Te fundit
Vrau fqinjin për një plep, kapet autori në Kavajë
4 Janar 2016, 15:10Kronika
TEMA
Një i ri është vrarë paraditen e sotme në Luz të Madh të Kavajës, ndërsa policia ka arrestuar bashkëfshatarin e tij si autorin e dyshuar të vrasjes. Ismet Xhani, 30 vjeç, ka qenë duke prerë degët e një pemë plepi për dru zjarri, në rrugicën e fshatit ku ndodhet shtëpia e tij, kur është qëlluar me armë zjarri nga 56-vjeçari, Xhevdet Saraçi.
Nga të shtënat në distancë të afërt, i riu, baba i një fëmije 3-muajsh, ka marrë plagë të rënda dhe megjithëse është dërguar fillimisht në spitalin e Kavajës, e më pas atë të Durrësit, nuk ka mundur të mbijetojë.
Ngjarja ndodhi rreth orës 10:30 të së hënës dhe pak çaste më vonë policia lokale vuri në pranga autorin e dyshuar. Mes tij dhe viktimës kishte nisur një konflikt për prerjen e pemës mbi të cilën të dy kishin pretendime. Ulja e temperaturave këtë fillimviti e ka shtyrë viktimën të presë pemën që ishte rritur buzë kanalit në toka fqinje e për të cilën kishte pretendime dhe Saraçi, raporton Tch.
Më pas, degët i ka afruar në rrugicën pranë shtëpisë ku dhe ka ndodhur krimi. Policia ka bërë ndalimin e Saraçit dhe sekuestrimin e armës së krimit. Grupi hetimor vijon procedurat për zbardhjen e plotë të ngjarjes, ndërsa në fshat thonë se i dyshuari ishte person me probleme të shëndetit mendor dhe dihej që mbante armë.
3 komente në “Vrau fqinjin për një plep, kapet autori në Kavajë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Duhet vene denimi me vdekje..
Kur te degjojme vrau fqinjin per nje grusht fara luledielli
Ngrihu Enver nga varri!!!!! Nuk mund te them gje tjeter per keta kafshe qe jeten nuk e kane per gje…