Te fundit
Vidhet kasaforta në kompaninë e bashkëshortit të deputetes socialiste, grabitësit marrin 6 mijë euro
11 Janar 2016, 17:27Kronika
TEMA
Bastisen zyrat e kompanisë ku është aksioner bashkëshorti i deputetes socialiste Mimoza Hafizi.
Ngjarja ndodhi mëngjesin e të dielës, ndërsa autorët mundën të merrnin pa thyerje kasafortën e zyrës në të cilën ndodheshin rreth 300 mijë dollarë.
Ndërkaq, zyrtarë të policisë së komisariatit nr.2, thanë për Shqiptarja.com se janë vjedhur vetëm 6 milionë lekë të vjetra dhe jo 300 mijë $.
Vjedhja u konstatua vetëm pasditen e të dielës nga administratorët, që më pas njoftuan edhe policinë, e cila nisi hetimet me kqyrjen e vendit të ngjarjes dhe marrjen e dëshmive të ndryshme.
Sipas policisë persona të paidentifikuar mëngjesin e të dielës, hynë në zyrat e kompanisë së ndërtimit, aksioner i së cilës është edhe Hasan Hafizi. Që aty autorët arritën të shkëpusnin kasafortën në të cilën ndodhej shuma e parave.
Nga dëshmitë e marra nga policia është mësuar se autorët janë afruar me një triçikël që përdoret për transport mallrash të vjetra, për t’u fshehur më mirë.
Nga informacionet e marra nga policia dyshohet se autorët kanë qenë së paku tre persona të veshur me xhupa me kapuç dhe së bashku mundën të zbrisnin kasafortën duke u larguar në drejtim të panjohur.
Pamjet e disa kamerave filmike, të zonës aty pranë nuk e kanë ndihmuar policinë për të zbardhur krimin.
Hetuesit ndërkaq kanë shoqëruar në ambientet e policisë së paku 10 persona të dyshuar për ngjarjen.
1 komente në “Vidhet kasaforta në kompaninë e bashkëshortit të deputetes socialiste, grabitësit marrin 6 mijë euro”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
a ka ndonje deputet te PS qe nuk ka ne pronesi te vet ose te ndonje familiari ndonje firme te madhe qe punon kryesisht me tendera publike?????