LETRA/ Çështja “CEZ-DIA”, Clifford Chance: Oponentët tanë përdorën median për të sulmuar politikisht Ilir Metën

Studio “Clifford Chance” në cilësinë e këshilltarit kryesor të OSHEE-së në arbitrazhin kundër DIA i ka dërguar një letër ministrit të Energjisë dhe Industrisë Damian Gjiknuri dhe administratorit të OSHEE-së, Ardian Çela.

Në këtë letër, zyra avokatore thekson se, pavarësisht se nuk ka reaguar ndaj shkrimeve në media, siguron se nuk ka asnjë të dhënë që lidh kryetarin e Kuvendit, Ilir Meta me veprimet korruptive të DIA-s, apo administratorëve të saj.

“Në këtë dritë është për të ardhur keq që natyra jo-publike e procesit të arbitrazhit është dhunuar, kur disa nga parashtrimet tona rrodhën në drejtim të shtypit për arsye të ndryshme politike dhe disa përfaqësues të medias lidhën emrin e të Nderuarit Kryetar të Parlamentit të Shqipërisë me akuzën e korrupsionit. Kjo gjë ka qenë qartësisht e pajustifikueshme mbi bazën e parashtrimeve tona. Ju do të kuptoni që ne na duhej të qëndronim të tërhequr nga reagimi në detaje ndaj supozimeve të tilla të medias, në këndvështrim të procedurave në vazhdim të arbitrazhit, por ne mund t’ju sigurojmë që nuk disponojmë asnjë të dhënë që e lidh z. Meta me veprimet korruptive të DIA-s apo të administratorëve të saj të shkuar apo aktuale. Në çdo rast, përfshirë përpjekjen e fundit frenetike të oponentëve të OSHEE-së për te shkaktuar konfuzion publik, ato dështuan dhe procedimi përfundoi me dhënien e vendimit përfundimtar të arbitrazhit më datë 14 Dhjetor 2015”, thuhet në letrën e Clifford Chance. 

Letra e plotë: 

Të nderuar zotërinj,

Une po ju shkruaj në kapacitetin tim si këshilltari kryesor i OSHEE-së në arbitrazhin kundër DIA, i lidhur me cështjen e marrëveshjes së mbledhjes së borxheve mbi bazën e së cilës DIA kërkonte mbi 130 milion EURO nga OSHEE përpara Qendrës Ndërkombëtare të Arbitrazhit në Vienë (VIAC Case No. SCH-5317).

Mosmarrëveshja ishte zgjidhur që në Dhjetor 2014, por marrëveshja e zgjidhjes me mirëkuptim u sfidua nga nje aksioner i supozuar i DIA-s c’ka coi në procedime gjyqësore paralele në Ishujt Virgjin Britanik dhe në një vazhdim të procedimit në arbitrazh. Sikurse jeni në dijeni, Gjykata e Arbitrazhit më datë 14 Dhjetor 2015 përfundimisht deklaroi të vlefshme zgjidhjen me mirëkuptim mes paleve dhe refuzoi kërkesën e DIA-s në tërësinë e saj.

Dëshiroj të përfitoj nga rasti t’ju përgëzoj ju për këtë sukses dhe t’ju falenderoj sinqerisht për mbështetjen tuaj të vazhdueshme për mbrojtjen e OSHEE-së.

Do të dëshiroja gjithashtu të vija në dukje performancën e shkëlqyer të ekipit te brendshëm të OSHEE-së:

Z. Romeo Karaj kuptoi dimensionin e mashtrimit të DIA-s dhe mori vendimin kurajoz t’i kundërvihej paligjshmerisë së dukshme dhe të zhvillonte një strategji mbrojtje e cila rezultoi e suksesshme që me lëvizjen e parë (marrëveshja e zgjidhjes me mirëkuptim).

Z. Rezart Ruci dëshmoi të ishte një manaxher mosmarreveshjesh i shkelqyer dhe me besueshmëri të lartë, i cili u kujdes për pjesën operative të mbrojtjes me një kuptim shumë të mirë për cështjet ligjore dhe gjykim të shkëlqyer në mjaft situata të vështira.

Znj. Gentiana Gica kontribuoi me ide fituese për parashtrimet tona dhe njohuri të thella të cështjes; njohja e shkëlqyer e saj e gjuhës angleze ishte e pazëvendësueshme në këtë mosmarrëveshje ndërkombëtare.

Të tre sëbashku meritojnë meritën për ndjekjen e pakursyer të mbrojtjes së OSHEE-së. Ata me kurajo ndihmuan në zbatimin e sundimit të ligjit dhe shmangien e një dëmi të konsiderueshëm për kompaninë dhe mbi të gjitha për popullin shqiptar.

Sic është tipike në raste të tilla, ne na është dashur të merremi me fakte, supozime dhe dyshime të ndryshme. Kokëfortësia e gënjeshtrave të prezantuara nga oponentet na detyruan ne të reagojmë, por në të kundërt të asaj cka pala tjetër ka supozuar pas rrjedhjes së informacionit të vizitës tonë tek prokurorët në Tiranë në Tetor 2013, ne nuk kemi bërë asnjë akuzë të pagjetur.

Në këtë dritë është për të ardhur keq që natyra jo-publike e procesit të arbitrazhit është dhunuar, kur disa nga parashtrimet tona rrodhen në drejtim të shtypit për arsye të ndryshme politike dhe disa përfaqësues të medias lidhën emrin e të Nderuarit Kryetar të Parlamentit të Shqiperisë me akuzën e korrupsionit. Kjo gjë ka qenë qartësisht e pajustifikueshme mbi bazën e parashtrimeve tona.

Ju do të kuptoni që ne na duhej të qëndronim të tërhequr nga reagimi në detaje ndaj supozimeve të tilla të medias, në këndvështrim të procedurave në vazhdim të arbitrazhit, por ne mund t’ju sigurojmë që nuk disponojmë asnjë të dhënë që e lidh z. Meta me veprimet korruptive të DIA-s apo të administratorëve të saj të shkuar apo aktuale. Në cdo rast, përfshirë përpjekjen e fundit frenetike të oponenteve të OSHEE-së për te shkaktuar konfuzion publik, ato dështuan dhe procedimi përfundoi me dhënien e vendimit përfundimtar të arbitrazhit më datë 14 Dhjetor 2015.

Unë edhe një herë ju përcjell përgëzimet e të gjithë ekipit të Clifford Chance – ishte një nder të sherbenim në këtë rast.

Lulzim Basha: Largimi i Ramës, domosdoshmëri

13:39 Politika

FOTOT/ “Love in air”: Zëvendëskryeministri në hije, adhurues i flaktë i Berishës

12:40 Politika

Politikanët pronarë, që po përdorin funksionin për miliardat e tyre

12:28 Politika

“Topmodelja seksi e PD-së vodhi 520 milion lekë”

11:40 Politika

Spekulimet: Rama do të bëjë ndryshime në qeveri?

11:14 Politika

Rama, në takimin e përjavshëm me Metën

09:48 Politika

REPLIKAT: Emigranti mposht Berishën

09:19 Politika

Indeksi i demokracisë, Shqipëria në vendin e 81-të

09:09 Politika

Hervin Çuli replikon me Berishën: Ti dhe horrat e tu keni rrahur, djegur e vrarë gazeta e gazetarë!

21:34 Politika

Vangjel Dule: PBDNJ-ja nuk është më pjesë e koalicionit të majtë

20:10 Politika