Te fundit
Andrea Stefani: SMS-të e mia me ambasadorin amerikan për 21 janarin
21 Janar 2016, 09:22Politika
TEMA
Në 5 vjetorin e 21 janarit, Andrea Stefani ka bërë një shkrim të gjatë tek gazeta Dita.
Ai kujton edhe mesazhet e shkëmbyera atë kohë me ish-ambasadorin amerikan, Aleksandër Arvizu.
“Që kur, ambasadori amerikan Aleksandër Arvizu e shpalli Bashën “yll në ngjitje”, nuk ka reshtur një tendencë për ta konservuar këtë trajektore që synon ta bëjë me çdo kusht Lulin kryeministër. Ngjitet si një tullumbace që e fryjnë pa prerë që të mos humbasë lartësi. Në vend që të gremisej, pas “21 janarit” Basha u bë kryetar i Bashkisë së Tiranës me vota qartazi të vjedhura në fund të procesit të numërimit edhe pse Arvizu kish përveshur mëngët për të penguar çdo manipulim. Forca “perëndish të epërme olimpike” duket kishin vendosur që ai ta merrte atë post sepse është aksiomatike që, po u bëre kryetar i Bashkisë së kryeqytetit, lartësia tjetër është pa shmangshëm Kryeministria. Më pas, e shohim Bashën në postin e kryetarit të PD. Përsëri me anë të një procesi mjaft të dyshimtë votimi, madje të kontestuar edhe brenda PD, përballë Olldashit.
Kështu ndodhi edhe me ambasadorin amerikan Aleksandër Arvizu. Kishim pak kohë që këmbenim mesazhe kur një mbrëmje, marr prej tij ftesën që ta ndiqja në TV në një interviste për gazetaren Sonila Meço. Kuptova se donte edhe një opinion për intervistën. Dhe ja dhashë. Isha mjaft kritik dhe u pa qartë, edhe nga qëndrimi i mëvonshëm (që nuk mora më mesazhe prej ambasadorit) se nuk e pëlqeu fare reagimin tim. Por edhe mua nuk më pëlqeu fare një qëndrim aq refraktar madje jo miqësor ndaj kritikës, edhe pse diskrete, të një gazetari. Në fund të fundit, si gazetar, duhej të jepja opinionin tim që nuk do të thotë pëlqimin për çdo gjë që mund të thotë apo bëjë një ambasador, qoftë edhe ky i SHBA. Një privilegj që nuk e ka gëzuar në SHBA, në marrëdhënien me gazetarët, as Obama dhe asnjë President. Madje, ky është një nga shkaqet se përse SHBA mbeten, megjithë mangësitë, demokracia më e fuqishme në botë. Me ç’duket, ambasadori mirëpriste vetëm pëlqimin. Por do kisha qenë i pasinqertë me të, me veten dhe vendin tim po t’ja jepja. Por mbi të gjitha, me ata që u vranë mizorisht në 21 janar. Me Ziverin, Aleksin, Farukun, Hekuranin.
Mbaj mend se në intervistën në fjalë, Arvizu i mëshoi më me theks përgjegjësisë së opozitës për organizmin e demonstratës madje, duke thënë se opozita duhet të kërkonte falje për një gjë të tillë. Prandaj, në mesazhin për të, nënvizova se të kërkosh që opozita të kërkojë falje, është të vendosësh një balancë aspak realiste mes krimit të vrasjes së 4 protestuesve dhe një demonstrate të dhunshme. I bëja edhe pyetjen habitore: Basha një “star”?! Edhe një tjetër pyetje: Vërtet besoni se Berisha është një politikan me ideale demokratike?
