i koncesionit, pra nga 10% e fitimit bashkia merr 15% dhe në vend që të kthehet ky investim për bashkinë në 35 vjet, do të kthehet për 30 vjet.
Koncesioni i parkimit nëntokësor ishte një nga pikat e para në axhendën e mbledhjes, por Këshilli Bashkiak vendosi ta shtyjë në fund me argumentin se pritoritet nga këshilltarët duhet ti jepej buxhetit dhe paketës fiskale. Në një intervistë për Ora News, këshilltari demokrat Akil Kraja tha se nuk ka perse te jepet një koncesion kur sapo është krijuar agjensia e parkimeve. Gjithashtu këshilltari i djathtë thotë se komisioni i vlerësimit të ofertave në ministrinë e Ekonomisë nuk ka hapur dritën jeshile për këtë projekt.
Akil Kraja: Një projekt disa miliona eurosh të cilat ne nuk i kuptojmë arsyet se pse po i bëjmë me koncesion në një kohë kur para një muaji u krijua agjencia e Tirana Parking. Atëhere nëse ne jemi duke krijuar agjenci njëra pas tjetrës pse po i japim me koncesion parkingjet e Tiranës. Koncesion i cili ka edhe dyshime në bazën juridike. Komisioni i Miratimit të Ministrisë së Ekonomisë nuk ka dhë një dritë jeshile për këtë koncesion. Pra do të thotë që ka një boshllëk i cili duhet mbushur.
LSI, një nga aletatë e shumicës në këshilli shprehet pro këtij vendim. Kreu i grupit të LSI Prof.Shezai Rrokaj tha se për këtë projekt janë ulur vitet e koncesionarit me 5 vite. Pra nga 35 i parashikuar gjatë mandatit të Ramës, koncesioni do të jepet për 30 vite. Gjithashtu është rritur % e fitimit të bashkisë nga 10% në 15%.
Shezai Rrokaj: Jemi të hapur për politikën e koncesioneve, natyrishit këtu në bashki japim vetëm një leje madje ne rriregullojmë një vendim që është marrë që në 2004 dhe aty do të miratojmë të drejtën qe kemi të bëjmë me të dhënien e lejës, tarifat dhe kohëzgjatjen.
Parkimi nëntokësor në Parkun Rinia do të ketë një kapacitet prej 1000 vend parkimesh, në të do të aplikohen tarifa 100 lekë për orën e parë të qëndrimit dhe zbritje të cmimit për orën e dytë apo të tretë të qëndrimit. Mbetet e paqartë se sa do të jetë sipërfaqja që do të përdoret për parkim dhe afatet kohore të këtij projektit. Ideja e një parkim nëntokësor në këtë hapësirë nuk artikulohet për herë të parë në këtë vit nga kryetari Veliaj në deklartën e 28 nëntorit.
Një vendim i tilli ka kaluar në këshill në vitin 2009 në kohën kur bashkia drejtohej nga Edi Rama. Rikthimi në këshilli bashkiak është jo vetëm për riaktivizimin e këtij projekti por ndryshimet e viteve të koncesionimit dhe të % të fitimit të bashkisë./ Ora News
9 komente në “Parkimi nëntokësor në parkun “Rinia” jepet me koncesion për 30 vite, bashkia fiton 15%”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
po fuqizohetn PS ,per te blere zgjedhjet e 2017,impakt tjeter nuk ka ky lloj koncensioni,gezuar per shum vjet taksat e reja o zot ma mire thelle e ma thelle njemilion shpullasve
15% te fitimit apo 15% te shitjeve? Se po qe e fitimit, ne tajare e kemi te tere, njesoj si me BANKERS.
Good point
I fort ai qe e mer per ta ndertuar!
AS PER 100 VJET nuk ja nxjer paret po e beri sipas kerkesave te EU per parkingjet!
Nje tjeter koncesion qe do ja fute shqiptareve. Si mundet nje kryetar qe zgjidhet per mandat 4 vjecar te jape koncesion per 30 vjet. Pse nuk merr kredi bashkia e ta beje vete parkingun qe te jete prone e saj e ti marre vete fitimet?
Pastaj kur te ndertohet ky parkingu a nuk do priten te tera pemet e parkut ….po hyrjet e dajet e parkingut a nuk do zvoglojne siperfaqe te gjelberuar te parkut.
Iku Basha qe dha koncesionin te sheshi i stadiumit e erdhi ky tjeteri me koncesionin e parkut rinia. Keta jane te tere njesoj, bejne te njetat gjera, ndryshon vetem fytyra.
Shqiperia nuk eshte ne EU por ne AU(african union).
Kujt i eshte dhene me koncesion apo akoma nuk eshte zhvilluar tenderi?
O zot i madh cna degjojne veshet?
Parkin nentokesor te parku rinia???????????????????????????????????
si mund te prishet parku dhe te ndertohet parkim ne mes te tiranes, i vetmi park i qytetit qe me teper se gjysma u dha per lokalin, tajvanin e famshem?????
Si mund te marre dikush guximin dhe ta mendoje nje gje te tille e jo me t’a beje????
Cohuni o njerez dhe te shkojme te gjithe ti zeme deren atij te bashkia se Tirana nuk eshte as e Rames, Bashes apo Veliajt por e shqiptareve.
Cfare po presim, nuk kemi me kohe per te pritur, jemi shume voneeeeeeeeeeeeeeeeeeeeeeeeeeeeee
Keshtu e filloi edhe Basha kur firmosi para mediave kontraten per Parkingun e Shesh Italia.
Velija po asgjeson dhe ate parcele te gjelber qe ka qendra e Tiranes me kete projekt, kur ka mundesi dhe alternativa te tjera per kete. Kjo eshte driteshkurtesi e shtyre nga deliri i pushtetareve per “te bere gjera te medha”!?