Te fundit
Kush qenë gardistët e fjalës në 21 janar?
21 Janar 2016, 09:09Politika
TEMA
Një pjesë e madhe e mediave folën mbrëmë se si Edi Rama dhe Ilir Meta e pritën 21 janarin me nga një gotë verë përpara, më shumë të merakosur për të sheshuar hallet e pushtetit të sotëm, sesa për të kujtuar katër të vdekurit që prej pesë vjetësh vazhdojnë të qëndrojnë mes tyre.
Kjo hipokrizi e pështirë, ku kundërshtari cinik i « kokëpalarëve » dhe përbetuesi se do të bënte drejtësi për gjakun e tyre, kacafyten se si të ndajnë llokmat e pushtetit, nuk qe gjë përpara ndjenjës që të ngjallte emisioni «Opinion», i cili po transmetohej në të njëjtën kohë kur Rama dhe Meta debatonin nën avujt e alkoolit.
Zgjedhja për të ritrasmetuar atë që protagonistët kishin thënë pesë vite më parë ishte e goditur.
Sepse përmes saj kujtojmë më lehtë temat që kemi diskutuar, në të nxehtë, menjëherë pas masakrës. Sepse përmes saj kuptojmë më mirë se sa i shkëputur nga realiteti dhe i ndikuar nga dhuna (jo vetëm fizike, por edhe propagandistike) e pushtetit ishte debati i asaj kohe.
Duke parë mbrëmë ritrasmetimin e “Opinion” habiteshe që nuk diskutohej se kush qëlloi mbi viktimat, por kush i çoi ata në pritë; Jo kush vrau, po kush provokoi ? Jo kush kreu akte, por kush përfitonte; Jo kush derdhi gjak, por kush i preu demostruesit në besë ; Jo kush po fshehte gjurmët, por kush kishte bërë puç ».
Kjo ka qenë hullia ku e futi debatin një pushtet autokratik që quante më të rëndësishëm gërvishtjen e gardhit të kryeministrisë sesa jetën e qytetarëve të vet. Dhe nën këtë strategji u fabrikuan me dhjetra mashtrime. Asaj i shërbyen deklaratat e reme sikur ai Mercedezi i verdhë që u kap te dera e kryeministrisë ishte i mbushur me tritol. Sikur protestuesit mbanin çadra pistoletë dhe thika me helm. Po kësaj strategjie i sherbeu shndërrimi në simbol heroizmi (oh sta kronika pafundësisht të gjata bëri TV Klan për të) i atij gardistit që mbrojti flamurin, ndërkohë që në zyrat e kryeministrisë fshihej serveri dhe prisheshin filmimet që tregonin atë që kish ndodhur realisht.
Kuptohet, dalë ngadalë kësaj loje i doli boja. Fillimisht u shfaq videoja e gazetarit Artan Hoxha që tregone se plumbat erdhën nga gryka e pushkës së gardistit Llupo. Më pas erdhi raporti i FBI-së që fliste për rolin e komandantit të gardës Prendi, të cilën Berisha shkoi ta përkrahi menjëherë pas ngjarjes. Pastaj u kuptua më mirë se pse nuk u la prokuroria të hetonte dhe se pse u shpik teoria e “zinxhirit komandues” për të mos zbuluar vrasësit e vërtetë.
Të gjitha këto, pak nga pak, e bënë të ditur për këdo që do të arsyetojë se kush vrau realisht në 21 janar.
Për këtë nuk ka më dilema.
Por pluhuri i kohës, ka arritur të zbehë, kujtimin e mbrojtësve mediatikë të vrasësve. Të atyre që për shumë kohë, na frynë kokën me teori konspirative. Të atyre që, nën efektin e frikës, parasë apo qoftë edhe miklimit të pushtetit, përdorën gjithçka për ta shpënë debatin në hullinë fallco ku e kërkone Bëerisha.
Pikërisht për këtë, ritrasmetimi dje i emisionit “Opinion” ishte i vlefshëm. Se ai na mundësoi të rizhytemi në detin e gënjeshtrës së djeshme. Ku gardistët e fjalës ishin po aq të rrezikshëm sa ata që qëndronin pas gardhit të kryeministrisë.
Pasi njësoj ata i shërbyen një pushteti që vriste.
Dhe kulmi është që shumë prej tyre kanë filluar ti shërbejnë me të njëjtin zell pushtetit të ri.
Prandaj hipokrizia nuk duhet kërkuar vetëm në faktin se Rama dhe Meta u ulën të pijnë bashkë, në prag të pesë vjetorit të masakrës.
Lapsi.al
6 komente në “Kush qenë gardistët e fjalës në 21 janar?”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Gjeja me e mire do te ishte qe sot Fevziu te therriste prape Zhejin, Preçin, Bregun dhe Cilin; ti therriste dhe ne te degjonim a kane ndryshuar mendim nga ajo nate e tmerrsheme. Patjeter qe po. Zheji do dridhet e sperdridhet, Preçi do thote ca te verteta por do filloje te shaje Ramen e sotem, Bregu kodra pas bregut, ndersa Cili e ka rrugen te hapur per te folur . Le ti therrase dhe ti degjojme.
Eshte hera e pare qe me pelqen nje koment i Bushatit.
E ke qare shoku, të lumtë pena. Të shikoje Çilin dhe Zhejin mbrëmë te opinion ishte kulmi i hipokrizisë!
Ky flet pa lidhje thone kosovaret. Une shtroj pyetjen ne qoftese do te demonstronin perball shtepise se bardh ne washington ne te njejten mynyre si ne tirane cfar dote ndodhte????! Bushati i Mehdiut prape keshtu do te shkruante ???
Meli
Me fal po vetem nje idiot ben te tilla krahasime
do vriteshin 400 milion amerikane,kjo do ndodhte dhe presidenti amerikan do ishte burre shteti pse vrau popullin e vet,edhe asadi po ben mire qe po vret se po protestojne edhe atje ketu dhe 4 vjet rrjesht per ta rrezuar,po ai po ben burrin e shtetit duke vrare popullin e vet,kjo eshte zotesi dhe trimeri sipas kaptines tende MEL GIPSON,idjot.