Në përgjigje të mesazhit tim, Arvizu mohon të ketë vendosur shenjën e barazimit mes qeverisë dhe opozitës, dhe shton se gjërat mund të ndryshojnë për mirë vetëm nëse janë më të shumtë njerëzit që marrin përgjegjësi. “Unë publikisht kam thënë se qeveria, për shkak se është në pushtet, mban përgjegjësinë kryesore dhe duhet të japë shembullin për këtë. Po vërtet beson se PS nuk ka fare përgjegjësi për atë që ndodhi në 21 janar? Qe një konfrontim dhe kishte dy palë. Mendoj që Ben Blushi mori një pozicion më të përgjegjshëm të cilin unë do të doja ta vlerësoja. Në çdo rast, mesazhi themelor që doja të përçoja është se mbetet e papranueshme për krahët politikë të kërcënojnë ose të pengojnë në çdo mënyrë punën e kryeprokurorit dhe të vepruarit kështu, do të ketë pasoja në termat e marrëdhënieve me SHBA! Dhe e mbyllte: Shpresoj kjo ndihmon!
Në fakt nuk më ndihmoi aspak. Nuk pata marrë asnjë përgjigje lidhur me pyejtjet për Bashën si “yll” dhe Berishën si “demokrat’. Ndërkohë nuk arrija të kuptoja sesi mund t’i bënim politikanët shqiptarë të merrnin përgjegjësi mbi vete ndërsa po shpallnim “star” një ministër të brendshëm që nuk mori as përgjegjësinë politike për vrasjen e 4 protestuesve nga ushtarët nën urdhrat e tij? Ja shkrova këto ambasador Arvizut në një mesazh pasues, duke e ilustruar edhe me shembullin e, Jorge Coelho, ministrit portugez të punëve publike që dha dorëheqjen pas shembjes së një ure ku u vranë disa qytetarë. Por nuk mora përgjigje. As më mesazhe”, shkruan Stefani.
4 komente në “Andrea Stefani: SMS-të e mia me ambasadorin amerikan për 21 janarin”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Te lumte Andr-a !
Je inteligjent dhe gazetar profesionist, qe nuk e shet te verteten edhe para ambasadorit te IDA-s.
Sikur te kish disa gazetare si ti!!!!!
Ftesa e ambasadorit per ta ndjekur per ti dhene nje opinion pas intervistes eshte nje menyre per ti thene: “degjo me kujdes qendrimin tim dhe mbaj te njejten linje neser qe te me kesh mik…”…stefani eshte treguar loqe…
Vlleho-rumuni Stefani po flet per ngjarjet ne Shqiperi. Ka ndonje koment per ngjarjet ne Rumani nga ndonje shqiptar.
Pershendetje Z.Andrea ju dhe Z.Baze, jeni nga gazetaret me te lexueshem,me realist dhe me te drejtperdrejt,,jane te verteta keto mesazhe qe i ofroni publikut,po si gjithmone inteligjenca shqiptare eshte shit per nje jete me komode dhe per qejfe te shfrenuara,(dhe na vjen keq)intelektualet jane nenshtruar nga ligesia nje plakut te marre sic eshte Berisha,si dhe per arsyet qe u thane me lart nuk pranojne te jene dakort me ju:Megjithate
historia do ti gjykoje:ke shum te drejte per qendrimin e ambasadoreve ndaj ketyre plehrave te politikes.kuptojme qe edhe bota e ambasadoreve ndaj vendeve te vogla eshte thjesht ”pazar”dhe ta them me plot bindje as kam patur dhe as do te kem besim ke ambasadoret deri sa egziston ”Dollari” dhe gje Sali Berisha dhe Ilir Meta e njofin mire.Shqiperia dhe shume vende kane mbaru deri ne momentin qe nje dit te bukur ne nje vend larg shqiperise do dal dikush ose Zoti, ti thot stop kesaj ”bote te pazareve”.Edi Rama(pavarsisht gabimeve) po ate qe kerkon ti ofroj ketij populli nuk e lene Meta dhe Berisha t`ja ofroj ketij populli.Gjynafet e ketij populli marshin me vete